शुभ वर्तमान - चांगल्या बातम्या

http://marathi.yahoo.com/%E0%A4%AE%E0%A4%B8%E0%A4%BF%E0%A4%B0%E0%A5%8D%E...

लौकिक आणि प्रेम यांची पाखर घालणार्‍या आणि सन्मानाने जगण्यासाठी उन्नतीचे मार्ग खुले करणार्‍या मातीविषयी आणि तिथल्या माणसांप्रती संवेदना आणि सहवेदना प्रकट करताना येथील ‘ए टू झेड ग्रुप’ने आज कोट्यवधी रुपये किमतीची मदतसामग्री दुष्काळग्रस्तांसाठी उपलब्ध करून दिली. याच ग्रुपने तीन वर्षांपूर्वी र्मसिडीज गाड्यांची सर्वात मोठी खरेदी करून जगाचे लक्ष औरंगाबादकडे वेधले होते.
सेवा, उद्योग, व्यापार, व्यवसाय आदी क्षेत्रांत कार्यरत शहरातील ४५ समाजधुरिणांनी स्वयंस्फूर्तीने पुढे येऊन दुष्काळग्रस्तांना थेट मदत म्हणून पाण्याचे चार नवे टँकर, १0 जनरेटर सेट, ५ हजार लिटर क्षमतेच्या ७00 पाण्याच्या टाक्या, जल प्रकल्पातील गाळ काढण्यासाठी जेसीबी, पोकलेन आदी कोट्यवधी रुपयांची मदत जिल्हा प्रशासनाच्या हाती दिली. प्रशासनाच्या वतीने विभागीय आयुक्त संजीव जयस्वाल, जिल्हाधिकारी विक्रम कुमार आणि जिल्हा परिषदेचे मुख्य कार्यकारी अधिकारी सुखदेव बनकर यांनी सद्गदित होऊन शहरवासीयांची ही मदत स्वीकारली.
१९७२ पेक्षाही तीव्र दुष्काळाचा सामना यंदा मराठवाड्याला करावा लागत आहे. या परिस्थितीला तोंड देण्याचे काम प्रशासन जोमाने करीत असतानाच आज शहरात वेगवेगळ्या क्षेत्रांत कार्यरत ४५ व्यक्तींनी एकत्रित येऊन दुष्काळग्रस्तांना व प्रशासनालाही मोठा आधार दिला. आपले सामाजिक भान जागृत ठेवताना समाजऋणातून उतराई होत या व्यक्तींनी मराठवाड्याच्या दातृत्वाचे मोठे दर्शनही घडविले. आपत्कालीन परिस्थितीत प्रशासनाच्या मदतीला धावून जाताना आपल्याच बांधवांना सहकार्य करण्यातील कृतार्थ भाव या सर्वांंच्या चेहर्‍यावर स्पष्ट दिसत होता. प्रसिद्धीपासून दूर राहण्याचा प्रयत्नही ते आवर्जून करीत होते. आपण जे काही केले ते अत्यल्प असून, अजून खूप काही करण्याची गरज आहे. या मदतीसाठी आपणास कोणतीही प्रसिद्धी नको, अशी विनयशील विनंती अनेकांनी माध्यमांच्या प्रतिनिधीकडे केली. प्रसिद्धीपेक्षा सर्वांंनी एकत्रित येऊन या परिस्थितीचा सामना करण्यासाठी प्रशासनाच्या पाठीशी उभे राहावे, मदतीचा हात आखडता घेऊ नये, असे आवाहन त्यांनी केले.
