बटाट्यांच्या काचर्‍या

छान झटपट भाजी

माझी प्रचंड आवडती भाजी!!! कांदा टाकत नाही त्यामुळे काचर्‍या मस्त खमंग कुरकुरीत क्रिस्पी होतात. याबरोबर खरपूस मऊसूत चपात्या, मटकीची उसळ, सायीचं घट्ट दही साखर टाकून फेटलेलं / पिकलेली केळी, टोमॅटो मिरचीचं फोडणीचं वरण, आणि वाफाळता थोडा तुपकट भात!! आहाहा लिहीतानाच तृप्त झालेय. स्वर्गातही अस्लं पंचपक्वान्न मिळत नसेल

तुम्हीसुद्धा माझ्यासारख्याच खवय्या दिसता आहात.<<<

सर,

अगदी अगदी!

सर ही भाजी एक स्नॅक म्हणूनही चालू शकेल का?

हो.दोन ब्रेड स्लाइसच्या मध्ये ही भाजी घालून टोस्ट केले तरी छान होतात.<<<

सर,

धन्यवाद! हे नसतं सुचलं!

आमच्याकडे काच-या खूप आवडतात पण आम्ही कांदा नाही घालत आणि कुरकुरीत करतो.

मस्त .. आईकडे आम्ही याला ट्रीपची भाजी म्हणतो कारण शाळेच्या ट्रीपला अल्मोस्ट सगळ्यांच्या डब्यात हीच भाजी आणि पुरी..

लोकहो पण साले कशाला काढता, आयता फायबर मिळतो आहे तर. मी बर्‍याचदा सालींसकट खाल्लेली आहे. तशीही चांगली लागते.

बरोबर फारएण्ड, मी सालासकट करते लिहायला विसरले.

आम्हीपण सालासकट बटाटा पण बिना कांदा

तुम्हीसुद्धा माझ्यासारख्याच खवय्या दिसता आहात.>> अगदी अगदी सर पण तुमच्यासारखं हौशीनं निगुतीने करण्याइतके पेशन्स आणि तितकीशी आवड मात्र नाही

अन्जू मीसुद्धा सालासकट बटाट्याच्या काचर्‍या करते. फक्त बटाटे व्यवस्थित धुवून घेते आणि कांदा नाही. कांद्याने थोडी ओलसर होते. बिना कांदा मस्त कुरकुरीत काचर्‍या होतात. बाबांना मात्र कांदा आणि थोडा ठेचलेला (आणि खरपूस लाल केलेला) लसूण फोडणीला लागतो या भाजीला.

आई कधी कधी अख्खे धणेही टाकते पण मला मात्र प्लेन मसालेदार कुरकुरीत काचर्‍याच आवडतात.

कांदा बारीक चिरला नाही, केवळ उभाच चिरला (खेकडा भजीसाठी चिरू तसा) आणि बटाट्याच्या काचर्‍या कढईत सोडण्याआधी चांगला परतला तर भाजी अजिबात ओली होत नाही. एकदम खमंग होते.
लाल तिखटापेक्षा हिरवी मिरची घातली फोडणीत तर जास्त मजा येते.
तसेच फोडणीमधे स्वच्छ धुतलेली पाऊण चमचा उडीद डाळ सोडली तर एकदम वेगळाच स्वाद येतो.

अशी भाजी मी एकदा गुजरातेत खाल्ली होती
इतक्या अवघड पदार्थाची पाककृती दिल्या बद्दल धन्यवाद
नक्की करून बघेन

दोन वेरिएशन माझे लाडके..

१. चिंचेचा कोळ घालून ओली भाजी करणे.

२. बेसन पीठ लावून कोरडी भाजी करणे.

मी आज टिफीन मधे आणल्यात या काचर्या कुरकुरीत करुन....फक्त पॅन मधे तेल + जीरं + बटाट्याच्या काचर्या + थोडा एवरेस्ट चिकन मसाला + नॉर्मल मसाला + मीठ + किंचीत साखर घालुन मंद आचेवर तसच २०-२५ मिन ठेवल> मधुन मधुन हलवलं......एक सिरीयल पुर्ण संपल्यावर उठुन बंद केलं......भारी झालीय.....

पण पॅन नॉन्स्टिक आणि तेल किंचीत जास्त मग चिकटत नाही