युक्ती सुचवा युक्ती सांगा- ५

अरे लोक्स , काकवीच बोला

अरे लोक्स , काकवीच बोला >>> +१ माझ्याकडे पण जवळपास पाऊण लिटर काकवी आहे, जी संपवायची आहे.

काकवी मी कणकेची गोड धिरडी (लहान आकारातली) आणि रव्याचे गोडाचे आप्पे करताना वापरली होती. घरी दोन्हीही आवडले.

साधारण प्रमाण कसे घेतले होते ?

अंदाजानेच. चव बघायची कच्च्या पिठाची.

गाजर हलवा - अर्धी साखर आणि अर्धी काकवी घालून.
ज्वारी आणि रव्याचा केक - पाउण कप काकवी घालून (साखरे ऐवजी)
एगलेस जिंजरब्रेड कूकिज - यात अर्धा कप काकवी. (रेसिपी गूगल करा)

ओके, करुन बघते.

काकवीसाठी: काकवी-चपाती (चहा चपाती धर्तीवर) खाऊन संपवण्यास हातभार लागेल.
(शिवाय ही जोडी तुमच्या आवडीच्या पदार्थांच्या यादीत स्थानबद्ध होण्याची शक्यता आहेच.)

चॉकलेटांसाठी: हापिसात रोज दोन तीन घेऊन यावे आणि दुपारच्या जेवणानंतर वाटून खावीत.

तोंदल्यांच्या भाजीत हरभरे घातल्यास छान लागते असे आज लक्षात आले.

काकवीसाठी: काकवी-चपाती (चहा चपाती धर्तीवर) खाऊन संपवण्यास हातभार लागेल.
(शिवाय ही जोडी तुमच्या आवडीच्या पदार्थांच्या यादीत स्थानबद्ध होण्याची शक्यता आहेच.) >> हा प्रकार आवडीचा आहेच त्यामुळे पाव लिटर काकवी संपली आहे. फक्त खाणारी व्यक्ती एकच आहे त्यामुळे संपत नाहीये.

फक्त खाणारी व्यक्ती एकच आहे त्यामुळे संपत नाहीये. >>>> घरचा पत्ता समस करत आहे.

घरी येउन नेणेचे करावे, नो होम डिलिव्हरी अव्हेलेबल

काकवी म्हणजे प्युअर शुगर फार खाउ नका वजन वाढेल. संपवायच्या नादात. त्याचे कॅरेमल करून तुकडे करून आइस्क्रीम वर घालता येइल का ती ट्रायल घ्या. ते जास्त दिवस टिकेल.

काकवी म्हणजे प्युअर शुगर फार खाउ नका वजन वाढेल >> करेक्ट..

त्यामुळेच ती पोळी बरोबर खाता येत नाहिये..

धन्यावाद मॅगी

आशुडीचा प्रश्न मलाही पडलाय. डबाभर चॉकलेट्स, टाकुनही देववत नाहीत आणि खाववतही नाहीत..

काकवी खोकल्यावर उपयुक्त असते. औषधासाठी म्हणुन ठेवा घरात.

वा वा योडे. मॅगी, विपूत कशाला बाहेरच लिहीकी मूस ची पाकृ. शोधायला सोपे.
चाॅकलेटं वितळवून सिरप करता येईल का टाॅपिंग म्हणून वापरायला?

हो हो मॅगी.. लिहि इथेच... आशुच्या विपुचा फेरफटका फुकट गेला माझा...

योडे, अगं विपुमध्ये लिहिली रेसिपी पण ती सेव्ह नाही झाली.
आशु, आता वाच इथेच आणि हँड ब्लेंडरचं उदघाटन कर

चॉकलेट मूस

साहित्य
4 अंड्यातलं पिवळं
पाव कप साखर
दीड कप हेवी व्हिपिंग क्रीम
1 कप डार्क/व्हाईट चॉकलेटचे तुकडे

कृती
1. हँड ब्लेंडरने अंड्यातलं पिवळं आणि साखर ब्लेंड करा
2. गॅसवर डबल बॉयलर पद्धतीने 1 कप क्रिम गरम करा. गॅस बारीक करा. त्यातलं अर्ध ब्लेंड केलेल्या अंड्यात नीट मिसळा. आता ते गॅसवरच्या क्रीम मध्ये ओतून परत 5 मिनिटं नीट ढवळत (थोडं घट्ट होईपर्यंत) रहा. (उकळी आणायची नाही)
3. दुसऱ्या डबल बॉयलरने चॉकलेट वितळवा, वितळलेले चॉकलेट आधी तयार केलेल्या क्रिममध्ये ओतून नीट ढवळा. गार झाल्यावर बंद डब्यात ठेवून 2 ते 3 तास फ्रिजमध्ये ठेवा.

फ्रिजमधून काढल्यावर एका मस्त ग्लासमध्ये ठेवा वर कॉन्ट्रास्ट रंगाचं चॉकलेट किसून भुरभुरा आणि खुपसा चमचा
उरलेलं अर्धा कप क्रीम केक डेकोशन च्या पायपिंग नॉझल मध्ये घालून सजवा..

काकवी जर नीट वापरली तर बरीच वर्षे टिकते त्यामुळे संपवण्याची घाइ कशाला ? इडली , इडलीच्या पिठाचे सांदण, आप्पे, डोसे या सर्वांबरोबर पण मस्त लागते. काकवी ज्यांना आवडत नाही त्यांना अजिबात आग्रह करु नये अथवा इतर पदार्थात घालून संपवू नये . थोडी थोडी पुरवून पुरवून वापरायची

नाल के लिये घोडा, तसं मुससाठी हॅन्ड ब्लेंडर घ्यावाच लागणार आता..

इडलीबरोबर खाल्ली नाही कधी, हा प्रकार सगळ्यात सोपा आहे

काकवी ज्यांना आवडत नाही त्यांना अजिबात आग्रह करु नये >> याला हजार मोदक

योडी, हाती एग बीटरने फेटलंस तरी चालेल, फक्त जरा जास्त वेळ फेट पाच ते दहा मिन. डीचा नवीन ब्लेंडर आहे म्हणून सांगितलं

थँक्स मॅगी! हे वीकेंडला करते. आज चतुर्थीला हँब्ले चे उद्घाटन मँमिशेनेच!

अरे लोक्स , काकवीच बोला........ माझ्या पत्यावर पाठवा.कुरियरचा खर्च दिला जाईल.

योडे, चॉकलेटांसाठी एक गटग कर

कुठे राहतेस देवकी? २ बाटल्या काकवी आलेय घरी

काकवी, मेपल सिरप सारखी पॅनकेक, केक, पुदिंग्स, आइसक्रीम्स, टोस्ट वर घालून मस्त लागेल.
मला नैवेद्याच्या वाटीत घेउन बोटानी खायला ही आवडते.

काकवी वापरुन गुळपापडी सारख्या वड्या करतात. गुळाच्या पाकाच्या जागी काकवी वापरायची.

जवसाची पूड करताना जवस भाजून घ्यावेत की न भाजता पूड केली तर चालतय?
माझ्याकडे 24 Mantra Organic Flax Seeds आहे.

जवसाची पूड करताना जवस भाजून घ्यावेत की न भाजता पूड केली तर चालतय?>>>>>> नाही.जवस भाजूनच घ्यावे.न भाजता जवस घेतले तर त्यातला एक घटक आरोग्यासाठी चांगला नाही.हे वाचलेले,घटकाचे नाव आठवत नाही.

धन्यवाद, भाजून घेतली जवस आणि मगच पूड केली.