साद देती सह्यशिखरे

साद देती सह्यशिखरे

या मातीशी अमुचे नाते
दर्‍या कड्यांची ओढ सांगे
निसर्गा संगतीच आम्हा
स्वर्ग-सुखाची चाहूल लागे

हरपून भूक तहान
विसरुन देहभान
गाठणे गडमाथा
हाच अमुचा सन्मान

केवळ भटकणे अन् फिरणे
जरी असे हाच छंद
धडपडूनही न थांबणे
यातच अमुचा आनंद

सह्यभ्रमंतीच्या ह्या क्षणांची
करितो मनी साठवण
तरिही क्षुधा शांत न होई
फिरूनी येई आठवण

महाराष्ट्राचा इतिहास सांगत
सह्याद्री असे उभा खडा
त्याला भेटून येताना मात्र
ओलाविती अमुच्या नेत्र कडा

शिवछत्रपती दैवत अमुचे
आम्हीच त्यांचे मावळे खरे
शिव-शंभूचे पराक्रम सांगत
साद देती सह्यशिखरे

-सौ. अर्जिता आदित्य गोखले

मायबोलीवर ( किंबहुना लिखाण करण्याचाच) लिखाण करण्याचा पहिलाच प्रयत्न आहे.

तेव्हा अनुभवींच्या काही सुचना असल्यास वेलकम.
चू.भू. द्या.घ्या.

धन्यवाद