युक्ती सुचवा युक्ती सांगा- ४

कुठल्या भाज्या जनरली अशा फ्रीज करून टिकतात?>>> आमटी, पापडी, गवार, भेंडी, दोडका, राजमा, कोबी या भाज्या मी फ्रीज केल्या होत्या. चांगल्या राहिल्या.

आमच्याकडे सौर (सोलर) कुकर असल्याने आम्ही भेंडी, कोबी, फ्लॉवर, फरसबी, गवार सारख्या भाज्या आदल्या दिवशीच गॅसवर फोडणीला टाकून मग फक्त शिजायला डब्यात घालून सोलर कुकरमध्ये ठेवतो.दिवसभरात त्या चांगल्या शिजून रहातात.

तुमच्याकडेही जर सोलर कुकर असेल तर तुम्ही तो डबा तसाच ठेवून दुसरे दिवशी सकाळी तसाच उचलून ऑफिसला नेलात तर दुपारचे जेवणाच्या वेळेपर्यंत रुम टेंपरेचरला येईल व त्यामुळे भाजी पुन्हा गरम करायची जरूरी भासणार नाही.

मी तयार भाज्या फ्रीज केल्या नाहीत कधी. मोड आलेली कडधान्ये फ्रीझ केलीत , -वाल चांगले लागत नाहीत . मटकी-मसूर-चवळी-मूग असे मिक्स चांगले राहते.
निवडून चिरुन अंबाडी , मायाळू फ्रीझ केली आहे.
हळद -तिखट - मीठ लावून श्रिंप , किंवा मासे फ्रीझ केले आहेत .

अशा फ्रीझ केलेल्या गोष्टी साधारण २-३ आठवड्याच्या आत वापरते मी.

कोणत्या भाज्या (डीप)फ्रीज करून किती टिकतात ते माहिती नाही, पण पावभाजीची भाजी ४-५ दिवस फ्रीजात खालच्या कप्प्यात टिकू शकते. काहीजण आठवडाभर टिकते असेही सांगतात. पण मी स्वतः ४-५ दिवसांपलीकडे अशी भाजी ठेवून पाहिलेली नाही. व्हाईट सॉस व उकडलेल्या भाज्या वेगवेगळ्या ठेवल्या तर तेही किमान ४-५ दिवस टिकू शकते. (भारतातल्या कंडिशनमध्ये). आयत्या वेळी मिक्स करून गरम करता येतात. वरून सीझनिंग.

मला स्वतःला तयार भाज्या फ्रिज करून खायला आवडत नाही. मागे भारतात जाताना भाज्या फ्रिज केल्या होत्या पण त्या थॉ करून खाण्याची आयडिया नवर्‍यालाही आवडली नाही आणि त्या वायाच गेल्या. तेव्हा आता तसले उपद्व्याप करत नाही. गवार, पडवळ जास्त आणून चिरून फ्रिज केलं आहे.

आमच्याकडे सौर (सोलर) कुकर असल्याने आम्ही आदल्यादिवशी कोबी, फ्लॉवर, फरसबी, गवार सारख्या भाज्या फोडणी देऊन व मसाले,इतर चवी,दाण्याचे कूट वगैरे घालून झाल्यावर सोलरच्या डब्यात घालून सौर (सोलर) कुकर मध्ये शिजण्यासाठी ठेऊन देतो. दुसर्‍यादिवशी त्या तयार भाज्या दुपारचे जेवणात गरम न करता खाता येतात.

तुमच्याकडेही जर असा सौर (सोलर) कुकर असेल तर तुम्हीही असाच आदल्या दिवशीचा भाजीचा डबा दुसर्‍या दिवशी ऑफिसला घेऊन जाऊ शकाल.भाजी पुन्हा गरम करावी लागणार नाही व सकाळची गडबडही होणार नाही.

जव ळच्या फूड ट्रक वर रोज काहीतरी फ्रेश नक्की मिळेल . फिकर नॉट.

धन्यवाद सगळ्यांना. तांबे काका सोलर कुकरची कल्पना चांगली आहे पण ईथे फिसीबल नाही. ग्रेव्ही असलेल्या भाज्या टिकतील असं वाटतंय. सुक्या भाज्या कधी ट्राय नव्हत्या केल्या पण सोनाली म्हणतेय तर ट्राय करून बघते. मेधा, बहुदा उसळी पण शिजवून ठेवल्या तर टिकतील असं वाटतंय. अजून कुणाचे ट्राईड आणी टेस्टेड नुस्खे असतील तर येऊद्यात.

