शुभ वर्तमान - चांगल्या बातम्या

>>ही मुलगी माबोवर असते (ओळखा कोण?)
आपण स्वतः

ते (ओळखा कोण?)>> लाडकी.

नरेंद्र सावंत नामक व्यक्तीची मेल एका ग्रूपमधे आलेली आहे. त्यातला मजकूर देत आहे.

माझी पुण्यातली एक मैत्रीण आहे संजीवनी. काहीतरी करायचंय करायचंय असं तिचं बराच काळ चाललं होतं.
मी तिला म्ह्टलं, एक काहीतरी धर आणि लाग त्याच्यायमागे. अनेक चेंडू एकदम पकडायला गेलीस, तर एकही हातात यायचा नाही. तुला जी समस्या महत्त्वाची वाटते, ती एकच समस्या हातात घे आणि पिच्छा पुरव.
ती म्हणाली, हिंजवडीच्या चौकातला ट्रॅफिक जॅम ही समस्या महत्त्वाची वाटते मला.
आधी ती समस्या तिच्या मागे होती, आता ती त्याच समस्येच्या मागे लागली. ऑफिस सुटल्यावर ती त्या चौकात जाऊन उभी राहिली, तासाला किती वाहनं तिथून ये-जा करतात ती मोजली. फोटो काढले. मग तिथल्या वाहतूक पोलिसांशी बोलली, त्यांना काय अडचणी येतात ते विचारले. मग पुण्यातले काही वाहतूक तज्ज्ञ गाठून या समस्येवर काय काय उपाय शक्य आहेत हे समजून घेतले. एकदा समस्या आणि उपाय नीट समजले की एल्गार करायचा.
हिंजवडीत अनेक कंपन्या आहेत, त्यांची एक असोसिएशन आहे. या असोसिएशनच्या पदाधिकारी मंडळींना गाठून संजीवनीनं त्यांना आग्रह केला. ही समस्या ऐरणीवर घ्या म्हणून. हळूहळू तेही तयार झाले. एकीकडे संजीवनीनं एक ऑनलाइन स्वाक्षरी अभियान सु केले. या वाहतूक कोंडीचा आम्हाला त्रास होतो आणि यावर हा उपाय करावा असं त्या अभियानात म्हटलं होतं. पाच हजार लोकांच्या सह्या जमल्यावर तिनं पत्रकारांशी संपर्क करून बातम्या छापून आणल्या?
मग स्थानिक खासदारांचा तिला फोन आला. त्यांनी स्वत: हिंजवडी चौकाला भेट दिली. वाहतुकीचं निरीक्षण वगैरे केलं. कंपन्यांच्या असोसिएशननंही खासदार आणि इतर संबंधित यंत्रणांना निवेदने दिली. दोन महिन्यांच्या पाठपुराव्यानंतर त्याच चौकात नवीन सिग्नल बसले. अनधिकृत पार्किंंग बंद झालं. लेन आखून त्यातून ट्रॅफिक सुरळीत नेल्यामुळे गर्दी थोडी कमी झाली.
मग आम्ही सगळ्यांनी खूश होऊन संजीवनीला एक पार्टी दिली. स्पेशल चहा आणि क्रीमरोल अशी जंगी पार्टी! मजा पार्टीच्या मेनूत थोडीच असते? ती तर पार्टीच्या निमित्तात असते. तुम्हाला बोचणारी एक समस्या उचला आणि लागा तिच्यामागे हात धुवून. कोणाला दोन महिने लागतील तर कोणाला सहा. पण शेवटी पार्टी मिळणार हे नक्की !

ही मुलगी माबोवर असते (ओळखा कोण?)
आपण स्वतः<>> नाही महेश, झकासरावांनी लिहिलय बघ.

लाडकीने हे धाडस केले त्याच्या दुसर्‍या दिवशी कॉलेजमधे तिचा आम्ही सत्कारदेखील केला होता.

सी.ए. परिक्षेत यशस्वी झालेल्या विद्यार्थ्यांबद्दल वाचून त्यांचा खुप अभिमान वाटला. याचा अभ्यास खुपच कठीण असतो आणि पेपर लिहिण्यासाठी जबरदस्त चिकाटी आणि संयम लागतो. या मुलांचेही यश सहज नव्हतेच. त्यांना हार्दिक शुभेच्छा.