दुष्काळी परिस्थितीत मदतीच्या यंत्रणा कार्यरत ठेवण्यासाठी विभागीय आयुक्तालय, जिल्हाधिकारी कार्यालय रविवारीही सुरूच असते. आजही ही कार्यालये सुरू होती. विभागीय आयुक्तांसह जिल्हाधिकारी व सीईओ कार्यालयात खास बसून होते.
सकाळी ११ वाजताच्या सुमारास शहरातील हे मान्यवर कार्यालयात पोहोचले. विभागीय आयुक्तांशी १५ मिनिटांच्या चर्चेनंतर ते कार्यालयातून बाहेर पडले, तेव्हा माध्यम प्रतिनिधींनी त्यांच्या प्रतिक्रिया जाणून घेण्याचा प्रयत्न केला. त्यातील अनेकांनी प्रतिक्रिया देण्यासही नकार दिला.
असे घडले ऐतिहासिक मदतकार्य ...
दुष्काळात होरपळणार्‍या आपल्या बांधवांसाठी शासन तर सर्वतोपरी प्रयत्न करीतच आहे. फूल ना फुलाची पाकळी म्हणून आपणही काही तरी हातभार लावायला हवा, असा विचार ‘ए टू झेड’ ग्रुपने केला. ग्रुपचे काही सदस्य या विचाराच्या अनुषंगाने १५ दिवसांपूर्वी जिल्हाधिकारी विक्रमकुमार यांना भेटले. आम्ही ग्रुपच्या वतीने जिल्ह्यातील दुष्काळग्रस्तांसाठी हवी ती आर्थिक मदत करण्यास तयार आहोत, असे त्यांनी जिल्हाधिकार्‍यांना सांगितले. जिल्हाधिकार्‍यांनी विभागीय आयुक्त संजीव जयस्वाल यांच्या कानावर ही गोष्ट घातली. रोख रकमेऐवजी वस्तूंच्या स्वरूपात मदत घ्यावी, असे जिल्हाधिकारी आणि विभागीय आयुक्तांनी ठरविले. जिल्हाधिकार्‍यांनी ही बाब ग्रुपच्या सदस्यांना सांगितली. सदस्यांनी वस्तूंच्या स्वरूपात कशाकशाची गरज आहे ते सांगा, असे
म्हणत वस्तू स्वरूपात मदत देण्याची तयारी दर्शविली. जिल्ह्यातील टंचाईग्रस्त गावांना पाणीपुरवठा करण्यासाठी टँकरची कमतरता भासत आहे. त्यामुळे एक तर टँकर गरजेचे होते. तसेच पाणी उतरविण्यास आणि साठविण्यास पाण्याच्या टाक्या गरजेच्या होत्या. त्याबरोबरच लोडशेडिंगमुळे टँकर भरण्यास अडचणी येत असल्याने जनरेटरची गरज होती. तसेच जिल्ह्यातील तलावांची सिंचनक्षमता वाढविण्यासाठी, तलावातील गाळ काढण्यासाठी जेसीबी, पोकलेनचीही गरज भासत आहे, या गोष्टी जिल्हाधिकारी विक्रमकुमार यांनी ‘ए टू झेड’ ग्रुपच्या निदर्शनास आणून दिल्या. तेव्हा या ग्रुपने प्रशासनाला चार नवे टँकर खरेदी करून देण्याची, तसेच जिल्ह्यासाठी पाच हजार लिटरच्या ७00 प्लास्टिक टाक्या व १0 जनरेटर खरेदी करून देण्याची; शिवाय दीड ते दोन महिने १0 जेसीबी किंवा पोकलेन देण्याची तयारी दर्शविली अन् आज या ग्रुपने अधिकृतरीत्या ही मदत जाहीर केली. अशा पद्धतीने हे ऐतिहासिक मदतकार्य घडल्याचे जिल्हाधिकारी विक्रमकुमार यांनी सांगितले.

