निसर्गाच्या गप्पा (भाग २७)

Submitted by जागू-प्राजक्ता-... on 4 August, 2015 - 05:07

रामराम दोस्तांनो,

वर्षाऋतु चे काहीच दिवस शिल्लक राहिलेत.. पावसाळ्याचे नै बर का !
सुरुवातीला,
" वो है जरा.. खफा खफा.
के नैन यु .. चुराए है.. " या गाण्यातल्या प्रियकराप्रमाणे
रुसुन बसलेला पाऊस आता लाडात येऊन मनभरुन बरसायला लागलाय .. ऋतुअखेरीस
तो या धरणीच्या हरेक कोपर्‍याला भिजवुन सोडेल अशी आशा करुया .

सरत्या ऋतुबरोबर हे दिवस आपल्यासाठी घेऊन येतात विविध सणवारं . खरतर
सगळीच हिंदु सणवार एकदम खासमखास आहेत; निसर्गाचे आपापल्या परिने धन्यवाद
मानणारी..

सुरुवात होते ती नागपंचमी पासुन. शेतकर्‍यांचा मित्र असणार्‍या या सापाची
आणि त्यांचा राजा म्हणुन दिमाखात मिरवणार्‍या नागाची आपण यात पुजा करतो.
त्यानंतर येणार्‍या नारळीपोर्णिमेला अथांग अश्या समुद्राला नारळ अर्पुण
वरुणदेवाला धन्यवाद देतो. पोळ्याला ज्याच्या मदतीशिवाय जगायचा विचारही
आपण करु शकत नाही अश्या बैलांना गोड घास भरवुन त्याच्या उपकारांची धन्यता
मानतो . पोळ्यानंतर येणारी हरितालिका, ज्यात आपण पुजा करतो पार्वतीची..
साक्षात प्रकृतीची.. निसर्गाची.. आणि शेवटी येतो आपला सर्वांचा लाडका
बाप्पा.. गणराय.

वर्षाऋतु स्वतःबरोबर खुप मोठा आनंदाचा ठेवा घेऊन येतो. येणार्‍या
प्रत्येक थेंबाबरोबर आपणही आपले दु:ख विसरुन निसर्गाच्या घडीघडी बदलत
जाणार्‍या रुपात सणावारांच्या साक्षीने त्याच्या अधिकाधिक जवळ जातो. पण
खर तर त्याच्या जाण्याचा काळ मनाला खुप हुरहुर लावुन जातो. त्याला
निरोपाचे बोल बोलायचे असतात आणि जोडीला रंगीबेरंगी फुलाफळांची बरसात
करणार्‍या शरदाच्या आगमनाची तयारीही करायची असते.

त्या आभाळाचे रंग बदलायला सुरुवात झाली आहे.. दिवस कमी उरलेत दोस्तांनो
.. भिजायचं शिल्लक असेल तर भिजुन घ्या.. हे दिवस परत उगवायला एक अख्ख
वर्ष वाट बघावी लागणारे. या काळात निसर्ग ज्या खुल्या दिलाने
इंद्रधनुष्याचे जे रंग आपल्यावर उधळत आहे त्यात सामावुन जा, त्याच जतन
करा..
कारण आपण या निसर्गाचे खुप देणे लागतो; तो आपले नाही..

वरील प्रस्तावना व फोटो मायबोलीकर टीना यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली.
मागील धागे.

निसर्गाशी निगडीत काही पुस्तकांची यादी १५ व्या धाग्यापर्यंत पाहता येईल.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

नक्षी

नक्षी निसर्गाची...:)

वडेलीया.. नाव एका निसर्ग स्नेही व्यक्ती कडुन कळले...:)

Submitted by सायु on 16 September, 2015 - 06:40

व्वा! सगळ्यांचे फोटो आणि

व्वा! सगळ्यांचे फोटो आणि माहिती मस्तच!
माझ्या कड्चे अमान्डाचे सीझनचे पहिले वहिले फूल

Submitted by मानुषी on 16 September, 2015 - 06:48

मानुषि ताई, खुप सुंदर.. बरेच

मानुषि ताई, खुप सुंदर..
बरेच दिवसानंतर आलीस, नातवा मधे बीझी की काय,

Submitted by सायु on 16 September, 2015 - 07:32

(No subject)

Submitted by सायु on 16 September, 2015 - 08:08

(No subject)

Submitted by सायु on 16 September, 2015 - 08:29

गुड.. बस साईझ मोठी हवी जरा

गुड..
बस साईझ मोठी हवी जरा

Submitted by टीना on 16 September, 2015 - 08:33

सायली..........बरोब्बर

सायली..........बरोब्बर ओळखलंस! तशी अधून मधून आहे गं...पण खूप नाही वेळ होत आता! :स्मितः

Submitted by मानुषी on 16 September, 2015 - 09:17

गणपतीबाप्पा मोरया. सर्वांकडे

गणपतीबाप्पा मोरया.

सर्वांकडे लक्ष दे बाप्पा. सर्वांसाठी सुख समाधान घेऊन ये. सर्वांचं भलं कर. सर्व तुझीच लेकरे. हीच तुझ्या चरणी प्रार्थना.

Submitted by अन्जू on 16 September, 2015 - 17:50

सायली मस्त नक्षी.. मानु, छान

सायली मस्त नक्षी..
मानु, छान आहे ब्राईट पिवळा आमंडा..

एंजॉय विथ नातवंडं..

Submitted by वर्षू. on 16 September, 2015 - 22:19

ओम गणपतये नमः तुमच्या

ओम गणपतये नमः

तुमच्या आयुष्यातील आनंद
गणरायाच्या विशाल कानांसारखा असावा
अडचणी, उंदरा सारख्या लहान असाव्या
आयुष्य , सोंडे इतके लांब असावे
आणी आयुष्यातील क्षण, मोदका सारखे गोड असावे
गणपती बाप्पा मोरया
गणेश चतुर्थी च्या हार्दिक शुभेच्छा