तुम्ही दूध/चहा/कॉफी कसे/कसा/कशी पिता?

<<<इथे कोणीही 'माबो का लाल" नाही ज्याने धारोष्ण दूध प्यायले आहे> >> मी आहे की, लहानपणी गावी गेले की काका मागे जायचो गोठयात तेव्हा काका सरळ धार सोडी दुधाची डायरेक्ट आम्हा मुलांच्या तोंडात. मग तिथेच मस्त ग्लासभर कच्चे दूध प्यायचो आम्ही.

<<<इथे कोणीही 'माबो का लाल" नाही ज्याने धारोष्ण दूध प्यायले आहे> >> मी आहे की, लहानपणी गावी गेले की काका मागे जायचो गोठयात तेव्हा काका सरळ धार सोडी दुधाची डायरेक्ट आम्हा मुलांच्या तोंडात. मग तिथेच मस्त ग्लासभर कच्चे दूध प्यायचो आम्ही >> अय्या.. ह्याला धारोष्ण दूध म्हणतात होय.. VB मी देखिल मामा कडे जाऊन अगदी अस्सच डायरेक्ट धार तोंडात घेऊन दुध प्यायले आहे

लहानपणी आम्ही मुलं आसपास कुणी नाही पाहुन रानात चरणाऱ्या बकरीचे धारोष्ण दूध प्यायचो कधी.

बकरी, मेंढीच्या दुधाचा चहा घेतला आहे. धारोष्ण दूध गाईचे प्यायलो आहे (डायरेक्ट धार वगैरे नाही, पेल्यातून प्यायलो आहे)

मी डिप्लोमाला असताना परीक्षेच्या दिव्सांत हॉस्टेलवर राहायचो तेव्हा सकाळी सकाळी उजाडायच्याही आधी दूध केंद्रावरच्या दूधाच्या पिशव्या पळवून तसेच पिशवीतून कच्च्या दूधाची धार प्यायचो

माझ्या वाईट सवयी चोरीच्या धाग्यात याचा उल्लेख केला होता का चेक करायला हवे

दुध आवडतच नाही.
धारोष्ण,पिशवीचे, गवळ्याचे,गार,गरम,मिल्कशेक, गाईचे, म्हशीचे, बकरीचे कुठलेच पीत नाही.

मृणाली माझी दिवसाची सुरवातच गरम दुधाने होते.. आणि शेवट पण हळदीच्या दुधानेच होते.

मी पण सध्या कोरोना काळात कॉफी ऐवजी हळद दूध घेतोय

लहानपणी आम्ही मुलं आसपास कुणी नाही पाहुन रानात चरणाऱ्या बकरीचे धारोष्ण दूध प्यायचो कधी.>>
हा चहा दुधाचा धागा आहे की थापा मारायची स्पर्धा आहे.

मी पण सध्या कोरोना काळात कॉफी ऐवजी हळद दूध घेतोय
>>>

याने कोरोनापासून काही बचाव आहे का? माहितीसाठी विचारतोय

थाप नाहीय ती वीरु.
आम्ही बोरं, करवंद, चिंचा, शिंदोळ्या, आरोण्या, विलायती चिंचा, पेरु, जांभळं असे शेतात रानात जाउन तोडुन/वेचुन आणायचो. त्यावेळी हा ही उद्योग.
गाई, म्हशी शेपटी किंवा लाथा मारायचे म्हणुन त्यांच्या वाटी जायचो नाही जास्त.

कोरोना साठी काय उपयोग होईल माहिती नाही
पण सर्दी खोकला श्वसन यासाठी हळद दूध गुणकारी आहे
शिवाय अँटी बायोटिक गुण आहेत हळदीत
त्यामुळे झालाच तर फायदा होईल नुकसान काही नाही

मानव .. शिंदोळया.. आरोन्या कशा दिसतात ?

मी खूप वर्षांपासून घेतेय हळदीचे दूध..पावसाळ्यात आणि हिवाळ्यात.. सर्दी खोकला होत नाही आणि त्वचा पण तजेलदार राहते.

चिंचा, पेरु, जांभळं असे शेतात रानात जाउन तोडुन/वेचुन आणायचो. त्यावेळी हा ही उद्योग.>>
वाह मानवजी, खुपच छान! निसर्गाच्या सानिध्यात बालपण गेलय तुमचं.

शिंदोळ्या

आरोण्या या चॉकलेटी रंगाच्या, मीऱ्याच्या दुप्पट आकाराच्या असतात, त्यांच्या बिया बारीक असतात.

ह्याला शिंदोळया म्हणतात हे माहित नाही.. पण हे गोरेगावला मिळते..फळबाजारात ..

मी प्यायलेय धारोष्ण दुध ! सांगलीला मामा, मावशीकडे गेले की प्यायला मिळायचे. अजून ती सुरेख चव आठवतेय. सध्या राहत असलेल्या ठिकाणी पण धारोष्ण दुध मिळतेय. मुलाला प्यायला आवडतेय.

यावरून Never have I ever सारखा खेळ होऊ शकतो

धारोष्ण म्हणजे दूध देणाऱ्या प्राण्यांचे नुकतेच काढलेले व त्यामुळे उष्ण/कोमट असलेले दूध. दूध काढणे प्रकाराला धारा काढणे म्हणतात. असेच प्यायले तर धारोष्ण दूध प्यायल्याचा आनंद... गरम करून प्यायले तर ते आपले नेहमीचे दूध झाले.

मला अजूनतरी धारोष्ण दूध प्यायची संधी मिळालेली नाही.

संधी सर्वानाच मिळते,मात्र इतक्या वर्षांनंतर आठवत नाही.

इथे कोणीही 'माबो का लाल" नाही ज्याने धारोष्ण दूध प्यायले आहे?>>>>> प्यायलय कि, आम्ही पण आमच्या गावी म्हणजे देवरुखला जायचो तेव्हा डायरेक्ट धार तोंडात असं प्यायलोय. नंतर लग्न झाल्यावर सासरच्या गावी सातारा साईडला पण, गोंदवल्यालासुध्दा. इथे गोरेगावात एखाद्या गोठ्यात गेलं तरी मिळू शकेल.
आणि धारोष्ण दुध बेस्टम बेस्ट लागतं.

तुम्ही दूध/चहा/कॉफी कसे/कसा/कशी पिता?

फुंकून...

आणि ताक, लस्सी, लिंबू पाणी??

न फुंकता.

तोंड पोळले असेल तर ते देखील फुंकून

वारुणी साठी दुसरा धागा आहे...इथे फक्त titotler वाले प्रतिसाद