'पितृऋण' - प्रश्नमंजुषा

पुरातत्त्वशास्त्राचे प्राध्यापक असणार्‍या व्यंकटेश कुलकर्ण्यांना एक दिवस अचानक दिसते हुबेहूब त्यांच्यासारखीच दिसणारी एक व्यक्ती. कुलकर्णी अचंबित होतात आणि शोध घेत एका वेगळ्याच रहस्याच्या मुळाशी जाऊन पोहोचतात. मग सुरू होतो भावनांचा कल्लोळ!

त्या व्यक्तीचा व्यंकटेश कुलकर्ण्यांशी काय संबंध?
तुटलेल्या मानवी नात्यांना पुन्हा एकत्र बांधून, वडिलांच्या ऋणातून मुक्त होण्याची एका मुलाची धडपड म्हणजे ’पितृऋण’!

श्रीमती सुधा मूर्ती यांच्या कादंबरीवर आधारित, नितीश भारद्वाज यांनी दिग्दर्शित केलेल्या, ६ डिसेंबर, २०१३ रोजी संपूर्ण महाराष्ट्रात प्रदर्शित होणार्‍या या चित्रपटाच्या निमित्तानं आम्ही घेऊन आलो आहोत एक प्रश्नमंजूषा!!!

ही स्पर्धा सोपी आहे.

http://vishesh.maayboli.com/node/1434 या दुव्यावर दहा प्रश्न आहेत.

सर्व प्रश्न श्रीमती सुधा मूर्ती यांचं साहित्य व चित्रपट, चित्रपटातील कलाकार यांच्याशी संबंधित आहेत.

सर्वच्या सर्व दहा प्रश्नांची उत्तरं ओळखलीत, की ही उत्तरं माध्यम प्रायोजकांच्या इनबॉक्सात पाठवण्यासाठी ’सुपूर्त करा’चं बटन दाबा. तुमच्या उत्तरांबरोबर अर्थातच तुमचा मायबोली आयडीही माध्यम प्रायोजकांपर्यंत पोहोचेल.

सर्व दहा प्रश्नांची अचूक उत्तरं देणार्‍या पहिल्या तीन स्पर्धकांना मिळतील ५ / ६ डिसेंबर, २०१३ रोजी मुंबई / पुणे इथे होणार्‍या 'पितृऋण' या बहुचर्चित चित्रपटाच्या शुभारंभाच्या खेळाची प्रत्येकी दोन तिकिटं.

सर्व दहा प्रश्नांची उत्तरं बरोबर आली नाहीत, तर जास्तीत जास्त बरोबर उत्तरं देणार्‍या स्पर्धकांना बक्षीस दिलं जाईल. बरोबर उत्तरं देणार्‍या दोन स्पर्धकांच्या प्रवेशिका एकाच वेळी आल्यास लकी ड्रॉ पद्धतीनं विजेते निवडले जातील.

या स्पर्धेची उत्तरं देण्याची मुदत २ डिसेंबर, २०१३, भारतीय प्रमाणवेळेनुसार सकाळी ६ वाजेपर्यंत आहे.

३ तारखेला विजेत्यांची नावं याच बाफवर घोषित केली जातील.

महत्त्वाच्या सूचना -

१. 'अरेच्चा, उत्तर नेमकं चुकलं', असं तुम्ही 'सुपूर्त करा'चं बटन दाबल्यानंतर लक्षात आलं, तरी हरकत नाही. तुम्ही पुन्हा एकदा योग्य उत्तर लिहून प्रवेशिका पाठवू शकता.

अशी दुसरी प्रवेशिका पाठवल्याची सूचना माध्यम प्रायोजकांना संपर्कातून द्यायला कृपया विसरू नका.

तुम्ही पाठवलेली शेवटची प्रवेशिका निकाल जाहीर करताना ग्राह्य धरली जाईल.

२. या प्रश्नांची उत्तरं या बाफवर कृपया लिहू नका. उत्तरं जाहीर लिहिल्यास त्या आयडीची प्रवेशिका ग्राह्य धरली जाणार नाही.

३. शुभारंभाच्या खेळाची तिकिटं चित्रपटनिर्मात्यांकडून देण्यात येतात. अपरिहार्य कारणास्तव कार्यक्रमात बदल झाल्यास तसं विजेत्यांना कळवण्यात येईल.

http://vishesh.maayboli.com/node/1434

तर मग तुमच्या 'करड्या पेशीं'ना लावा कामाला आणि पाठवा आम्हांला प्रश्नांची उत्तरं! शक्य तितक्या लवकर! वेळेची उलटमोजणी सुरू झाली आहे...