'व्हिजन वार्ता' हे नविन व्रुत्तत्पत्र याच हेतुने सुरु झाले आहे..
सद्या सिन्धुदुर्ग , रत्नागिरि, बेळगाव आणि सातारा आव्रुत्ति सुरु आहे .
२६ जाने ला सोलपुर जिल्हयात सुरु होतोय..
त्यानंतर कोल्हापुर , सांगली, अहमदनगर जिल्हयातही 'व्हिजन वार्ता' सुरु होईल.
.....पाहुया कसा प्रतिसाद मिळतो आहे !...सकारत्मक पेपरला...

'मराठी भाषा गौरव दिन' : २७ फेब्रुवारी

कुसुमाग्रज अर्थात जेष्ठ कवी वि.वा शिरवाडकर यांच्या जन्मदिवसा दिवशी म्हणजेच २७ फेब्रुवारी रोजी महाराष्ट्र शासनातर्फे मराठी भाषा गौरव दिन साजरा करण्यात येणार आहे .

धागा आवडला आणि इतक्या सकारात्मक बातम्या वाचायलाही मस्त वाटले. धन्यवाद हर्पेन.

संपन्न कोल्हटकर देशात प्रथम !

http://www.maayboli.com/node/39678

हर्पेन, अभिनंदन या धाग्यासाठी .खरेच तीव्रतेने वर्तमानपत्रांची अन वाहिन्यांची दहशत वाटू लागली आहे..
आजच्या मुंबई मिरर (२५-०१-२०१३ ) मध्ये मॅन एशियन लिटररी अ‍ॅवॉर्ड नॉमिनी मुशर्रफ अलि फारूकी (पाक कॅनडियन लेखक )यांचे जयपूर लिटररी फेस्ट वरचे विचार व परिचय आलाय (Why can't a lit fest be fun?-on Jaipur lit fest being compared to the Kumbh ).. वाचून मन प्रसन्न झाले.. पाकिस्तानी लेखकांना भारतात होणारा विरोध त्यांनी खूप प्रगल्भतेने समजून घेतलाय, स्वीकारलाय. त्यांचे 'बिट्वीन क्ले अँड डस्ट' या त्यांच्या कादंबरीबद्दलचे निवेदन वाचतानाही हेच जाणवले की आपापल्या स्थळकाळापलिकडची अशी प्रगल्भ माणसे नेहमीच या राष्ट्रांमधल्या युद्धसदृश परिस्थितीत त्रिशंकू ठरतात.. साहित्यावर अन वाचकांच्या सामंजस्यावर मात्र त्यांची मोहोर उमटल्याशिवाय रहाणार नाही.

हर्पेन, या धाग्याबद्दल धन्यवाद!
समाजसेवेच्या व्रताचा समृद्ध वारसा
पाचोरा (जि. जळगाव)- समाजकार्यात "बाप से बेटी सवाई' असल्याचा अनुभव येथील प्रदीप पांडे यांना येतो. त्यांनी मतिमंदांसाठी सुरू केलेल्या समाजकार्याचा वारसा त्यांच्या दोन तरुण मुली कांचन आणि मीनल यांनी विवाहानंतर परदेशातही नेला. शिवाय, भारतात आल्यावर वडिलांच्या कार्यात त्या नेहमीच सहभागी होत आहेत.

पांडे यांनी आपल्या मातोश्री कै. कालिंदीबाई पांडे यांच्या इच्छेनुसार, तसेच संत गाडगेबाबा व संत तुकडोजी महाराज यांच्या कार्याने प्रेरित होऊन मतिमंद बालकांसाठी कार्य करण्याचा वसा घेतला. त्यासाठी संत गाडगेबाबा शिक्षण संस्था स्थापन केली. या संस्थेअंतर्गत मतिमंद निवासी विद्यालय सुरू केले. कुटुंब आणि समाजात दुर्लक्षित असलेल्या मतिमंद बालकांचा प्रेमाने सांभाळ करून व त्यांना त्यांची आवड व बुद्धीनुसार विविध व्यावसायिक शिक्षण देऊन स्वावलंबी करण्याचा प्रयत्न पांडे करतात.

