Submitted by SADANAND BENDRE on 3 March, 2013 - 08:30
पाखरांना कोणतीही जात नाही
कुंपणाची हद्द आकाशात नाही
वेगळे आकार केवळ देवळांचे
खुद्द तो कुठल्याच गाभाऱ्यात नाही
पाडल्या भिंती मठाच्या काल कोणी
खंत एकच, त्यात माझा हात नाही
घेत मी नसलो तरी धुंदीत आहे
त्यातला नसलो तरी तुमच्यात नाही
मी कुठे जावे ठरवणे फार सोपे
यार माझा एकही स्वर्गात नाही
कालचे हे दुःख आता घे तुझे तू
दे नवे काही शिळे मी खात नाही
हात हाती घेउनी चालू जरासे
मंझिलावर पोचणे हातात नाही
खंजिराला पाठ द्यावी मी खुषीने
एवढा विश्वास या नात्यात नाही
दे जखम रक्ताविना तू आज किंवा
दे कबूली बाण तो भात्यात नाही
पाळतो बेशिस्तही शिस्तीत थोडी
वर्ज्य जे त्याच्याविना मी गात नाही
हुंदका ऐकून माझा ते म्हणाले
छान आहे पण तरी ती बात नाही
विषय:
Groups audience:
Group content visibility:
Public - accessible to all site users
शेअर करा
हुंदका ऐकून माझा ते
हुंदका ऐकून माझा ते म्हणाले
छान आहे पण तरी ती बात नाही>>> मस्त
स्वागत आहे सदानंद... येत रहा , लिहीत रहा.
मस्त मस्त गझल. अनेक शेर
मस्त मस्त गझल. अनेक शेर आवडले. आपल्या गझलेत 'ती बात' जाणवली. धन्यवाद.
व्व्व्वा ! सदानंदजी , खूप
व्व्व्वा ! सदानंदजी , खूप आवडली गझल !
मतला आणि मक्ता तर अधिकच आवडले .
खूप छान.
खूप छान.
आवड्ली मस्तच्चय आपल्याला आज
आवड्ली मस्तच्चय
आपल्याला आज प्रथमच वाचतो आहे खूप छान अनुभव होता
अजून येवूद्यात
छान आहे, आवडली
छान आहे, आवडली
पाडल्या भिंती मठाच्या काल
पाडल्या भिंती मठाच्या काल कोणी
खंत एकच, त्यात माझा हात नाही<<< सुंदर >>>
घेत मी नसलो तरी धुंदीत आहे
त्यातला नसलो तरी तुमच्यात नाही << व्वा ! >>
खूप आवडली गझल
वाह... भन्नाट सदा दा.........
वाह...
भन्नाट सदा दा......... सिम्पली भन्नाट........
छान आहे, आवडली
छान आहे, आवडली
खरोखर छान गझल आहे.
खरोखर छान गझल आहे.
क्या बात है....
क्या बात है....
ंmast!! Manzilavar
ंmast!!
Manzilavar khatakale...
पाखरांना कोणतीही जात
पाखरांना कोणतीही जात नाही
कुंपणाची हद्द आकाशात नाही
वेगळे आकार केवळ देवळांचे
खुद्द तो कुठल्याच गाभाऱ्यात नाही
मी कुठे जावे ठरवणे फार सोपे
यार माझा एकही स्वर्गात नाही
कालचे हे दुःख आता घे तुझे तू
दे नवे काही शिळे मी खात नाही
खंजिराला पाठ द्यावी मी खुषीने
एवढा विश्वास या नात्यात नाही
पाळतो बेशिस्तही शिस्तीत थोडी
वर्ज्य जे त्याच्याविना मी गात नाही
हुंदका ऐकून माझा ते म्हणाले
छान आहे पण तरी ती बात नाही
>>>> ह्यांपैकी कुठला शेर सर्वाधिक आवडला, हे ठरवणे अशक्य आहे !!
____/\____
हॅट्स ऑफ सदा भाऊ ! अॅण्ड वेल्कम टू द क्लब !!
--------------------------------
अनामिक गझलवेडांचा देवपूरकरी तडका दुर्लक्षित करावा.
गझल आवडली !
गझल आवडली !
पाखरांना कोणतीही जात
पाखरांना कोणतीही जात नाही
कुंपणाची हद्द आकाशात नाही kay lihilay aratim
वेगळे आकार केवळ देवळांचे
खुद्द तो कुठल्याच गाभाऱ्यात नाही ha sher tar out of.......shabd nahit....dole panavalet maze
कालचे हे दुःख आता घे तुझे तू
दे नवे काही शिळे मी खात नाही sundar
हुंदका ऐकून माझा ते म्हणाले
छान आहे पण तरी ती बात नाही kya bat hai
पाखरांना कोणतीही जात
पाखरांना कोणतीही जात नाही
कुंपणाची हद्द आकाशात नाही...भन्नाट मतला
वेगळे आकार केवळ देवळांचे
खुद्द तो कुठल्याच गाभाऱ्यात नाही..... वा वा !
दे जखम रक्ताविना तू आज किंवा
दे कबूली बाण तो भात्यात नाही...क्या बात!
सुस्वागतम!
संपूर्ण गझल आवडली.ले.शु.
संपूर्ण गझल आवडली.ले.शु.
पाखरांना कोणतीही जात
पाखरांना कोणतीही जात नाही
कुंपणाची हद्द आकाशात नाही
वेगळे आकार केवळ देवळांचे
खुद्द तो कुठल्याच गाभाऱ्यात नाही
कालचे हे दुःख आता घे तुझे तू
दे नवे काही शिळे मी खात नाही
<< क्या बात !!
मस्त गझल. आवडली.
मस्त गझल. आवडली.
अनामिक गझलवेडांचा देवपूरकरी
अनामिक गझलवेडांचा देवपूरकरी तडका दुर्लक्षित करावा.<<<<<<<<<<<<<,
आणि पराडकरी चिल्लर पळीफोडणी लक्षात ठेवावी!<<<
वा.....मस्तच !! संपूर्ण गझल
वा.....मस्तच !!
संपूर्ण गझल आवडली !
खात, गात, बात......... हे तीन शेर सगळ्यात जास्त आवडले !!
सुरेख, गझल आवडली.
सुरेख, गझल आवडली.
पूर्ण गझल आवडली पण
पूर्ण गझल आवडली पण त्यातलाही
मी कुठे जावे ठरवणे फार सोपे
यार माझा एकही स्वर्गात नाही... >>> हा शेर आवडला.
आणि पराडकरी चिल्लर पळीफोडणी
आणि पराडकरी चिल्लर पळीफोडणी लक्षात ठेवावी! <<<<<<
पाखरू, हुंदका, दु:ख, वर्ज असे
पाखरू, हुंदका, दु:ख, वर्ज असे अनेक शेर आवडले! सुंदर गझल!!
अतिशय सुंदर गझल… कमी अधिक
अतिशय सुंदर गझल…
कमी अधिक प्रमाणात सर्वच शेर आवडले .
शुभेच्छा .
'गाभाऱ्यात' आणि 'नात्यात'
'गाभाऱ्यात' आणि 'नात्यात' हे शेर सर्वात आवडले.
सर्वच शेर अप्रतिम... पहिल्याच
सर्वच शेर अप्रतिम...
पहिल्याच सामन्यात शतक....!
भन्नाट...
भन्नाट...

सध्या वेळेअभावी गज़ल आवडली
सध्या वेळेअभावी गज़ल आवडली इतकेच सांगतो. नंतर सविस्तर.
Pages