भुभु आणि माऊ बाळांच्या गंमती जमती २

आता मी खेळणी उचलून ठेवली की दहा मिनिटात ती सगळी बाहेर काढून परत परत करू हे म्हणून भुंकतो>>>
अभ्यासही भारी, दादु त्याला म्हणतोय इकडे लक्ष दे तर त्याने पुस्तक चाटून घेतल

बाळांच्या परिक्षा चालू आहेत का ??
बरेच दिवसात काही नविन पोस्ट नाही.

अवांतर लिहितोय: सुलेखा तळवलकर ह्या Youtube चॅनेल वर सुलेखाने 'टेलकथा (Tailkatha)' नावाचा नवीन सेगमेंट सुरू केलाय. ह्यात प्रामुख्याने प्राणीप्रेमी मंडळींच्या मुलाखती (वैयक्तिक नाही) असणार आहेत आणि जी त्यांच्याकडील पाळीव प्राण्यांच्या जडण-घडण, गंमती-जमती व किस्से ऐकवणार आहे. पहिल्या भागात सुलेखाने, राधिका हर्षे - विद्यासागर ची मुलाखत घेतली, ज्यात राधिकाने 'टेडी हर्षे विद्यासागर' नावाच्या तिच्या कडच्या तिबेटिअन ल्हासा ॲप्सो ह्या प्रजातीच्या कुत्र्याशी गाठ घालून दिली आणि त्याच्या जन्मापासूनचे किस्से व गंमती-जमती सांगितल्या. आणि आता पुढे राधिकाच हा सेगमेंट चालवणार आहे.

बाळाला इतकं दुःख झालं की पार चेहरा पाडून आत येऊन बसून राहिला....आई ग!

गेल्या आठवड्यात बाहेरून कोणीतरी बाई ओड्या ला हाक मारत आहेत असं वाटलं
तो चटकन उठला आणि उत्साहात पळत पळत गेला कोण ते बघायला
आणि मीही बघायला गेलो, तर एक काकू होत्या त्या ओवी नावाच्या मुलीला हाक मारत होत्या

पण त्यामुळे आपल्याला बोलावलं नाही याच आमच्या बाळाला इतकं दुःख झालं की पार चेहरा पाडून आत येऊन बसून राहिला

त्याला परत चांगल्या मूड मध्ये आणायला गाडीवरून एक चक्कर मारायला लागली मग >>> आई गं!!!

आमच्या ओड्या ला पण घ्या की व्हिडीओ मध्ये >>> अगदी, अगदी! खरं तर सुलेखा तळवलकर ने एपिसोडच्या आदल्या दिवशी छोटीशी झलक दाखवली तेव्हा नेहमीप्रमाणेच काहीतरी असेल असे वाटले होते, पण मुलाखत बघतांना व टेडीचे किस्से ऐकतांना खूप मजा आली. आणि ओडिनचीही आठवण आली. सारखं वाटत होत कि तोही टेडीसारख्याच खोड्या करत असावा (अर्थातच मायबोलीवरची ओडिनची डायरी वाचून ते कळतंच आहे, पण प्रत्यक्ष बघण्यात आणखी मजा असते). मलाही ओडिनबद्दल सुलेखाला सुचवावे असे वाटले, पण तुमच्या सहमतीशिवाय ते शक्यच नव्हते. म्हणून मी काहीही करू शकलो नाही. पण तुम्ही सुलेखाला व राधिकाला लिहा, बऱ्याचदा सुलेखा लगेचच प्रतिसाद देते (राधिका पहिल्यांदाच आली असल्याने तसा तिचा अजून अनुभव नाही).

सिम्बाने भारी पोझ दिलेली आहे. अगदी देखणा दिसतोय. दृष्ट काढा बाळाची, हरितात्या

पण त्यामुळे आपल्याला बोलावलं नाही याच आमच्या बाळाला इतकं दुःख झालं की पार चेहरा पाडून आत येऊन बसून राहिला>> ओडू खूपच गोडू आहे.
प्रतिसाद जरी देत नसले तरी मी या धाग्यावर रोज फेरी मारतेच. आमच्याकडे ओडीन हिट आहे. त्याच्या नविन किस्से घरी जाऊन सांगावे लागतात.

