नाम नामेति नामेति

कन्यकेच्या वर्गात नव्याने दाखल झालेल्या मुलाचे नाव प्रग्नय अन मुलीचे सिंध्या.

शर्विलक म्हणजे चोर ना?

हो. धूमधडाका सिनेमात उल्लेख आहे "शर्विलकाचा प्रतिशंखनाद" म्हणजे चोराच्या उलट्या बोंबा.

फॉर ए चेंज, मी धातुरूपावलीऐवजी धूमधडाका वापरतोय संदर्भ म्हणून

हर्पा सर, तुम्ही वापरताय म्हणजे संदर्भ अचूकच असेल.

धन्यवाद आ_रती

शर्विलक बहुतेक शेवर्लेट मधून येणार्‍या चोराला म्हणत असतील.

काही लोकं ते कृष्णाचं नाव म्हणुन सांगतात.

'शर्विल' हे बहुतेक कृष्णाचे/विष्णूचे नाव आहे. शर्विलक म्हणजे चोर हे नक्की...

शर्विल म्हणजे शंकर ना?
>>शर्विलक बहुतेक शेवर्लेट मधून येणार्‍या चोराला म्हणत असतील. >>

एकदा एक सहकारी म्हणाला, " तुला सांगितलं चंचलला जाऊन भेट. तर तुला काय वाटेल?"

मी गोंधळले हा काय प्रश्न आहे? तर तोच पुढे बोलायला लागला, " कोणीतरी एखादी चुलबुली टाईप ची मुलगी असेल अस वाटेल ना..
"
वैतागून हसला.. " लोकं काहीही नाव ठेवतात.. "
**
काही दिवसांनी मला पण चंचल ल भेटावे लागले. चंचल म्हणजे एक ताडमाड सहा फुटी मुच्छड होता, अगदी एखादा मेजर वगैरे शोभावा असा..

शर्विलक म्हणजे चोर नाय काय. त्या नावाचं एक character चोर असतं कुठल्याशा संस्कृत नाटकात म्हणून चोराला शर्विलक म्हणतात.
जसं तळीराम म्हणजे बेवडा.
Bruhannada म्हणजे ट्रान्स.
वगैरे.

'मृच्छकटिकम्' नाटकात चोराचं नाव शर्विलक आहे. पण कृष्णाला माखनचोर/ नवनीतचोर म्हणतात तशा अर्थाने असू शकेल. कृष्णाची बरीच नावं खट्याळमिथकांच्या- संदर्भाने येतात. खोटूश्याम, रणछोडदास, मुरारी, मधुसूदन पण प्रिफिक्सच(उपसर्ग?) ठेवलं आणि सफिक्स( मराठी शब्द? प्रत्यय ) सोडून दिले तर वेगळा अर्थही( खोटू, रणछोड, मुर आणि मधुदैत्य) निघू शकतो. त्याच्या उलट करूनही अर्थाचा अनर्थ करता येतो ( एकदंत, अजातशत्रू, पुरुरवा ) जो जे वांछिल तो ते लाहो.

शेवर्लेट आणि धूमधडाका>>>>

मृच्छकटिकम वरून उत्सव मधला चोर आठवला.

मी 'एकदंत डेंटल क्लिनिक' बघितलं होतं, का जावं वाटेल तिथे. टू ग्राफिक.

डेक्कनला प्रकाश डोळे यांचे डोळ्यांचे हॉस्पिटल होते.
सातारा ते कर्‍हाड या प्रवासात मानमोडे अ‍ॅक्सिडेंट हॉस्पिटल पाहिले आहे.

श्लेष्मा नावाच्या खरंच शेकड्यानी मुली आहेत फेसबुकवर. मला थाप वाटलेली.
आणि हार्दिक महाडिक पण खूप आहेत. काय मेली नावं..

एकदंत डेंटल क्लिनिक - खोपोलीला आहे डॉ निखिल वालेकर यांचं

माझ्या एका मित्राचं नाव जयंत वसंत संत आहे.

हर्पा सर, तुम्ही वापरताय म्हणजे संदर्भ अचूकच असेल. >> झालं, निघालीच लक्तरं माझ्या संदर्भाची.

शर्विलक या शब्दाचा अर्थ तरीही अजून मला समजलेला नाही. 'अमुकतमुकचं नाव' हा काही अर्थ होऊ शकत नाही. व्युत्पत्ती शोधतो आहे. शर्व् म्हणजे हिंसा करणे. हिंसक स्त्री या अर्थाने दुर्गेचं नाव शर्वाणी असं आहे. पण शर्विल किंवा शर्विलक हा शब्द कसा तयार झाला याचा उलगडा होत नाही. तो 'इल' कुठून आला बघायला पाहिजे. आता धातुरूपावली उघडायला लागणार. धूमधडाक्यावर विसंबून माती खाल्ली.

एकदंत डेंटल क्लिनिक>>
पुण्यात मेहेंदळे गॅरेज रोडवर एक 'जबडे डेंटल क्लिनिक' आहे.

मै और मेरी धातूरूपावली अक्सर ये बाते करते है
संदर्भ : अस्मिता ची post
कुणाला उद्देशून ते लिहायची आवश्यकता नाहीच मुळी

स्वप्निल म्हणजे स्वप्न बघणारा/ घडवणारा

मग शर्विल म्हणजे हत्या (अन्त) घडवणारा असा होइल का? ( शंकराला ते नाव योग्य वाटते)

पण मग शर्विलक मधला शेवटचा क कुठून आला? (Back to Har Pa)

एकदंत डेंटल क्लिनिक!

आता सुडोमि सुतोंमि!

स्वप्निल >> बरोबर माधव. पण या शब्दात स्वप्न हे नाम घेऊन त्यापासून ते विशेषण (किंवा तद्धित) बनवलं आहे. शर्व् हा धातु आहे. त्याचं तद्धित बनवता येणार नाही.

शेवटच्या क बद्दल >> 'ते करणारा' असा अर्थ होतो. चालन करणारा चालक, वाहून नेणारा वाहक, संपादन करणारा संपादक, लेखन करणारा लेखक इत्यादी. मग शर्विल/शर्विलन (अशा नावाची कृती) करणारा तो शर्विलक असा अर्थ लागेल. पण मग पुन्हा तेच, ये शर्विल-शर्विल क्या है?

मागे मी कुणालातरी अशीच 'क' शेवटी येणार्‍या शब्दांची उदाहरणं देत होतो, वाहक, चालक वगैरे, तर म्हणे 'मालक म्हणजे काय'! डोक्याला हात.

कोण होता तो बालक?

सदाशिव पेठेत दाते दातांचे हॉस्पिटल आहे. नशीब शेजारी मानेच्या आजारावर माने हॉस्पिटल नव्हते.
(गुगल करा. हे आधी डोळे डोळ्यांच्या हॉस्पिटलशेजारीच डेक्कनला होते हे नक्की).

'आपटे' मोटार स्कूल आहे की पुण्यात

हपा
हातवळणे हस्तकला वर्ग पण आहे.

आपटे' मोटार स्कूल