दुकानातून फ्रोझन सेक्शनमधून आणलेला पास्ता सॉस अन फ्रेश पास्ता पण फ्रीझ केलाय बरेचदा .

दीपच्या कुठल्या कुठल्या भाज्या फ्रोझन असतात ते पहा अन त्याच्या जवळपास जाणार्‍या रेस्पीज ट्राय कर फ्रीझ करायला. कुठली भाजी चांगली टिकली अन कुठली नाही ते इथे लिहायला विसरु नकोस .

प्रॅडी, ह्या लिंकवर तुला बरीच माहिती मिळेल : http://onehotstove.blogspot.in/2011/01/on-freezing-indian-food.html

त्यांच्या म्हणण्यानुसार छोले, सांबार, शिजलेली डाळ, इडल्या हे व्यवस्थित फ्रीझ होतात. तसेच प्रतिसादांमध्ये लोकांनी नॉर्थ इंडियन स्टाईल ग्रेव्हीवाल्या भाज्या, राजमा, चना, शिजवलेली कडधान्ये वगैरे रेग्युलरली फ्रीज करून वापरत असल्याचे लिहिले आहे. नुसत्या उकडलेल्या (काही) भाज्या, चिरलेल्या भाज्या, भाजलेले वांगे हेही तेथील प्रतिसादांनुसार बरे टिकतात असे दिसतेय. बघ तुला काही उपयोग होतो का त्या लिंकचा!

प्रज्ञा, मी शिजवलेल्या सगळ्या भाज्या, आमट्या, चिकन-मटण-मासे कर्‍या, कालवणं फ्रीज करते. (अपवादः फुलकोबी-बटाटा सुकी भाजी. यात दोन्हीला पाणी सुटून चोथा झाला. ) फार दिवस रेफ्रिजरेट करून खपल्या नाही म्हणून फ्रीज करण्यापेक्षा १-२ जेवणांनंतर उरेल ते काचेच्या डब्यांत फ्रीज करते. चवीला, टेक्श्चर्ला अगदी उत्तम राहतं असा अनुभव आहे. कुठलाही भाताचा प्रकार मात्रं थॉ केला की बंडल होतो. गरम केल्यावर पाणी सुटून शितं वातड झाल्यासारखी वाटतात. (अपवाद : बिसि बेळे भात) स्टफ्ड पराठे व्यवस्थीत गार करून, दोन पराठ्यांमधे बटरपेपर/पार्चमेंट पेपर घालून, झिपलॉकमधे फ्रीज केला तर महिनाभर काही होत नाही.

पण एखाद्या आठवड्यात संपवायचं असेल तर फ्रीज करावं लागतं का? रेग्युलर भाज्या, पोळ्या फ्रीजमध्ये १ आठवडा आरामात टीकतात की .. म्हणजे मी लेफ्ट-ओव्हर्स् फ्रीजमध्ये ठेवते जे आठवडाभर आरामात टीकतात असं माझं निरीक्षण आहे ..

स्टोरेजला फूड ग्रेड प्लास्टिक वापरता की काचेचे कंटेनर्स?

काचेची. कॉस्टकोत पुन्हा स्नॅप अँड लॉक डबे आले आहेत.

हो पाहिले कालच. आणीन बहुदा आज जाऊन. त्यांचे प्लास्टिक आणी काच दोन्ही ऑप्शन्स होते. मला पण प्लास्टिक मधे स्टोअर करणं कंफर्टेबल नाही वाटते. मेधा बघते ट्राय करून. अपडेट देईनच. अकु थँक यू लिंक करता.

दोनदा खाल्ल्यावर पुन्हा तिसरून तेच जेवायचा कंटाळा येतो. २-३ आठवडे लोटल्यावर 'फ्रीजरमधे ऑलमोस्ट ताजी भाजी - आमटी' आहे या कल्पनेनी बरं वाटतं.