गुणज्ञचे हार्दिक अभिनंदन!

उदयन यानी दिलेला हा वृत्तांत सर्वार्थाने अनुकरणीय तर आहेच शिवाय या वृत्ताचे कात्रण जर मा.जिल्हाधिकारी विक्रमकुमार यानी राज्यातील सार्‍या जिल्हाधिकारी कचेर्‍यांना पाठविणेही गरजेचे आहे, ज्यामुळे दुष्काळाचे चटके सहन करीत असलेल्या जिल्ह्यातील प्रशासन यंत्रणा "औरंगाबाद पॅटर्न" आपल्याकडेही राबविता येईल का ? असा विचार नक्कीच करू शकेल.

"ए टू झेड ग्रुप" ने रोख रकमेऐवजी वस्तु स्वरुपात मदत द्यावी असे सुचविल्यावर त्या संदर्भात पटदिशी निर्णय घेऊन त्याप्रमाणे कार्यवाही केली त्याबद्दलही त्या ग्रुपचे सारे सदस्य अभिनंदनास पात्र आहेत.

अशोक पाटील

एटूझेड ग्रूपचे वरील वर्तमान वाचले,
माफ करा (सॉरी टू से) ही बातमी दिसायला कितीही चांगली असली तरी तसे म्हणवत नाही.
कारण एक तर हे सगळे उपाय सरकारने केलेच पाहिजेत असे आहेत.
बक्कळ पैसे (कराच्या रूपात, तसेच खाण्याच्या रूपात) मिळतात सरकारला,
आणि तरीही जनतेनेच सरकारला मदत करायची वेळ यावी ?

नेहा, आइन्स्टाइनपेक्षा हुशार!

http://maharashtratimes.indiatimes.com/articleshow/18822499.cms

हर्पेन यांच्या वरील मताशी सहमत.

महेश....

हे जरूर मान्य की दुष्काळग्रस्तांसाठी तातडीने मदत आणि उपाययोजना करणे सरकारचे आद्यकर्तव्य होय, आणि बिलिव्ह मी...सरकार ते कार्य करीत असतेच [मी सरकारी यंत्रणेला फार जवळून ओळखत असलो तरी सरकारी खाते आपण जे कार्य करीत आहे, त्याबाबत कोणत्याही माध्यमाकडे जात नाही, सरकारी नियमानुसार असे कोणत्याच खात्याला थेट माध्यमाशी संपर्क साधता येत नाही. ते काम मंत्रालयातील प्रसिद्धी खात्याकडे असते.... ते खातेही तसे सुस्तच असल्याने सर्वसामान्य जनतेपुढे जितक्या प्रकर्षाने सरकारकडून होत असलेल्या उपाययोजनांची माहिती जाणे गरजेचे असते तितके ते होत नाही हा इतिहास आहे. असो...तो विषय वेगळा आहे.]

त्यामुळे एन.जी.ओ. तसेच हर्पेन म्हणतात तसे 'आहे रे' घटकांकडून 'नाही रे' साठी मदतीचा हात पुढे होत असेल तर त्याचे स्वागत करणे इष्टच.

वीसएक वर्षापूर्वी {१९९३} मध्ये किल्लारी आणि सास्तूर इथे झालेला प्रलयंकारी असा भूकंप आठवतो तुम्हाला ? सार्‍या देशात त्याची नोंद झाली होती. भूकंपानंतर तिथे पुनर्वसनाचे जे कार्य सुरू झाले त्यात आपलाही खारीचा वाटा असावा या हेतूने मी आणि माझ्या पाच मित्रांनी {सरेन्डर लीव्ह काढून} तब्बल एक महिना त्या भागात मुक्काम केला होता, यथाशक्ती तेथील कामात योगदानही दिले.

कॉलनीज् उभ्या करणे ही जबाबदारी जिल्हाधिकारी आणि संबंधित खात्याची होती हे खरे. पण तसे मानून आम्ही काहीच मदत करायची नाही असा जर पवित्रा घेतला तर स्वतःला 'सुजाण नागरिक' म्हणवून घेणे जडच गेले असते आम्हाला. आम्ही केलेल्या {आमच्यासारखे शेकडो स्वयंसेवक आले होते सार्‍या राज्यातून} मदतीमुळे एखाद्या तरी पिडीत घरी हास्य फुलले असेल तर तीच आमची मिळकत. अशावेळी सरकारने काही केले वा ना केले तर आपल्या "अडलेल्यास मदत करण्यास तत्पर" या वृत्तीत फरक पडू नये इतकेच.

