निसर्ग गटग - राणी बागेत

जाई, अगं रविवार करायचा विचार केलेला पण मलाच जमत नाहीय. एका न टाळता येण्याजोग्या समारंभाला उपस्थित राहावे लागणार. मग पुढच्या रविवारचा विचार केला (३मे) त्याला जिप्सीला जमत नाहीय. सो, बहुतेक हा शनवारच फिक्स होईलसे वाटतेय. तुझे गेल्या वेळेलाही असेच हुकलेले हे आहे माझ्या लक्षात. पण यावेळेस नाईलाज आहे गं. तरी परत एकदा बघते, बहुसंख्येने काय जमते ते आणि जर तारीख बदलत असेल तर तुला कळवते.

चेतन, जिजामाता उद्यान हे अधिकृत नाव आहे हे खरेय. पण लहानपणापासुन राणीचा बाग म्हणुनच बोलायची सवय झालीय. तशी जिजामाताही राजमाता होतीच ना. सो, त्या अर्थानेही राणीचाच बाग.

एसार्डी, पाण्याची बाटली आणावी लागेल. राणीबाग भटकंतीनंतर सत्कारमध्ये जायचे असा एक विचारप्रवाह चर्चिला गेलाय ऑफलाईन. ज्यांना जमेल ते सत्कारमध्ये जातील, ज्यांना सत्कार लांब पडेल (चर्चगेटला आहे) त्यांनी राणीबागेतच श्रमपरिहार करावा. तसेही आम्ही सोबत डबाबाटली बाळगतोच. राणीबागेत भर वैशाखाच्या उन्हात एकाच वेळी पायांची सायकल आणि तोंडाची टकळी चालवणे काय खायचे काम नाही. मागचे रिव्यु वाचले तर हिंट मिळेल.

मला यायची खुप इच्छा आहे. पण मी इथे कुणालाच प्रत्यक्ष ओळखत नाही. शनिवारी ऑफ़िस देखील आहेच. पण जमत असेल तर आले तर चालेल का?

इथे एकमेकांना आता ओळखत असलेलेही कधी काळी एकमेकांना ओळखत नव्हते. प्रत्यक्ष भेटल्याशिवाय ओळखणार कसे? माबोवरचे असंख्य गटगवृत्तांत वाचले तर दर गटगमध्ये कोणी ना कोणी नविन असतेच जे कोणालाही ओळखत नसतात. माबोगटग ही इथल्या आयडीजना प्रत्यक्ष भेटण्याची संधी असते. ज्यांना भेटण्याची इच्छा आहे त्यांनी अवश्य येऊन भेटावे. उगीच इतरांनी आग्रह करण्याची वाट पाहात बसु नये.

तु तुझा फोन नंबर मला संपर्कातुन पाठव. मी शनवारी तुला सकाळी फोन करेन. तु येत असशिल किंवा उशीरा येत असशील तर तसे मॅनेज करता येईल.

साडेसहाला बंद होते, साडेचारपाचला गेलात तरी दिड दोन तास निसर्गाच्या सानिध्यात पुरेसा ठरावा

