जमेल का तुला...

Submitted by हर्षल_चव्हाण on 22 February, 2013 - 03:44

ह्या गझलेचा तिसरा शेर 'आनंदयात्री'च्या सल्ल्याने वृत्त सांभाळून, बदलून लिहिला, त्यामुळे त्याचे धन्यवाद Happy

निघायचे असेल ना? जपून जा,
घरात काय राहिले, बघून जा...

सुने तुझ्याविना असेल देवघर,
(सुगंधरूप त्यात तू भरून जा...)

छतास उंच राहिले करायचे,
इथून तू हळूच अन् लवून जा...

सुकेल बाग ही तुझ्या विना, जरा;
फुलांस स्पर्श एकदा करून जा...

जमेल का तुला फिरून पाहणे?
जमेल त्याक्षणी पुन्हा वळून जा...

पुरे मनात आसवांस ढाळणे,
इथेच यायचेय ना? हसून जा...
----------------------------------------------------------------
हर्षल (२२/२/१३ - सकाळी १०.३५)

ब्लॉगवर पूर्वप्रकाशीत

विषय: 
काव्यलेखन
लेखन
शब्दखुणा: 
गझल
Groups audience: 
गुलमोहर - गझल
Group content visibility: 
Public - accessible to all site users
शेअर करा

अहाहा मस्त एकेक शेर मस्त

सुने तुझ्याविना>>> व ....इथेच यायचेय ना>>> या ओळीं मुळे ते ते शेर जरा कमी आवडले
बाकी भन्नाट आवडले

एक बदल सुचलाय.... ....पण नकोच !!!
(देवपूरकरांमुळे सवय लागलीये हो ...बाकी काही नाही :अरेरे:)

इथेच यायचेय ना>>> या वरून माझा एक शेर आठवला......

रडूच वाटतेय ना ....हसून का बघायचे
सरळ निघून जायचे वळून का बघायचे

पुनःप्रत्ययाबद्दल धन्स

फार छान गझल केलीत त्यासाठीही धन्स

Submitted by वैवकु on 22 February, 2013 - 03:57

सुंदर

Submitted by पुरंदरे शशांक on 22 February, 2013 - 05:52

मस्त... Happy

Submitted by डॉ.कैलास गायकवाड on 22 February, 2013 - 10:41

सुकेल बाग ही तुझ्या विना, जरा;
फुलांस स्पर्श एकदा करून जा.......... हा शेर खूप आवडला Happy

Submitted by जयवी -जयश्री अंबासकर on 23 February, 2013 - 23:14

देवपूरकरांमुळे सवय लागलीये हो ...बाकी काही नाही<
<<<<<<<<<<<<<

वैभ्या, आता समजले तुला अशी अवधाने रोज का येतात ते!
आमच्या जुन्नरच्या आजीच्या तोंडात नेहमी एक म्हण असायची.........काय माहिती आहे?
नग नग म्हण अन् पायलीच लाग!
तसे तुझे आहे बघ!
नाव आमचे घेतोस आणि तुझे फुटकळ शेर(थट्टेने म्हणतोय रे बाबा.....तू छान लिहितोस) पुढे सरकवतोस काय रे?
आवडते तर सगळे मग नाक का मुरडतोस असा?

Submitted by सतीश देवपूरकर on 23 February, 2013 - 23:25

हर्षल छान गझल आहे!
अभिनंदन!
आमचाही चिंतनात्मक प्रतिसाद (सुझाव) लवकरच येत आहे तुझ्या या गझलेवर.......

Submitted by सतीश देवपूरकर on 23 February, 2013 - 23:39

जयश्रीजी, सतिशजी : प्रतिसादाबद्दल धन्यवाद Happy
सतिशजी : प्रतिसाद म्हणून नवीन पर्यायी गझल सुचवणार असाल तर, ती नवीन पोस्ट म्हणूनच टाका माबोवर. मी वाचेन Happy

Submitted by हर्षल_चव्हाण on 24 February, 2013 - 12:26