अशोक पाटील

हर्पेन आणि अशोकजी,
खुलाशाबद्दल धन्यवाद, तुम्ही म्हणता त्याप्रमाणे नैसर्गिक आपत्तीमधे अशी मदत करणे अगदी मान्य आहे (युद्ध, भुकंप ज्याची तुम्ही उदाहरणे दिलेली आहेत). पण असे नसताना एवढी मोठी मदत करणे आणि ती सुद्धा NGO प्रमाणे "नाही रे" वर्गाला करण्याऐवजी डायरेक्ट सरकारला करणे विचित्र वाटले म्हणुन वैषम्य + राग
मंत्री, अधिकारी, इ. लोक जे मोठ्या प्रमाणावर पैसा खातात (स्विस बँकेत काळा पैसा आहे, इ. म्हणले जाते)
ते बंद / कमी झाले तर तो पैसा विधायक कामांसाठी वापरला जाऊ शकणार नाही का ?
(मधेच वेगळी चर्चा केल्याबद्दल क्षमस्व)

उदयन,हर्पेन,खूप आशादायी पोस्टस. धन्स.

स्त्रियांच्या सन्मानासाठी शाहरुखने केली सूचना

वृत्तसंस्था । पाचगणी

महिलांना समाजामध्ये योग्य सन्मान मिळावा, अशी मागणी सर्वत्र होत असताना बॉलीवूडचा सुपरस्टार शाहरुख खानही महिलांना सन्मान मिळावा अशी मागणी करण्यात मागे नाही. 'चित्रपटाच्या श्रेयनामावलीमध्ये (टायटल्स) सर्वांत पहिल्यांदा अभिनेत्रीचे नाव पडद्यावर झळ‌कवूनच आपण महिलांचा आदर करायला हवा,' अशी मागणी शाहरुखने केली आहे.

पत्रकारांशी अनौपचारिक गप्पा मारत असताना शाहरुखने आपले मत मांडले. शाहरुख म्हणाला, 'मी सर्व निर्माता-दिग्दर्शकांना विनंती करू इच्छितो, की त्यांनी चित्रपटाच्या श्रेयनामावलीमध्ये सर्वांत पहिल्यांदा अभिनेत्रीचे नाव जाहीर व्हावे. 'चेन्नई एक्स्प्रेस' या आगामी चित्रपटात सर्वांत पहिल्यांदा अभिनेत्री दीपिका पदुकोणचे नाव पडद्यावर दाखविले जाणार आहे. हा छोटा बदल केल्यामुळे फार काही साधणार नाही. मात्र, आपली मानसिकता बदलण्यात हातभार लागेल.

पुन्हा एकदा. मस्त धागा!!!

दिल्ली, मुंबई आणि हैद्राबाद विमानतळ जगातील सर्वोत्कृष्ट विमानतळांच्या यादीत

अरेरे बातमी बेंगलोर एव्हिएशनच्या वेबसाईटवर आहे, आणि खुद्द बेंगलोर विमानतळाचे नाव नाही.

>>For some strange reason, Bangalore's Bengaluru International Airport does not feature in the ACI list. Bangalore Aviation has been unable to obtain a clear answer as to why, but we are on the job.

दुष्काळी जिल्हा म्हणून ओळखला जाणारा अहमदनगर!
पोपटराव पवार यांनी त्यांचे गाव (हिवरे बाजार) याची कायापालट केली.
याहू कडून घेतली गेलेली दखल

http://in.news.yahoo.com/village-of-60-millionaires--111616557.html

"नातं फक्त रक्ताचं असतं, संकटाच्या काळातच या नात्यांची सत्त्वपरीक्षा होते, असं सांगितलं जातं.
पण रक्ताच्या पलिकडेही धर्माची बंधने झुगारून एक नातं प्रत्येकाला टिकवता येतं, ते म्हणजे माणुसकीचं. असंच माणुसकीचे नाते जपणारा एक देवमाणूस नागपुरात आहे. ते म्हणजे जीवन ज्योती ब्लड बॅँकेचे संचालक डॉ. रवि वानखेडे...."

