उठला दुरावा दोन टोकाच्या मनांचा... (दीर्घ गझल...)

प्र क टा आ

उठला दुरावा दोन टोकाच्या मनांचा
पाऊसही पडला हिशेबी आसवांचा

धरणे नको बांधू प्रवाही भावनांवर
सुटलाय केंव्हा प्रश्नही निष्कासितांचा

गोडी कशी देऊ मनाच्या वावरातुन
जळलाय सारा ऊस माझ्या भावनांचा

ठेवीत नाही नोंद आता भेटल्याची
भोगीत आहे त्रास पूर्वीच्या खुणांचा

स्वातंत्र्य, समता काय असते हे समजले..
पाहून अश्रू जाळलेल्या पुस्तकांचा ...

हे शेर आवडले....

एकंदरीत छान वाटली गझल...

माझा आधीचा प्रतिसाद आपण वाचलात आता त्याचे काम संपले यास्तव काढून टाकला आहे
काही शेर बरे आहेत अनेक मिसरे छान आहेत याबद्दल मी म्हणालो ते विसरलात!!

...............ओके ; असो !

अनेक शेर आवडले. गझल आवडली.

न्यायालयी फिर्याद केली फसविल्याची
झालो सखा मी हेलपाटे घातल्यांचा

हा सर्वात आवडला.

गझलेच्या लांबीवरून फिराक गोरखपुरींच्या काही गझला आठवल्या. फिराकच्या काही गझला बर्‍याच मोठ्या आहेत.

अ.अ. जोशी

गझल दीर्घ आहे हे खरंच. सुरुवातीचे तीन चार शेर वाचून मतल्यावर जसजसा विचार केला तसतसा त्याच्या अर्थाने नि:शब्द होत गेलो. जबरदस्त !!!!!! सध्या त्याच्याच आनंदात आहे. पुढचे पुढे..

'दुरावा उठला' हे समजले नाही.
तेवढे सोडले तर मतला जबरदस्त!
दुसरी ओळ फारच आवडली.

उपहास, चेष्टा, वल्गना मी जोजवीतो
आहे तुझा, आहे तसा मी वेदनांचा
सुंदर खयाल.. सानी मिसऱ्यात शब्दरचना अजून थोडी प्रभावी हवी होती..असे वाटले

धरणे नको बांधू प्रवाही भावनांवर
सुटलाय केंव्हा प्रश्नही निष्कासितांचा
गोडी कशी देऊ मनाच्या वावरातुन
जळलाय सारा ऊस माझ्या भावनांचा

उत्तम शेर..

ठेवीत नाही नोंद आता भेटल्याची
भोगीत आहे त्रास पूर्वीच्या खुणांचा
हा हि आवडला..

शुभेच्छा..

सध्या छान एवढेच सांगतो. गझल सावकाश वाचून प्रतिक्रिया देईन. मायबोलीवरच मी नवीनच आलोय.

आहे तुझा, आहे तसा मी वेदनांचा...व्वा!

कातिल मिसरा!

नाती नव्याने रंगवा, सजवा कितीही ..
राहून जातो माग ढलपे पोपड्यांचा...क्या बात!

न्यायालयी फिर्याद केली फसविल्याची
झालो सखा मी हेलपाटे घातल्यांचा......सही!

बोलू नका, रागे भरा की वाद घाला...
तोडू नका विश्वास अपुल्या माणसांचा...अफलातून

वाहूनही अस्तित्व नसणे चूक नाही
सागर किनारी थांग असतो का नद्यांचा ..?.. आवडलाच!

गझल चांगली आहे. प्रत्येक कडव्यातील दुसरी ओळ अर्थपूर्ण वाटली. पु.ले.शु.

गझल फार आवडली, बर्‍याच दिवसांनी अजयजी पुन्हा भेटल्यासारखे वाटले.

पहिले नऊ शेर सलग आवडले नंतर थोडे वर-खाली होत राहिलो.

मद्यालयाचा शेरही मस्त आहे, त्याला कुंपणाच्या पलीकडे का म्हणून ठेवलाय?

धन्यवाद!

नाते कसे जुळते पहा विरहातसुद्धा
प्रत्येक अश्रू होत होता पापण्यांचा

तुटल्यावरी कोठे पुन्हा जुळतात नाती ?
नसतेच जीवन खेळ पत्ते-बंगल्यांचा

ठेवीत नाही नोंद आता भेटल्याची
भोगीत आहे त्रास पूर्वीच्या खुणांचा

चुकणार निश्चित मार्ग अन बुडणार नौका
राखू न शकली मान जर ठरल्या दिशांचा

माणूस जगतो की कुणी जगवीत असते...
की खेळ आहे फक्त हलत्या बाहुल्यांचा ..?

होतास प्रामाणिक तसा अजुनी रहा तू..
होतो अजय, केंव्हा विजय खोटारड्यांचा

मद्यालये भरली रिकाम्या माणसांनी
काबाडकष्टी राहिला मालक भुकांचा

हृदयांत मी आहे तुझ्या, चिंता कशाला..?
का उठविला तू प्रश्न नसत्या स्मारकांचा ?

>>>>
हे सगळे शेर आवडले..

बघ, उंच गझलांची सुरू झाली कहाणी
संयम किती तगडा असे या वाचकांचा

>>>>

आवडेश

होतीस तू इतकी जवळ? कळलेच नाही...
मी घेतला आस्वाद माझ्या भाकऱ्यांचा

अतिशय सुंदर शेर आहे.

खुप छान गझल

बघ, उंच गझलांची सुरू झाली कहाणी
संयम किती तगडा असे या वाचकांचा >>>>> + १०००००००

छान