त्यांच्यासोबतच त्यांच्या कन्या कांचन व मीनल यांनाही या कार्याची गोडी लागली. दोघींनी विवाहाअगोदर वडिलांच्या खांद्याला खांदा लावून काम केले. विवाहानंतरही त्यांनी मतिमंदांची सेवा थांबविलेली नाही. कांचन व मीनल यांनी विवाहानंतर अमेरिका व कुवेतमध्ये मतिमंदांची सेवा करण्यात स्वतःला झोकून दिले आहे.

कांचनने नाशिक येथे डी.एस.ई.एम.आर. हे मतिमंदांच्या सेवेसंदर्भातील शिक्षण पूर्ण केले. त्यानंतर महेंद्र मेहता यांच्याशी विवाहबद्ध झाल्यानंतर श्री. मेहता यांच्या नोकरीच्या निमित्ताने ती कुवेतला गेली. तेथेही तिने मतिमंदांसाठी काही काळ काम केले. सध्या ती भारतात आहे. मीनलनेदेखील नाशिक येथे मतिमंदांच्या शिक्षण व सेवेसंदर्भातील शिक्षणक्रम पूर्ण केला व चंद्रेश उपाध्याय यांच्याशी ती विवाहबद्ध झाली. पतीच्या नोकरीनिमित्ताने सुरवातीला इटली येथे मतिमंदांसाठी तिने कार्य केले. त्यानंतर अमेरिकेतील साउथ कॅरोलिनात तिने मतिमंदांची सेवा करण्यास सुरवात केली व आजही करीत आहे.
...
मायेचा ओलावा
या दोन्ही भगिनींच्या मानवतावादी कार्याची परकीय देशात तोंड भरून प्रशंसा होत आहे. पांडे यांनी आपली अर्धांगिनी मीनाक्षी पांडे, मुलगा नीलेश व स्नुषा सुरेखा यांनाही मतिमंदांच्या कार्यात सक्रिय केले.

सर्व माबोकरांना ईदच्या हार्दीक शुभेच्छा !

सर्व माबोकरांना उद्याच्या प्रजासत्ताक दिनाच्या हार्दीक शुभेच्छा !
गणराज्य दिन चिरायु होवो !

बाळूताईंच्या कार्याने शेतकरी आणि कष्टकरी, दोघांचाही फायदा आहे.

धन्यवाद हर्पेन....एका चांगल्या 'टोळी'ची बातमी दिल्याबद्दल. एरव्ही टोळी म्हटले की काहीतरी कायद्याच्या विरूद्ध काम करणारे समाजातील घटक असेच चित्र नजरेसमोर येते. पण बाळुताईंच्या या कौतुकास्पद कार्यामुळे त्या नामाचा अर्थच बदलून गेला आहे असेच म्हणावे लागले...

अशा "टोळ्यां'चे जोमदार पीक सर्वत्र यावे.

अशोक पाटील

हर्पेन ........मस्त आहे "मैत्री " .... मल पण आवडेल काम करायला ......सविस्तर सागितले तर बरे होयिल.......ई मेल केली तरी चालेल......... हा धागा तर एकदम बेस्ट बेस्ट बेस्ट .....

सुपरडुपर धागा....हे काही माझ्याकडूनः

खराखुरा मिस्टर इंडिया

The saga of Sagayam and Durai

Heroes who averted a head-on train crash in Delhi

पक्ष्यांसाठी कृत्रिम घरटी

आय एफ एस ऑफिसर तांबे - सिक्कीम मध्ये रेनवॉटर हार्वेस्टींगची योजना राबवली.