पालक पनीर, पनीर माखनी, पावभाजी, मटकीची उसळ, रगडा पॅटिसचा रगडा पदार्थ व्यवस्थित फ्रीज झालेले.
मुळ्याचे पराठे, मेथीचे पराठे, बटाट्याचे पराठे हे ही छान फ्रीज झाले. (प्रत्येक पराठ्याच्या मधे एक फ्रीजर पेपर घातला.) वांगी अजिब्बात व्य्वस्थित फ्रीज होत नाहीत.
पाणीपुरीचे पाणी आणि गोड चटणी मात्र अतिच चांगले फ्रीज होते.
कोफ्ता करी, छोले, कोरडे गुलाबजाम (पाकात न घातलेले) बहिण बरेचवेळा फ्रीज करते. छान रहाते अस म्हणाली. मी आता करून पाहिन.

काचेचे कॉस्टको मधले डबे वापरते.

माझा सगळाच स्वयंपाक आठवड्याभरासाठी असतो आणि फ्रिज मध्ये सगळ नीट राहत.

म.कु. अख्ख्या आठवड्याचा स्वयंपाक फ्रिज करतेस? फ्रिजर पुरतो का मग? काय काय ठेवतेस त्यात?

इथे फ्रीज म्हणजे डिप फ्रीज अपेक्षित आहे का?

फ्रीज म्हणजे डीप फ्रीजच अपेक्षित आहे ( बहुतेक )

ह्या भाज्या / परोठे थॉ करताना कसे करता? आधी बाहेर काढून ठेवता की डायरेक्ट मायक्रोवेव्हमध्ये ठेवता? मॅरिनेटेड फिश / मीट असेल तर ते कसे थॉ करता?

इन्ना, सेम पिंच. मी पण हा प्रश्न विचारणार होते.

>>ह्या भाज्या / परोठे थॉ करताना कसे करता? आधी बाहेर काढून ठेवता की डायरेक्ट मायक्रोवेव्हमध्ये ठेवता? मॅरिनेटेड फिश / मीट असेल तर ते कसे थॉ करता?
शक्यतोवर फ्रिजमधे ठेवून. फरच घाई असेल तर कर्‍या, भाज्या डायरेक्ट मायक्रोवेवमधे. पराठे जरा वेळ बाहेर ठेवून तव्यावर गरम केले नाहीत तर डायरेक्ट मायक्रोवेव्हमधे वातड होतात.

माझ्याकडे मोरावळ्याचा बराच पाक उरला आहे . काहि करता येईल का त्याचे.
त्यात जर मी कुरमुरे घालून लाडू किंवा वड्या केल्यातर चालतील का ? अजून काही
धन्यवाद

पोळ्या एका वेळी लागतील एवढ्याच एकेका झिपलॉकमधे फ्रीज करते . त्या तीन चार तास आधी फ्रीझरमधून फ्रीज मधे . मग एका ओलसर पेपर टावेल मधे गुंडाळून २०-३० सेकंद मायक्रोवेव्ह करते -अगदी वाढताना.

मीट / फिश मॅरिनेट केलेले असेल तर १२- २४ तास फ्रीजमधे . मॅरिनेट न केलेलं , स्टोअर पॅकेजमधेच असेल तर हीच पद्धत .

किंवा लवकर हवं असेल अख्खं पाकीट कोमट पाण्यात बूडवून ठेवते - दर दहा मिनिटांनी पाणी बदलायचं . साधारण ३०-४० मिनिटांमधे चिकन थॉ होते. बाकी काही या पद्धतीने थॉ केलेले नाही.

बाकी सर्व पदार्थ सुद्धा चार सहा तास आधी किमान फीझरमधुन काढून फ्रीजमधे ठेवते .
एकदा थॉ केलं की परत फ्रीझरमधे घालत नाही.

बटाटे, कॉलीफ्लावर, वांगी बद्दल अनुमोदन. अजिबात चांगले लागत नाहीत थॉ करून गरम केल्यावर. मी बिर्याणी बरेचदा फ्रीझ केली आहे. चांगली लागली खाताना.

थॉ करायला वेळ नसेल तर पदार्थ ठेवला असेल तो डबा एकदम गरम पाण्यात ठेवते. असं केल्यानं मावेमध्ये कमी वेळ गरम करावं लागतं अन्न.

