कोकण फ्रेश पुन्हा !

धन्यवाद सर्वांचे..

@ बी.. खर सांगायचे तर कोकण मीच अजुन संपूर्ण फिरलो नाही.. मला तर कोकणातला एकेक कोपरा आवडतो मग ते पर्यटन स्थळ असूदे की छोटे टुमदार गाव.. उदा. माझ्या गावी घरापासूंन विसेक मिनिटावर एका टेकडीवर मंदीर आहे आमचे ग्रामदैवत.. तिथे जायचे तर शेतमळे, जंगल यांतून जाणारी पाऊलवाट.. माझे मन इथेच रमते.. किंवा नदीकाठी जाऊन शांत बसणे हाही एक विरंगुळा.. माझ्यासाठी देखणा कोकण हाच.. बाकी तुम्ही पुण्यावरून जाणार तर कोल्हापुर- मार्गे आंबोली करा.. स्वताःचे वाहन जास्त सोईस्कर ठरेल अन्यथा ज्या भागात फिराल तिथे गाडी बुक करा.. उदा मालवण भाग फिरायचा असेल तर तिथली गाडी दिवसाकरता बुक करायची.. दिवसभरात पुष्कळ काही बघता येईल. बाकी पावसात नुसते आंबोली फिरणे एकदम बेस्ट ! पुढे सावंतवाड़ी- वेंगुर्ले-कुडाळ-मालवण-कणकवली या मार्गावरची ठिकाण घेऊ शकता.. पावसात समुद्रकिनारे कितपत तुम्हाला आवडतील हा प्रश्न आहे पण फ़क्त हायवेवरून गाडीने फिरताना दिसणारी भातशेती नक्कीच सुखावह ठरेल.. जेवनासाठी ख़ानावळ बेस्ट ! कुडाळ।मालवण ला उत्तम आहेत.. तिथे कोकणातील घरगुती जेवणाचा स्वाद नक्कीच मिळेल. हे फ़क्त कोकणातील सिंधुदुर्ग याच जिल्ह्याबद्दल बोलत आहे बाकी तर मलाही बघायचे आहे.. पण सिंधुदुर्ग जिल्हा पहीले बघुन घ्या नक्कीच प्रेमात पडाल.. फोटो माहितीसाठी जिप्स्याने माबो वर दिलेली 'कोकणमय' ही फोटो मालिका नक्की बघा..