हर्पेन, हा उत्तम धागा सुरू केल्याबद्दल अभिनंदन. इथे सांगितलेल्या सर्वच घटना, गोष्टी वाचून खूप छान वाटले.
अगदी बातमी म्हणून नाही पण एक सकारात्मक बदल म्हणून मी स्वतः केलेली एक गोष्ट सांगते. परवा शनिवारी संक्रातीचे हळदी-कुंकू/गटग केले. मैत्रिणींबरोबर एक निवांत भेट म्हणून मी दरवर्षी हे करते. खाणं वगैरे नेहमीसारखंच केलं पण एखादी वस्तू जी लूटतात ना (संक्रांतीचे वाण) ती काहीही वस्तू दिली नाही. त्या ऐवजी प्रत्येक मैत्रिणीमागे माझ्यातर्फे १ कॅन बीन्स आणि ओटीऐवजी १ पाऊंड तांदूळ Oregon Food Bank ला दिला. आणि तीळगूळ देताना हे आवर्जून सांगितले की तुम्ही पण तुमच्या हळदीकुंकवाला असंच काहीतरी बदल करा. आपण सर्वजणी मिळून नवी पद्धत सुरू करूया. काहीजणींनी चेष्टामस्करी करून नावं ठेवली तर खूप जणींनी हा बदल आवडल्याचे सांगितले. ज्यांना आवडले त्यांच्या बरोबर एक गट करून आम्ही आता सुट्टीच्या दिवशी Food Bank त जाऊन स्वयंसेवक म्हणून काम करणार आहोत.

मी माझ्या मुलीबरोबर हे काम नेहमी करतेच पण अजून २० जणी आणि त्यांची मुले गोळा करू शकले ही चांगली गोष्ट वाटली. असा छोटा बदल लहान मुलांवर सुद्धा खूप मोठा परिणाम करतो.

हर्पेन, मस्त धागा.
धनश्री, योग्य पाऊल उचलल्याबद्दल अभिनंदन!

क्षमस्व हर्पेन, दोन दिवस इथे नसल्याने उशीर झाला..
''Why can't a lit fest be fun ?' ..लिंक द्यायचा प्रयत्न केला तर ऑनलाइन पेपर मध्ये जाउन मुंबई मिररच्या आर्काइव्हमध्ये एंटर करावे लागतेय..
http://epaper.timesofindia.com/Default/Client.asp?skin=pastissues2&enter...

हर्पेन....स्वप्नाराज....भारती....तसेच अन्यही.

१. तुम्ही मंडळी इतक्या चांगल्या विषयासाठी अधिकच्या वाचनासाठी ज्या 'लिंक्स' देता त्या संदर्भात माझे निरिक्षण असे आहे की, कित्येक सदस्यांच्या कार्यालयीन कामाच्या ठिकाणी ह्या लिंक्स उघडत नाहीत.... म्हणजे मुख्य सर्व्हरकडून त्या 'लॉक' केल्या जात असाव्यात. याचाच अर्थ असा की ज्यांच्या घरी इंटरनेटची सोय नाही त्याना अशा लिंक्समधील संबंधित बातमी/बातम्या वाचता येणार नाही हे नक्की.

२. शिवाय माझ्या परिचयातील काही कुटुंब [दोन्ही घटक] असेही आहेत की ज्याना 'इंग्लिश' भाषा जितकी समजायला पाहिजे तितकी ती समजू शकत नाही, पण ते मायबोली तसेच अन्य मराठी संस्थळांवर प्रकट होत असलेले विचार नित्यनेमाने वाचत असल्याने मग त्याना ह्या धाग्याचा पुरेपूर आनंद द्यायचा झाल्यास किमान अशा लोकांसाठी का होईना, तुम्ही दिलेल्या लिंक्समधील बातम्यांचा सारांश इथे प्रतिसाद रुपात दिल्यास ती एक चांगली गोष्ट होईल.

३. मला माहीत आहे की मराठीतून कित्येकवेळा मोठे प्रतिसाद टंकणे कंटाळवाणे आणि वेळखावू काम सिद्ध होते, तरीही हा विकल्प धाग्याचे महत्व वाढविणारा ठरू शकेल.

विचार करावा.

अशोक पाटील

धनश्री , एक्दम बढिया कल्पना आणी उपक्रम ........एक्दम भावेश ... पुढच्या वर्शी नक्कि असेच काही तरी करीन .... कुवेत मधे जे जमेल ते...... ह्या धग्या मुळे कळाले ...हर्पेन ..धन्यवाद ......

हो अशोक, अगदी सहमत. मला तर वाटते बातम्यांसोबतच स्वतःला आलेले सुखद अनुभवही इथे लिहावेत.

मी सुखरुप काश्मिर वरुन परत मायबोलीवर आलो......(ही किमान माझ्यासाठी तरी सुखद बातमी)