प्रॅडीदेवी, खास तुमच्यासाठी लॅपट़ॉपपर्यंत पोहोचून टायपायला घेतलं हे ध्यानी ठेवावे.
तर,

तीन-चार भाज्या करून - मी सहसा शनिवारी करायचे, त्या गार झाल्या की सर्व्हिंग साइजप्रमाणेच झिपलॉक डब्यात डीप फ्रीज करून ठेवायचे. एकदा डीप फ्रीजमधून बाहेर काढलं की पुन्हा ते डीप फ्रीज करायचे नाही. मला व्यक्तिशः तीन दिवस झाले की कंटाळा यायचा डीप फ्रीजवालं खायचा. त्यामुळे तीन दिवस डीप फ्रीजातलं आणि एक दिवस थालिपीठ आणि एखाद दिवस फ्राइड राइस, सूप इत्यादी खायचो.

पोळ्यांचे ६-७ चे स्टॅक करून (अर्थात गार झाल्यावर) डीप फ्रीजमध्ये ठेवायचे. सकाळी ऑफिसला जाताना फ्रीजमध्ये ठेवायचे. संध्याकाळी जेवेपर्यंत त्या माणसात यायच्या. मग मावे मध्ये १५-२० से गरम करून खाणे. टिश्यूमध्ये जरा पाणी शिंपडून - चार पाच थेंब.

पण तुला सांगू का एक, तुझ्या कामाचं स्वरुप बघता, तू १-२ भाज्याच करून ठेव ना. त्या तर फ्रीजमध्येही चांगल्या राहतील. आणि तुला फार पीळ पडणार नाही. पोळ्या अल्फारेट्यात ताज्याही मिळतील.आामटी-भाजी दोन दिवसांची करून ठेव. इडल्या, उत्तप्पे पीठ मिळतं ना तुझ्या इथे, मग ते एक दिवस... अहोंना उत्तप्पे, करायला शिकव...चटणी, सांबार करून ठेवलस तर काहीच डीप फ्रीजात नको ठेवायला.

मला तू जितकी माहिती आहेस, त्यात तू घरी असताना स्वयंपाकघरात जाणार नाहीस असं होणारच नाही . त्यामुळे एक-दोन बेगमी करून ठेव. किती झेपतय बघ आणि अगदीच नाही जमलं तर मग आठवड्याच्या भाज्या पोळ्या इत्यादी करून ठेव.

गाजर हलवा, दलिया इ. गोड आणि पावभाजी, छोले छापाच्या आणीबाणी भाज्या डीपफ्रीजात नक्कीच करून ठेव. थोडं वाटण पण करून ठेव.

प्रॅडी मला वाटले तुम्ही भारतात येता आहात म्हणून अ होंसाठी बनवून ठेवता आहात. म्हणून मी ते फूड ट्रकचे लिहिले. इथे आस्वपूचा पण बाफ आहे त्यात खूप सापडेल.

धण्यवाद चिवाक्का. नोंद घेण्यात आलेली आहे. सध्या प्लॅनिंग मोडच ऑन आहे. ईथून सगळ्या टिपा घेऊन ईंप्लिमेंट करण्याचा काटेकोर प्रयत्न करणेत येईल. पोळ्या फ्रीज करण्याची आयडिया चांगली आहे. फ्रीजर पेपर आणी पार्चमेंट पेपर , वॅक्स पेपर हे सगळे वेगवेगळे प्रकार आहेत का? पोळ्या स्टॅक करताना मधे घालण्यासाठी नेमकं काय वापरता? मला काल वॉलमार्ट मधे फक्त फ्रीजर पेपरच मिळाला. ते पुडकं जरा अतीच जायंट आहे. त्यामुळे नेमकं तेच वापरायचं का असा प्रश्ण पडला.
अमा बघतेय सगळीकडेच शोधून. फूड ट्रक चा सल्ला चांगला होता पण आमच्या गावात नाही तशी सोय. देसी खाऊगल्ली पुष्कळ आहे पण रोज रोज नाही शक्य. आस्वपू पेक्षा तयार स्वयपाकावरच भर द्यावा लागणार आहे त्यामुळे इथे विचारते आहे.

प्रॅडी, मी सरळ एका किचन टावेलचे ( बाउंटी) चार तुकडे करुन एकेक तुकडा वापरते.
पार्चमेंट अन वॅक्स पेपर वेगवेगळे असतात.

तू बाहेरगावी जाण्याआधी तयारी आहे ( शॉर्ट टर्म) की नवी नोकरी वगैरे मुळे शेड्युल टाइट म्हणून लॉन्ग टर्म चेंजेस आहेत ?