तुम्ही दूध/चहा/कॉफी कसे/कसा/कशी पिता?

चहासोबत फरसाण खायला मजा येते.

@ऋन्मेष तुम्हाला चहा नंतर बडीशोप देणारे विदर्भाचे आसतील. तिकडे पद्धत आहे तशी. प्रत्येक घरात सौफ सुपारी चा सुंदर डब्बा असतो.

@ऋन्मेष तुम्हाला चहा नंतर बडीशोप देणारे विदर्भाचे आसतील. तिकडे पद्धत आहे तशी. प्रत्येक घरात सौफ सुपारी चा सुंदर डब्बा असतो.
>>>>>>>
ओके असू शकेल. मी विसरलो त्यांचे गाव. विचारून सांगतो ईथे.
बाकी प्रत्येकाची पद्धत वेगळी असते यातच तर मजा असते. आता कोणाला आपल्यासारखे चहात शेव-फरसाण, वडे-पुरी-घावणे, खारी-बटर वगैरे खाणे वेगळे वाटू शकतेच.

बाकी पेप्सी-थम्प्सप-कोकमध्ये बडीशेपचे दाणे टाकून ते पिणे आणि पिता पिता तोंडाला येतील तसे चावणे यात मजा यायची.
सध्या कोल्ड्रींक सोडूनच कित्येक वर्षे झालीत.

चहात पोहे टाकून खाणे हा देखील एक सुदाम्याचे पोहे टाईप्स मध्यमवर्गीयांमध्ये आढळणारा भन्नाट प्रकार आहे.
शेव फरसाणसारखेच पोहे टाकावेत चहात. आणि चमचाभर एक्स्ट्रा साखर टाकावी. मिनिटभरातच भिजून नरम पडतात. मग रप्पारप खावेत.

असो, चहा खारी आवडत नसेल तर हे घ्या मग चहा वडॅ

https://www.maayboli.com/node/25157 या धाग्याची आठवण आली.

बाकी चहा कॉफी चे पुराण नंतर सांगेन,
पण एवढ्यात प्यायलेले एक भन्नाट पेय सांगतो
मिळण्याची जागा -कॅफे पीटर चा औटलेत
ब्लॅक कॉफी आणि कोक एकत्र, त्यात भरपूर आईस क्युब्स.
कॉम्बिनेशन विचित्र वाटते, पण चव आवडली, इन्स्टंट डोस of कॅफिन,
Coke zero वापरलेत तर शून्य कॅलरी ड्रिंक

दुसरे आवडलेले म्हणजे गिंगर ऍल कॉफी (नक्की नाव आठवत नाही) स्टारबक्स
चव ठसठशीतपणे वेगळी लागते, सुरवातीला मजा वाटली पण शेवटाकडे चव बदलल्या सारखी वाटली, कदाचित बर्फ विताळल्यामुळे असेल.

ब्राझील सोडल्यानंतर तिथल काय मिस करतोय म्हणाल तर तिथली ब्लॅक कॉफी. एकदम कडक. विषेश स्वाद. आणि प्यायची पद्धत - अगदी २० एमएलचा छोटा ग्लास. अगदी टकिलाच्या मापातला. त्याच्यात दूध, साखर मागितल तर स्कॉचमधे सोडा मागितल्यासारखे पाप. बर ही कॉफी हॉटेलच्या लाउंजमधे किंवा सुपरमार्केट मधे अगदी फुकट देणारीही मशीन्स असतात. बसल्याबसल्या एक टकाटक. अक्षरशः किक आणणारी कॉफी. मला त्यातली गंमत एन्जॉय करता यायला खूप वेळ गेला. . त्याच्या पुढे भारतात आपण पितो ती कॉफी. सॉरी.
पण हे मात्र खरय. Anything can happen over a cup of coffee.

इंजिनियर असल्याने चहा नाकारण हे पाप आहे अस मी समजतो. कधीही, कुठेही, कसाही कुणीही केलेला चहा मनापासून आवडतो.
अनेक ठिकाणी राहिल्यामुळे वेगवेगळे प्रकार मिळालेत. प्रत्येक ठिकाणची चव वेगळी. पण एकदा नॉर्थ मधे कुठेतरी खारट चहा मिळाल्यावर जरा धक्काच बसला होता. साउथचा चहा मात्र त्यांच्या देवनागरी लिपीतल्या पाट्यांवरच्या अक्षरासारखा असतो. वाचता तर येते पण ही देवनागरीच नाही अस वाटत रहाते.

दुध पण लहानपणापासूनचा आवडता प्रकार. इतका की मला दुधाच्या बाटलीच्या रबराची अ‍ॅलर्जी झाली होती.
तेंव्हा घरी गायी असल्याने दुधाची रेलचेल. फक्त दुधाचा चहा, फक्त दुधाची कॉफी, साय घातलेली चहा कॉफी सगळ अप्रतीम.