एवढा वेळ कदाचित पुरेल जर तुम्ही फक्त तोंड बंद करुन प्राणी पाहात आणि जमल्यास झाडे पाहात भराभरा चालत असाल तर. माबोकर कुठेही गेले की आधी दंगा घालायला सुरवात करतात. त्यात राणीबागेत इतकी झाडे आहेत आणि ती इतक्या संख्येने फुललेली असतात की बहुसंख्य माबोजनतेला त्या झाडांच्या नावांचा विसर पडतो. मग प्रत्येक झाडाखाली उभे राहुन त्या झाडाचे नाव गाव, त्याची फॅमिली, , त्या झाडावर लिहिलेले नाव, मग ते नाव खरेच त्या झाडाचे आहे की कोणी मुर्खाने चुकीचे नाव त्याला चिकटवले, त्याचे मागच्या वेळेल कोणी फोटो काढलेले, कोणाला त्या झाडाबद्दल आणि त्या झाडानिमित्त अजुन कोणाकोणाबद्दल काय काय आठवले या सग़ळ्या गोष्टींची उजळणी होते. मग वेगवेगळ्या कोनातुन त्या झाडाचे फोटोसेशन पार पडते. प्रत्येकाला आपल्याला दिसतेय तीच बाजु फोटोसाठी उत्तम आहे असे वाटत असल्याने एका फोटोवर काम भागत नाही. तर अशी कल्लागिरी करत झाडे पाहणे हे एक दिड तासात आटपणारे काम नाही. मोस्टली आम्ही १० च्या सुमारास आत जातो ते शेवटी साधारण ३- ३.३० च्या सुमारास पोटात भुकेने कावळॅ बोंबाबोंब करु लागले की बाहेर पडतो. बाहेर पडतानाही यावेळी किती झाडे पाहिलीच नाहीत याची चर्चा करतच बाहेर पडतो.

आतमधे एक कँटीन आहे ( मोराच्या पिंजर्‍याजवळ. तिथे काहीबाही मिळू शकते )

नाही हो. आतमध्ये बहुतेक कँटिन नाहीय. आत खायचे पदार्थही नेता येत नाहीत. ते मोराच्या पिंज-याजवळ कर्नाळ्याला आहे.

अहो ती नर्सरी ११ वाजता बंद होते. मी गेल्या वेळेस पाहात होते. तरीही पाहते परत एकदा. मी आशा करतेय की मला सीताअशोकाच्या झाडाखाली रोपे मिळतील.

मी अमी, बाळ लहान असेल तर नका रिस्क घेऊ. खुप उन आहे बाहेर, अगदी वैशाखवणवा म्हणतात तसा. येणा-यांनी कृपया डोक्यावर हॅट किंवा छत्री असा काहीतरी बंदोबस्त करावा. झाडांची गर्द सावली असते तरीही आपण काळजी घेतलेली बरी.

पुण्यातुन कोणी येत नाहियेत. पण मुम्बैतुन नाव नोन्दनि न करता येणारे आहेत. सो, सन्ख्याबळ पाहुन बिचकु नका.

उद्या सकाळी ९.३० पर्यंत राणी बागेतल्या भाऊ दाजी लाडसमोर असलेल्या गेटच्या बाजुच्या टपरीवर भेटुया. तिथे चहापान करुन आत जाईतो १० वाजतील. येणा-यांनी मायबोली टी शर्ट्स घालुन या म्हणजे ओळखणे सोप्पे जाईल. ( या वर्षी पुरुषांचे निळे आहेत आणि स्त्रीयांचे मरुन.)

जे कोणी उशीरा येतील त्यांनी आपले फोन नंबर मला संपर्क मधुन कळवा. म्हणजे परत गेटवर येऊन त्यांना भेटुन गृपमध्ये घेता येईल.

बिसलेरी वगैरे "वापरा आणि फेका" पाण्याच्या बाटल्या राणीबागेत आत घेऊन जाता येत नाहीत. म्हणुन तसल्या बाटल्या आणण्यापेक्षा घरच्या फ्रिजमधल्या बाटल्या आणा ज्या फेकायला तुम्ही धजावणार नाहीत :).

तसे खाद्यपदार्थही आत नेता येत नाहीत कारण लोक उगीच प्राण्यांना ते खायला घालतात. तरी आपण ते नेऊन आपले आपण खाऊ शकतो.

तर मंडळी, नाव नोंदणी करणारे आणि न करणारे सुद्धा, उद्या सकाळी भेटूया आणि परत एकदा राणी बागेतल्या दुर्मिळ निसर्गाचे दर्शन घेऊया.

हो. उशिरा आले तरी चालेल. फक्त आत मायबोली ग्रुप कुठे आहे हे जाणण्यासाठी फोन करावा लागेल.

जे असतील ते.. घालुन या म्हणजे झाले