मेळघाटातील पक्षी

मेळघाटातल्या चिलाटी गावात, १०० दिवसांच्या शाळेच्या निमित्त्ताने, मागच्या वर्षी घालवलेल्या, त्या ८-१० दिवसांच्या आठवणी माझ्या मनात आजही अगदी ताज्या आहेत.

माझ्या तिथल्या सोन्यासारख्या वास्तव्याला सुगंध देण्याचे काम, तिथल्या अंगण-वावरात दिसलेल्या, अगदी सहज व विनासायास दिसलेल्या पक्षांनी केले.

त्यांची काही प्रकाशचित्रे आज इथे टाकत आहे.

शुभशकूनी भारद्वाज

बुलबुल एकटा

अन् जोडीने

होय ह्या तारा विजेच्याच आहेत पण त्यातून वीज अजीबात खेळत नाही. चला काही नाही तर पक्षांना तरी बसायची सोय...:)

जवळच एक तलाव होता, पाणी तसे अजिबातच नव्हते म्हणाना... पण अर्थातच त्यामुळे काही पक्षांसाठी उत्तम अधिवास

शराटी ह्याला कांडेसर असेही म्हणतात.

करडा धोबी

वंचक

काय राव? पाणपक्ष्यांचा उल्लेख खंड्याशिवाय पुर्ण तरी होऊ शकेल काय?

जायच्या-यायच्या वाटेवर ऐकू येणार्‍या गोड आवाजाचा धनी चंडोल

ह्या इटुकल्या-पिटुकल्या पक्ष्याचे नाव आहे, चश्मेवाला...

मी म्हणालो तसे अगदीच अंगणात दिसणारा दयाळ ह्याचा पण आवाज गोड असतो बरका...

अंगणातले शेवग्याचे झाड म्हणजे पक्ष्यांचे मेजवानीघरच...

जांभळा शिंजीर

ह्या पक्ष्याला थिरथिर्‍या असे नाव उगाच नाहीये, जरा म्हणून एका जागी बसेल तर शप्पथ...

बसलेला असताना आपल्या नीळ्-झळाळीला दडवून ठेवणारा नीलपंख

कधी जोडीदारासोबत

तर कधी पोपटासोबत

इतक्या देखण्या पक्षाचे नाव खाटीक आहे...

काही पक्षी मात्र मला ओळखता आलेले नाहीत.
प्रचि १

प्रचि २

प्रचि ३

आणि आमच्या इकडे अत्यंत दुर्मिळ झालेल्या अशा एका पक्षाने देखिल मला मनसोक्त दर्शन दिले, ओळखा बरे कोण