पूर्वी अभ्यास करताना चमच्याने हळू हळू साय घातलेली कॉफी पिण्याची सवय अजूनही आहे. अगदी कॉफी लिक्युअरच्या सीप सारखी.

सोलापूर मध्ये मारामारी नावाचे पेय मिळते... चहा आणि कॉफी एकत्र उकळतात...
सोलापूर विझिट कराल तर नक्की try करा..
मस्त असते...

पुण्यात सुद्धा मिळते, मी ट्राय केले आहे, छान असते.

विदर्भातले लोक खूप जास्त गोड चहा पितात, म्हणून नंतर बडीशेप चघळावी लागतेच.

हे कारण नाही.
घरी आल्यावर गोड/अगोड काहीही खाल्ल्या पिल्यावर , सोप सुपारी देण्याची पद्धत आहे.

कॉफी आवडते चहापेक्षा.दाट दुधातली फेसाळती वाफळती कॉफी पितो.

मलाही कॉफी आवडते.
बीन्स रगडून फ्रेश काळी कोरी कॉफी... दूध न घालून/घालून ...साखर न घालता/घालून/ ....एस्प्रेसो...., बंगलोरची पेल्यामधली फिल्टर कॉफी...

पण GERD मुळे कॉफी पिण्यावर बंधन आले.

मला चहा कमी साखर, कडक ,दुध 60% , पाणी 40% असा आवडतो. चहात बुडवून खारी,टोस्ट,बिस्किटे, शंकरपाळी खाऊ शकते.
पण चकली,फरसाण, वडे,पोहे कसे खायचे चहात टाकून. फारतर एका कपात चहा आणि एका प्लेट मधे वरील तिखट पदार्थ खाउ शकते.
माझी एक मैत्रीण चहात मुरमुरे टाकून खायची.

चकली मस्त लागते चहात बुडवून. खूप मऊ होईपर्यंत नाही भिजवायची. भूक लागलेली असेल आणि बुडवायला इतर काही नसेल तर पोहेही छान लागतात चहात घालून. कच्चे, पांढरे पोहे. जाड. चहाच्या कपात घालून ठेवायचे. चहा पिऊन होईपर्यंत चांगले भिजतात. चमच्याने खायचे.

पुण्यात असताना,सकाळी ऑफिसला निघायच्या घाईत, चहा-चपाती रोल करून नाष्टा असायचा जवळपास रोजच.
भाजी चपाती तयार असायची डब्यासाठी. मग सोपं पडायचं
आदल्या दिवशीची पुरणपोळी पण आवडते दुसर्या दिवशी चहा सोबत.

आदल्या दिवशीची पुरणपोळी पण आवडते दुसर्या दिवशी चहा सोबत.
>>>

आदल्या दिवशीची पुरणपोळी वा चपाती तव्यावर भाजून खाकरयासारखी कडक करायची. आणि मग चहाचा घोट घेत कुडुमकुडुम. रोज सकाळी ऑफिसला जाण्याआधी माझा हाच नाश्ता असायचा. गेले ते दिवस.

ए तुला चहा आवडते की कॉफी हा प्रश्न मला ए तुला सॉफ्ट मेलोडीअस संगीत आवडते की ढिंच्यॅक मुजिक यासारखाच गंडलेला वाटतो.

जसे संगीताबाबत आपण प्रवास करतोय, प्रणय करतोय, घरकाम करतोय, एखाद्या नीरव शांत रात्री डोळे मिटून नुसतेच पडलोय वा पार्टीत उश्या मारत नाचतोय यानुसार कोणत्या प्रकारचे म्युजिक हवे हे ठरते तेच चहाकॉफीलाही लागू

सुट्टीच्या आळसावलेल्या सकाळी मस्त कांदेपोह्यांचा बेत आहे - चहाच हवा

विकेंडला लेट नाईट रात्र जागवत आपल्या जोडीदारासोबत गप्पांचा फड जमवतोय - कॉफीच हवी

पायपीट केलीय, दमलोय, पावसात भिजलोय, आणि मग गरमागरम वडापाव कांदाभजी हादडल्यात - वाफाळलेल्या कटींगला पर्याय नाही

गर्लफ्रेंडसोबत एखाद्या रोमांचिक संध्याकाळी डेटवर आलो आहोत - ईथे चहा की कॉफी हे सांगायची गरज आहे का

सोलापूर मध्ये मारामारी नावाचे पेय मिळते... चहा आणि कॉफी एकत्र उकळतात...
सोलापूर विझिट कराल तर नक्की try करा..
मस्त असते...