बापरे फार हसले! :हहपुवा:
किती कर्तव्यदक्ष आहे हे बाळ!

ओडिन आणि मह्त्त्वाचा प्रश्न - आई ओरडली का नाही मग दूध उतू गेले म्हणून.

मग काय हा माणूस उगाच झोपमोड करतो असा चेहरा करत परत झोपायला गेला>>>>

ओडिन
बिचारा, त्याला वाटलं काहीतरी संकट आलं
किंवा कुणीतरी घरात घुसले,<<<< ओह, आम्हा नभूभूधारकांना कळलच नसतं हे.
मला वाटलं तो आजीला हाका मारतोय की काय, बघ बाबाने काय केलं
निल्सन सारखच, मी ही एखादी चक्कर टाकतेच इथे. खरं तर जे प्राणी चार फुट लांब न रहाता जवळ येतात त्यांना घाबरते. पण इथले किस्से वाचताना मजा येते.
सिंबा रॉयल दिसतोय एकदम.

रा.बा, टेलकथेबाबत धन्यवाद! टेडीला पाहून माऊई , ऑस्करची आठवण झाली.
सिम्बा काय स्टाईलमध्ये बसलाय.भारी आहे.
ओडीन, टेलकथेत येऊ द्या.

ओडी इज द ग्रेटेस्ट.

टीव्हीत किंवा जाहिरातीत बेल वाजली तरी भुंकणे. खरी बेल वाजली तर अगदी न्युक्लीअर अ‍ॅटेक झाल्यासारखे अंगात येउन भुंकणे. मी इथे शिफ्ट झाले तर पहिल्याच दिवशी शेजारची मुलगी वाभरट पणे लिफ्ट पाशी नाचत होती तर ही पळत तिच्या पाशी जाउन उभी व शेपटी जोरात अ‍ॅक्टिव्ह. त्यामुळे ती मुलगी किंकाळ्या फोडती झाली. मग तिचा बाप उखडला. हे पहिल्याच दिवशी. त्यामुळे तो दिसला तरी आम्ही कुठेतरी लपतो. एकदा ही त्याचा पंचा ओढेल की काय अशी मलाच भीती वाट्ते. शेजार्‍यांशी न संबंध हे मुंबईतील धोर ण लगेचच फाटले.

अरे वा, 15 नवीन पोस्ट बघून लाॅटरी लागल्याचा आनंद झाला..
काय ते फोटो, काय ते किस्से, काय ते पालक..
एकदम ok मधे आहे सगळेच..

आमच्या फुंतरुला एक फोड झाला होता. तो आज आपोआप फुटला, त्यामुळे त्याला खूप  रक्तस्त्राव झाला. (ते फोटो येथे दाखवू शकत नाही) पूर्ण घरभर नुसता रक्ताचा सडा पडला होता.घरात पाय ठेवायलाही जागा नव्हती.सगळ्या चादरी,उशा,पांघरायचे,सोफा सगळेच खराब झाले. त्याला डॉ.कडे नेऊन आणले. ते म्हणाले urgent मध्ये ऑपरेशन करावे लागेल. ते सगळे सोपस्कार करून तो फोड/गाठ काढून टाकली आणि castration सुद्धा केले परवा. त्यांना शंका आहे ती गाठ कॅन्सर ची आहे. तपासणी करता पाठवण्यात आली आहे अजून रिपोर्ट यायचे आहेत. लेकरू अगदी मलूल झालं आहे. सगळे रिपोर्ट्स नॉर्मल येऊ दे रे देवा. I KNOW HE IS A FIGHTER...

हो मला विश्वास आहे तो फायटर आहेच. त्याला असे बघणे हीच शिक्षा आहे

ओह
काही नको निघू दे.

खरच असच होवो

खरंच बाळावरची इडापिडा टळो आणि सारे काही चांगले होवो.
बाळ मलूल झालाय.

फूंतरू- द फायटर..
नक्कीच बरा होईल तो..

फूंतरू नक्कीच नक्कीच बरा होईल

ओ अरे बाप रे! लगेच ऑपरेशन केले ते बरे झाले. फुंतरू ला लवकर बरे वाटू देत!

लगेच ऑपरेशन केले ते बरे झाले. फुंतरू ला लवकर बरे वाटू देत>>>> +1000

लवकर बरे वाटो त्याला