केल फॅन क्लब

केल हा शब्द मी प्रथमच ऐकतो आहे. या भाजीला अजुन वेगळ्या नावाने ओळखतात का ?

अरे व्वा पहिल्यांदाच बघते आहे...बाजारात बघावी लागेल, इकडे माहिती नाही मिळते का?

हमरे पिंचिं मे नय मिलता नितिनजी!!

वॉशिन्ग्टन डीसीत व्हाइट् हाऊस परिसरात बॉम्बे पॅलेस(??) की अश्याच बॉम्बे नावाचं मस्त रेस्टॉ. आहे. तिथे अल्टिमेट केल चाट मिळते. केलची पाने तळलेली असतात अगदी कुर्कुरीत आणि त्यावर रीतसर हिरवी, लाल, चिंचेची पुदिन्याची चटणी गोड दही, बारीक शेव असं काही घालून अगदी चविष्ट चाट बनवतात.
तोंपासु

पहिली कृती साधारण स्विस चार्डच्या भाजीकरता करते तशीच आहे. केल कोवळी की जून कशी ओळखायचं?

>>केल कोवळी की जून
पाकिटावर लिहिलेले असते

पानाच्या मधल्या शिरा अर्ध्यासेमीहून लहान म्हणजे कोवळी.
जून असेल तर शिरा काढून टाकायच्या. पाने शिजतात व्यवस्थित.

केल माझी आवडती हिरवी भाजी आहे. एकमेव पाने जी मला शिजवून/ परतून खायला आवडतात. बाकी पालक, मेथी वगैरे आता मोठी झाले म्हणून खायला लागतात.

केल शिजवून खाल्लेली जास्त चांगली असं वेब एमडी की कुठे वाचल्याचं आठवतं आहे.

केलची पीठ पेरून भाजी पण छान लागते. तीच भाजी सारण म्हणून घातल्यास भरवा पराठे पण भारी होतात (...नाठाळ शिंगरांसाठी पौष्टिक आहार यु नो...इश्श :फिदी:)

>>पानाच्या मधल्या शिरा अर्ध्यासेमीहून लहान म्हणजे कोवळी.>> देवा!!!

बर्‍याच वेगवेगळ्या पद्धती आल्याकी. आता केल आणून यातले काहीतरी करून बघेन

केल चिप्स!!
केलची पानं धुवून, पुसून कोरडी करायची. मग देठं जाड असतील तर पानं उभी दुमडून देठं सुरीने काढून टाकायची. कोवळी पानं - बारीक देठ असतील तर तशीच वापरायची. आता या पानांना ऑलिव्ह ऑइल आणि मीठ लावायचं आणि ओव्हनमधे ३५० डिग्रीजना साधारण १५ मिनिटं बेक करायची. मस्त कुरकुरीत होतात.

वैधानिक इशारा : या चिप्स अतिशय अ‍ॅडिक्टिव्ह असतात.

केलच्या पानांचं अळूसारखं फतफतंही करतात असं ऐकलं आहे, पण मी चिप्स अ‍ॅडिक्ट असल्यामुळे भाजीबिजी करायला पानं उरत नाहीत.

चिप्स करायला बेबी केल की मोठी केल वापरायची?

मी मध्यंतरी ह्य. चिप्स करायला केल आणलेलं पण न जमल्याने केल वाया गेलं.

चिप्स करायला बेबी केल की मोठी केल वापरायची? >>> मी मोठा आणते पण त्याचे bite-size तुकडे करते (चिप्स size). देठ अजीबात घेत नाही. मी २००-२५०F तापमान ठेवते पण जास्त वेळ लागतो. ३५० वर माझा केल slightly करपतो आणि कडवट taste येते...किंवा एक side crispy आणि एक कच्ची अस होत.
basically chips size आणि temp. चा गणित जमल तर केल चिप्स मस्त होतात.

>> चिप्स करायला बेबी केल की मोठी केल वापरायची?

मी मिळेल ती आणून चिप्स केल्या आहेत.
(>> मग देठं जाड असतील तर पानं उभी दुमडून देठं सुरीने काढून टाकायची. कोवळी पानं - बारीक देठ असतील तर तशीच वापरायची << हे लिहिलं ना.)