एका दोस्तीची दिलचस्प दास्तां...

http://maharashtratimes.indiatimes.com/articleshow/18968923.cms

१ लाख ९२ हजार प्रकरणे एका दिवसात निकाली

म.टा. प्रतिनिधी, नागपूर

राज्यातील ३२ जिल्ह्यांत या महिन्याच्या सुरुवातीला आयोजित करण्यात आलेल्या महालोक अदालतीमध्ये एकाच दिवशी तब्बल १ लाख ९२ हजार प्रकरणांचा निपटारा करण्यात आला. नागपुरात महालोकअदलातीत ठेवण्यात आलेल्या प्रकरणांपैकी ९४ टक्के प्रकरणे निकाली काढण्यात आली.

६ फेब्रुवारी २०११ रोजी पहिली महालोकअदालत आयोजित करण्यात आली होती. गेल्या दोन वर्षात महालोकअदलातीमध्ये तब्बल ९ लाख ८७ हजार प्रकरणे निकाली काढण्यात आली. आतापर्यंत झालेल्या पाच महालोकअदालतींमध्ये नागपूर जिल्ह्यातील एकूण १.७३ प्रकरणे निकाली काढण्यात आली, अशी माहिती जिल्हा विधी सेवा प्राधिकरणामार्फत मिळाली. 'यंदा आयोजित करण्यात आलेल्या महालोकअदालतीत नागपुरातून एकूण २८ हजार प्रकरणे ठेवण्यात आली होती त्यातील २६,५०४ म्हणजेच ९४ टक्के प्रकरणे निकाली काढण्यात आली. टक्केवारीच्या दृष्टीकोनातून नागपूर राज्यात प्रथम क्रमांकावर आहे. गेल्यावर्षी ४ मार्च रोजी आयोजित करण्यात आलेल्या महालोकअदालतीत एकूण ८४,६२६ प्रकरणे एकाच दिवशी निकाली काढण्यात आली होती. हा विक्रमी आकडा ठरला होता. यामुळे प्रलंबित प्रकरणांचा बोझा कमी करण्यास बरीच मदत होत आहे. मात्र, अद्यापही राज्यभरात २८ लाख ८७ हजार प्रकरणे प्रलंबित आहेत', अशी माहिती जिल्हा विधी सेवा प्राधिकरणाचे सचिव किशोर जयस्वाल यांनी दि

In a country where lakhs of blind people spend their lifetime waiting for an eye donor, what happened at All India Institute of Medical Sciences on Thursday is nothing short of a miracle.

AIIMS, which restarted its eye bank recently, received 22 eyes within 24 hours and transplanted all of them successfully. The recipients included 18 patients admitted at the hospital and four others who had registered themselves and gone back home.

"Giving vision to 22 people in a single day is unbelievable. It has been possible only because so many people came forward or accepted our request to donate the organs of their deceased kin," said Dr R V Azad, chief of the RP Eye Center at AIIMS.

He said normally the eye bank gets one or two donors daily. "On Thursday, we received 10 eyes through voluntary offers made by the families of donors from Delhi and NCR. The other 12 eyes were received through the Hospital Cornea Retrieval Programme at AIIMS and DDU. The donor age ranged from 23 to 78 years," he added.

अधिक माहितीसाठी - http://timesofindia.indiatimes.com/city/delhi/Bumper-eye-harvest-in-1-day-benefits-22-at-AIIMS/articleshow/19053058.cms

महामार्ग पोलिसाचा आगळा अनुभव : http://www.maayboli.com/node/41986

फेबुवर एका मित्राने शेअर केलेली एक विशेष बातमी:-

ज्ञानप्रबोधिनी निगडी इयत्ता दहावीत शिकणार्‍या विराज गपचूप याने पाण्याचा पुनर्वापर, पाणीबचत यावर थक्क करणारे काम केले आहे. मध्यंतरी त्याने तयार केलेल्या सेमी ऑटोमॅटिक वॉटर पम्प कन्ट्रोलरचे यंत्र अनेकांना आवडले, त्याचे कौतुकही झाले. अनेक कंपन्यांमध्ये विराजने याबाबतचे प्रेझेंटेशन केले. काही कंपन्यांनी ते खरेदीही केले आहे. दोन वर्षापूर्वी लहान वयात कमीत कमी दिवसात अधिकाधिक रकमेची देणगी गोळा केल्याबद्दल निगडीच्या ज्ञान प्रबोधिनी शाळेतील विराज गपचूप याचे लिम्का बुक ऑफ रेकॉर्ड आणि इंडिया रेकॉर्डमध्ये नाव नोंदले गेले आहे. जमा झालेली दीड लाख रुपयांची रक्कम त्याने शाळेच्या सभागृहाच्या कामासाठी दिली. तसेच त्याच्या पाणी बचतीच्या प्रकल्पाची आणि त्यावर आधारित केलेल्या डॉक्युमेंट्रीचीही 'लिम्का'ने नोंद घेतली आहे.

