नाम नामेति नामेति

>>>>>>>ज्याने माझा उस्साह च मावळला त्या नावाचा.
मला मुलीचं नाव सुमती ठेवायचे होते म्हणजे जस्ट विचार चालला होता की सासूबाईंनी शूमुती म्हणुन विरजण घातले.

मला रमासाठी पलाक्षी हे नाव सापडले आणि आवडले होते
माझ्या नावाशी जुळते म्हणून
. तेव्हा नवरा म्हणाला छोटं केलं तर पलू होईल आणि तुझं पल्लू आहे. मग confusion होईल, नको म्हणे आणि मुख्य criteria काय तर spelling सोपं हवं, जोडाक्षर नको आणि बाळाला स्वतः ला नाव सांगता आलं पाहिजे इतकं सोपं हवं.
मग काय ठेवलं रमा ओम
.
ओम तिला अमाताई म्हणतो आणि स्वतःला आम. इतकं सोपं असून सुद्धा गंडवलं आहे त्याने

मुख्य criteria काय तर spelling सोपं हवं, जोडाक्षर नको आणि बाळाला स्वतः ला नाव सांगता आलं पाहिजे इतकं सोपं हवं. >> सहमत

तिला अमाताई म्हणतो आणि स्वतःला आम >> लहान वयामुळे र म्हणता येत नसेल, होईल नीट नंतर. (मला वय माहीत नाही, म्हणून निव्वळ अंदाज)

माझ्या ऑफिसात एक मेजर होता. मेजर सिंग. माझ्या बाजुच्या डेस्कवर बसायचा. मला वाटायचे हा सैन्यातुन निवृत्त होऊन ऑफिसात लागलाय. नंतर कळले की त्याचे नाव मेजर होते.
घरात कोणाशीतरी त्याचा मेजर झोल झालेला होता. फोनवर सतत भांडण सुरु. इतक्या मोठ्याने बोलायचा की मला काम करणे अशक्य व्हायचे. मी एकदा सांगितलेही त्याला पण परिणाम शुन्य. शेवटी त्याची टिम दुसरीकडे शिफ्ट झाली आणि आम्ही सगळ्यांनीच सुटकेचा श्वास सोडला

लहान वयामुळे र म्हणता येत नसेल, होईल नीट नंतर>> हो अडीच वर्षांचा आहे आणि बोलायचं कंटाळा येतो त्याला मी कित्येकदा त्याला एकटा असताना गाणी म्हणताना पाहिलं आहे.
कधीकधी येत असूनही बोलत नाही.

ओम तिला अमाताई म्हणतो आणि स्वतःला आम.>>> किती cute

नावाच्या इतक्या गमती सुरू आहेत.. त्यात थोडी दुसऱ्या बाजूची गंमत.

इकडे ( अमेरिकेत) :

मुलगा त्याच्या शाळेतल्या मुलाविषयी सांगत होता चेटानिया , चेटनिया म्हटलं हे कुठलं नाव? मग स्पेलिंग बघितलं तर Chaitnya.. अरे हा तर चैतन्य..

तसच बंडी-ओ- पाधी ( कधीकधी ऐकायला येत बंडी ओ पादी ) .

टने - Ta-nay - तनय

असे काही निवडक आता आठवतायत..

आणि श्राडा, राडा,कॅफील पण

चेटानिया , चेटनिया
chaitnya.. अरे हा तर चैतन्य
टने - Ta-nay - तनय
तसच बंडी-ओ- पाधी ( कधीकधी ऐकायला येत बंडी ओ पादी ) .
भरपूर मनोरंजन

शतरुपा>>>> आमच्या कॉलेजमध्ये होती पण दुसऱ्या ब्रांचला

नावाप्रमाणे होती, अगदी रूपवान :डोळयात बदाम:

मुख्य criteria काय तर spelling सोपं हवं, जोडाक्षर नको आणि बाळाला स्वतः ला नाव सांगता आलं पाहिजे इतकं सोपं हवं.
>>>
माझ्या नवऱ्याने पण अगदी हाच्च क्रायटेरीआ ठेवला होता.

श्राडा, राडा,कॅफील पण >>>

इतरांचं ठीक आहे पण ज्या स्वतःलाच ‘राडा’ म्हणवून घेतात ते फार डोक्यात जातं. ज्यांनी नाव ठेवलंय ते व्यवस्थित उच्चार करत असणार.