नाव काय त्या पेयाचे? एक मारामारी किंवा दोन कटींग मारामारी द्या असं म्हणायचं का?

मी बरेच लहानपणी म्हणजे वीसेक वर्षांपूर्वी त्रंब्यकेश्वरला नागबळी नारायण करायला गेलेलो तेव्हा तिथे एका टपरीवर हे मारामारी प्रकरण पाहिलेले.
पण बोर्डावरच पाहिलेले. नेमके काय करतात हे तेव्हा माहीत नव्हते. नाव वाचून आकर्षित झालेलो.

माझी एक शंका आहे.
दुध शाकाहारी कि मांसाहारी? आतापर्यंत या प्रश्नाचे समाधानकारक उत्तर नाही मिळाले. सो कुणाला माहिती असेल तर सांगावे.

दूध प्राणीजन्य आहे. व्हेगन लोक फक्त वनस्पतीजन्य पदार्थ घेतात त्यामुळे त्यांना प्राण्यांचे दूध चालत नाही, मधसुद्धा नाही.
दूध मांसाहारी की शाकाहारी हे तुम्ही करता त्या व्याख्येवर अवलंबून आहे. वनस्पती सोडून इतर जीवाची हत्याकरुन मिळणारे ते मांसाहारी अशी व्याख्या असेल तर दूध शाकाहारी. पण मग बहुतेक शाकाहारी हीच व्याख्या लावून अंडी मात्र शाकाहारात मोडत नाहीत.
तेव्हा दूध शाकाहारी, त्यात वाद नसावा. पण अंडे शाकाहारी का नाही हा वादाचा मुद्दा ठरतो.

अंडी उबवल्यावर त्यातून पिल्लु बाहेर येते मात्र दुधावर प्रक्रिया करून वासरु तयार होत नाही.... अंडी शाकाहारी की मांसाहारी हा वादच निरर्थक आहे... पिरियड

दूध मांसाहारी की शाकाहारी हे तुम्ही करता त्या व्याख्येवर अवलंबून आहे. ...

तेव्हा दूध शाकाहारी, त्यात वाद नसावा.

What is scientific logic behind it?
Is it perception that milk is veg?

अंडी उबवल्यावर त्यातून पिल्लु बाहेर येते मात्र दुधावर प्रक्रिया करून वासरु तयार होत नाही. >>
हे सगळ्याच अंड्यांना लागू होत नाही. कृपया unfertilized and fertilized egg बद्दल वाचावे. कोंबडी, कोंबड्याच्या संपर्कात न येताही अंडी घालते. त्यातून पिलु निघु शकत नाही. मग ही अंडी शाकाहारी म्हणायला हवी तुमच्या व्याख्येने.

What is scientific logic behind it? > > लिहिले आहे ना. कुण्या जीवाला मारुन ते बनवलेले नाही म्हणुन.

Milk is animal origin.

कुण्या जीवाला मारुन ते बनवलेले नाही म्हणुन.

हे perception झाले. दुध मिळतय तर प्राण्यांपासून ना.
Milk is a filtered blood.
From same animal flesh is considered as a non veg and milk is veg? how?

मानव पृथ्वीकर, शाकाहार म्हणजे टेक्निकली झाडपाला टाईप अन्न पण दुधाप्रमाणे इथे मी सोयीसाठी ती unfertilized अंडी शाकाहारी मानेल ( पण मी ती नाही खाणार).
माझ्यादृष्टीने जीवहिंसा होते तो मांसाहार आणी जीवहिंसा नाही होत तो शाकाहार. हिंसेमध्ये दुधावर वासराचा हक्क किंवा अंड्यावर कोंबडीचा हक्क हे विषय पण येतात तशे पण एखाद्या निष्पाप प्राण्याला मारून खाण्यापेक्षा दुध पिणे/ unfertilized अंडी खाणे परवडले.

Vegan वेगळे आणि Vegetarian (शाकाहारी) वेगळे. शाकाहारी मध, दूध घेतात.
Vegan फक्त वनस्पतीजन्य पदार्थ घेतात. आम्ही जवळपास दोन वर्षे व्हेगन आहार पाळला.
तेव्हा मी तांदूळ, शेंगदाणे, बदाम, काजु यांचे दूध व दही बनवायचो. विरजण म्हणुन हिरव्या मिरचीचे देठ वापरायचे, व्हेगन दही विरजणाला नसेल तर.
व्हिटमिन B12 साठी Nutritional yeast घ्यायचो. मजा यायची.
मग बायकोने अचानाक पुरे झाले व्हेगन आता म्हणुन जाहीर केले.

चहा आणि कॉफ़ी व्हेगन लोकांना चालते की
दूध घालायाच नाही
कोरी प्यायची