विराजची पाणी बचतीची पद्धत पाहण्यासाठी Youtube लिंक... पहा आणि शेअर करा
1. http://www.youtube.com/watch?v=7_vslxrJXw0
2. http://www.youtube.com/watch?v=v-inWCJdUZg

विराजला इथे संपर्क करू शकता:
Email: viraj.gapchoop@gmail.com
Mobile: 8275204506
http://www.facebook.com/viraj.gapchoopSee more

They sang and danced, laughed and shed tears. They threw flowers at each other and played with gulal. The widows of Vrindavan celebrated Holi with a riot of colours on Sunday, defying tradition that bids them to stay away from festivities of all kind.

अधिक माहितीसाठी http://timesofindia.indiatimes.com/india/Holi-of-hope-for-Vrindavan-widows/articleshow/19179781.cms

काझिरंगामधील गेड्यांच्या संख्येत वाढ

काझिरंगा- अवैध शिकारीची अनेक प्रकरणे उघडकीस आल्यानंतरही काझिरंगा राष्ट्रीय अभयारण्यातील गेड्यांच्या संख्येत वाढ झाल्याचे नुकत्याच करण्यात आलेल्या वन्यप्राण्यांच्या गणनेत आढळून आले आहे.

एक शिंग असलेल्या भारतीय गेड्यांची संख्या 39 ने वाढली आहे. काझिरंगात गेल्या वेळी करण्यात आलेल्या वन्यप्राण्यांच्या गणनेत 2290 गेंडे असल्याचे आढळून आले होते. सध्या या अभयारण्यात पूर्ण वाढ झालेले 645 नर गेंडे आणि 684 मादा गेंडे यांच्यासह लहान पिल्ले आढळून आले आहेत.

काझिरंगातील वन्यप्राण्यांच्या गणनेला 24 मार्चपासून सुरवात करण्यात आली होती. सुमारे 250 वन विभागाच्या कर्मचाऱ्यांनी 50 हत्तींच्या मदतीने गणना पार पाडली. भुरापहार, बागोरी, कोहोरा, अगराटोली आणि उत्तरपारा या पाच भागांमध्ये गणना करण्यात आली. प्रत्येक दोन वर्षांनी वन्यप्राण्यांची गणना केली जाते.

आजच्या इंडियन एक्स्प्रेसमधून
डिफरंटली एबल्ड मुलांसाठीच्या सरस्वती विद्यामंदिर आणि ट्युलिप या दोन शाळा बंद होणार. शिक्षणाच्या अधिकाराच्या कायद्यामुळे या शाळेतल्या मुलांना सर्वसामान्य शाळांतून प्रवेश मिळत असल्याने या शाळा बंद करण्यात येत आहेत.