प्रत्यंचा ओढणे

आमाताई आम
एकटा असताना गाणी म्हणतो आणि सगळ्यासमोर मात्र गोलमाल तुषार कपूरचा मोठा भाऊ
आबा, इलेक्ट्रॉनिक्स मध्ये होती काय बदाम राणी?
मॅकेनिकल मध्ये वाळवंट असतं मग बिचारे मारतात चकरा दुसऱ्या वर्गावरून

ओम तिला अमाताई म्हणतो आणि स्वतःला आम.>>> किती गोड
ऑफिस मध्ये हेल्पडेस्क मधील एकाच नाव मनोरंजन आहे.

यु.एस. मधे एक "गोखले" स्वतःचे नाव "गोकेल" सांगायचा, ते आठवले.

प्रल्हाद की प्रह्लाद?
पंचायत मध्ये प्रधानजी त्या जाड्याला ठसठशीत पणे 'प्रह्लाद' म्हणतो.

अर्चित, आव्यान, व्योम, शर्वीन हे नावं shortlist केले आहेत. श्र्लोक चा एक अर्थ प्रार्थना हा होतो आणि अर्चित चा अर्थ देखील मिळता जुळता आहे म्हणून माझ्या मोठ्या मुलाला ते नाव आवडले आहे.
माझ्या मते अर्चित म्हणजे ज्याचे अर्चन म्हणजे पूजा झाली आहे तो..म्हणजेच पूजनीय . हा अर्थ योग्य आहे का? तसेच शर्वीन चा अर्थ काय असावा ? >>माझ्या माहितीनुसार अर्चित चा अर्थ पूजनीयच आहे. माझ्या मुलाचे नावही अर्चित आहे.

माझ्या लेकाचं नाव रिदित आहे. वर्गातले सगळे चमुमंडळ त्याला रिबिट म्हणते. हा पण कधीच दुरुस्त करत नाही. एकदा त्याच्या मित्राची आई मला भेटुन नाव विचारुन गेली. नक्की तिला वाटलं असणार हे काय असं बेडकाच्या आवाजाचं नाव ठेवलंय.

माझ्या टिममधे एक हार्दिक होता. फिरंगी लोकं त्याचं नाव ऐकुन खुस्पुसायचे. त्याने मग एचडी असं नाव सांगायला सुरुवात केली.

थॅंक्स टू निक्स जिजू माझं नाव आता तरी लोकं ओळखतात नाही तर पुर्वी हमखास प्रियांका चं बियांका करायचे.

आमच्या ऑफिस मधे एक Dikshit नावाचा मुलगा आहे.

Russell Peters हा भारतीय नावांची नेहमी खेचत असतो.

त्याचे कुलदीप, सुखदीप, दीक्षित वैगरे नावांचे विनोद चहाटळ लोकांमध्ये प्रसिद्ध आहेत.

लेखिका विचार करत असेल काय म्हणुन धागा काढला. लोकांनी कुठे नेला

माबोकर्स चावट लबाड आहेत खूप.
धाग्याचा हेतू काहीही असो, ते आपल्याला पाहिजे तिथेच नेऊन ठेवतात.

खरंय पर्टिक्युलरली या लेखीकेच्या धाग्यांबाबत तेच सोयीचं आहे

आमचे एक सर होते त्यांचे नांव रोहित होते तर आडनांव कावळे दोन्ही पक्षीच!

असे बरेच कोंबीनेशन होऊ शकतात.
पोपट घारे.
रोहित गरुड
पोपट मोरे

इत्यादी इत्यादी
असेच दोघे होते कलीग एकाचे नांव कांचन होते तर दुसर्‍याचे आडनांव कांचन. आता कांचन आडनांवाच्या व्यक्तीने आपल्या मुलाचे/मुलीचे नांव कांचन ठेवले तर कसे कांचन कांचन होईल.

ते फॅमिली फुईड म्हणुन् एक कार्येक्रम येतो त्यात एकदा असाच ओबु ओबु ओबु नवाचा माणुस आलेला

या धाग्यात मायबोलीवरील धमाल धागे मधे सामील होण्याचं पोटेन्शियल आहे
BTW आमच्या कथकच्या वर्गात एक बंगाली मुलगी होती. कु. आलो डे. बरे, ती उत्तम मराठी बोलत असल्याने खूप दिवसांपर्यंत आम्हाला आलोडे असेच तिचे आडनाव वाटे.

तसेच १२ वीला एका ट्युशन क्लास मध्ये 'शर्विलक' नावाचा मुलगा होता.

एक ओळखीत रोहित पुरोहित आहे. पुरोहित नावाच्या माणसाला मुलाचे नाव रोहित का ठेवावे वाटले असेल? रोहित पुरोहित... कसं वाटतेय?

भावना प्रधान

माय नेम इज रोहित. ... पुरोहित.
असं सांगता यावं म्हणुन.

मराठीत वसंत वसंत लिमये लेखक आहेत