आता इथे इन्ग्रोतही मिळतात केलच्या जुड्या. (सायो, चाँद पॅलेसजवळच्या सब्जी मंडीत.)

>> basically chips size आणि temp. चा गणित जमल तर केल चिप्स मस्त होतात.
बरोबर. एकदा (माझ्या एका मैत्रिणीने :P) हावरेपणाने दोन ट्रे ठेवले ओव्हनमधे. मधल्या रॅकमधल्या छान झाल्या, वरच्या (धगीच्या जवळ असलेल्या रॅकमधल्या करपल्या.

वर अदिती यांनी लिहिली आहे तशी कांदा-लसूण-हिरवी मिरची घालून (जेनेरिक रेसिपी) भाजी आईनेही केली होती - फक्त ऑ.ऑ.ऐवजी गोडंतेल. सुं-द-र लागते. (पण मी करणार नाही. कारण.... :P)

इथे वाचून बेबी केलचं एक पुडकं आणून फ्रिजमध्ये टाकलंय. आता ते फ्रिजमध्ये शहीद होण्याआधी त्याचं काहीतरी करुन बघते

केल घेउन आलो उद्या करणार. या धाग्याची प्रिन्ट आउट काढून घेतली.

धन्यवाद सगळ्या टिप्ससाठी. माझी मैत्रिण फारच आतूर झाली आहे चिप्स बनवून खायला

मैत्रिणीला म्हणावं मीठ बेताचं घाल. बेक झाल्यावर का कोण जाणे खारटपणा अंमळ वाढतो.

मैत्रिण मीठ एरवीच हेमट्या हातानं घालते तेव्हा खारट होणार नाहीत तरी तुमचा निरोप सांगते

का करणार नाही केलची भाजी? गोडंतेल संपवलंत की काय इतक्यातच? ते कुठे मिळालं? भारतातून आणलं का? (आम्ही भारतच म्हणतो, हिंदुस्थान नाही)

सायो, गोडेतेल म्हणजे पीनट ऑइल गो. इथे मिळते नव्हे का सब्जीमंडीत!
भाजी नाही करणार म्हटलें ते चिप्स केल्यावर पाने उरत नाहीत म्हणून.

('मग दोन जुड्या आणाव्या' असे मात्र आता म्हणू नकोस हो! माझें को. पूर्वज तळमळतील! :P)

मिळतं होय?! मला लक्षात नाही. मी आपली झापडं लावून ठरलेलं तेलच उचलते नेहमी.

मिळतं. लक्ष्मी ब्रॅन्डचं चांगलं असतं.
'धारा' नाव वाचून घेतलेल्या तेलाला वाइट्ट वास होता. ते घेऊ नकोस.

आणि भाजीला तेच हवं असं नाही, कॅनोलाही चालेल, माझ्याकडे तेव्हा इन्सिडन्टली ते होतं. आलटून पालटून पीनट, कॅनोला आणि व्हेजीटेबल तेल घेत असते.

टीप : केलचा धागा भरकटवल्याबद्दल (केलची) माफी मागायला हवी.

माझ्या मैत्रिणीनं केल चिप्स केल्याचं सांगितलंच नाही की मी. तिला स्वतःचं डोकं चालवायची भारी हौस असल्यानं तिनं ऑऑ ऐवजी चिऑऑ घातलं आणि समोरच दिसलं म्हणून गार्लिक सॉल्ट. भारी लागले चिप्स (म्हणे). रेस्पी दिल्याबद्दल धन्यवाद

वा वा!

विशेष म्हणजे चिप्स उरल्या(च) तर हवाबंद डब्यात चांगल्या राहतात (आणि पोस्टाने पाठवताही येतात रेसिपी सांगणार्‍याला. :P).

लक्ष्मी ब्रँडचं का? ट्राय करेन नक्कीच.
चिऑऑ म्हणजे काय आता? चिली ऑऑ का? मला ते ऑऑत लसूण आणि मिरच्या मुरवत ठेवायची उस्तवार करायची आहे.

अदिती, गेल्या वेळी (न करपवता) २-३ ट्रे केले. आई म्हणाली की सगळ्या एकाच दिवशी खाल्ल्यास तर हिरवी होशील, मग ठेवल्या थोड्या.