'जीआरई'मध्ये मुंबईची अश्विनी नेने प्रथम

उच्च शिक्षणासाठी परदेशातील नामवंत शिक्षण संस्थांमधील प्रवेशाचे तिकीट समजल्या जाणाऱ्या 'ग्रॅज्युएट रेकॉर्ड एक्झामिनेशन' (जीआरई) या परीक्षेत अंधेरीच्या सरदार वल्लभभाई पटेल इन्स्टिटय़ूट ऑफ टेक्नालॉजीत शिकणारी अश्विनी नेने हिने प्रथम येण्याचा मान मिळविला आहे. 'एज्युकेशन टेस्टिंग सव्‍‌र्हिसेस'ने (ईटीसी) नुकताच या स्पर्धेचा निकाल जाहीर केला. २२ वर्षांच्या अश्विनीने या परीक्षेत ३४० पैकी ३४० अशी १०० टक्के गुणांची कमाई करीत पहिला क्रमांक पटकावला आहे. जागतिक स्तरावर १०० टक्के गुणांची कमाई करणाऱ्या काही थोडय़ा विद्यार्थ्यांमध्ये अश्विनीचा समावेश आहे. जगभरातून लाखो विद्यार्थी जीआरई देत असतात. अमेरिका आणि इतर निवडक देशांमधील नामवंत शिक्षण संस्था आपल्या अभ्यासक्रमांसाठी जीआरईचे गुण प्रमाण मानतात. या परीक्षेत विद्यार्थ्यांच्या व्हर्बल रिझनिंग, क्वान्टिटेटिव्ह रिझनिंग, विश्लेषणात्मक लेखन आणि क्रिटिकल थिंकिंग यांचा कस लागतो. ही परीक्षा कोणत्याही विशिष्ट अभ्यासक्रमावर आधारित नसते. त्यामुळे त्यात आपली योग्यता स्पष्ट करणे विद्यार्थ्यांकरिता आव्हान असते. अश्विनीला या परीक्षेकरिता केआयसी या कोचिंग संस्थेकडून मार्गदर्शन लाभले.

http://www.loksatta.com/mumbai-news/ashwini-nene-came-first-in-gre-91483/

२३व्या वर्षी सीए, सीएस आणि कॉस्ट अकाऊंटंटही!

वित्तीय क्षेत्रामध्ये उत्तुंग झेप घेण्याच्या महत्त्वाकांक्षेने झपाटलेल्या दिल्लीतील २३ वर्षीय युवतीने पहिल्याच प्रयत्नात चार्टर्ड अकाऊंटंट (सीए), कंपनी सेक्रेटरी (सीएस) आणि कॉस्ट अकाऊंटंट या तीनही परीक्षा उत्तीर्ण होत नवे शिखर गाठले. पल्लवी सचदेव असे तिचे नाव असून वित्तीय क्षेत्रातील तीनही महत्त्वाच्या परीक्षा उत्तीर्ण होणारी ती देशातील सर्वात लहान मुलगी ठरण्याची शक्यता आहे.
आयसीआयसीआय बँकेच्या अध्यक्षा चंदा कोच्छर यांना आपला आदर्श मानणारी पल्लवी दिल्ली विद्यापीठातील पदवीधर आहे. विशेष म्हणजे आंतरराष्ट्रीय स्तरावर वित्तीय क्षेत्रातील अग्रगण्य मानल्या जाणाऱ्या 'बाक्र्लेज्' या वित्त संस्थेत तिला नोकरीही मिळाली आहे. एकदा एखादा विषय समजला की तो फारसा अवघड राहत नाही, असे पल्लवीने तीन परीक्षा एकाच वेळी उत्तीर्ण होणे अवघड गेले नाही का, या प्रश्नाचे उत्तर देताना सांगितले. भविष्यातील योजना काय आहे असे विचारले असता, पुढील महिन्यात आपले स्वप्न असलेल्या 'बाक्र्लेज्' या इंग्लंडच्या वित्त संस्थेत रुजू होण्यासाठी आतुर असल्याचे ती म्हणाली.
समाजातून आजही मिळणारी दुय्यम वागणूक, विकृत नजरा, लैंगिक अत्याचार, कुटुंबात होणारी अवहेलना अशा अनेक अडचणी वर्षांनुवर्षे सहन करत आलेली स्त्री आज पुरुषाच्या तोडीस तोड काम करत आहेच; पण ध्येयासक्ती आणि मेहनत यांच्या जोरावर तिने यशाची अनेक शिखरे पादाक्रांत केली आहेत. दिल्लीची पल्लवी सचदेव आणि मुंबईची अश्विनी नेने या अशाच दोन 'यशस्वीनी'..
http://www.loksatta.com/desh-videsh-news/pallavi-sachdev-become-ca-cs-an...