निसर्गाच्या गप्पा (भाग - ८)

तो पिवळ्या फुलांचा सिल्व्हर ओक आहे. पुण्यामुंबईत झाडे आहेत पण क्वचितच फुलतो.

धन्यवाद इन मिन तीन,
खरच वाढली की हो सापेक्षपृथकता!

धन्यवाद दिनेशदा.
अरे वा! पिवळ्या फुलांच्या सिल्वर ओक नावाच्या झाडाचा आपण सपुष्प फोटो काढला हे समजून मला फारच धन्य वाटले.

सिल्व्हर ओक - हे बरेच प्रसिध्द नाव आहे बर्‍याच बंगल्यांना याच नाव असत.

नाव ओक असले तरी इंग्लिश ओक शी संबंध नाही. (पाने खालून चंदेरी असतात. आणि लग्नातील नवरानवरीच्या हातातले गुच्छ बहुदा, या पानात गुंडाळलेले असतात.)
ते ओकचे झाड म्हणजे अनेक प्राणी, पक्षी, किटक यांचे आश्रयस्थान असते. त्यातही दोन मुख्य प्रजाती आहेत. त्याच्या बिया म्हणजे खारीसारख्या प्राण्यांचा अतिप्रिय खाऊ. मी मुद्दाम खाऊन बघितला, पण अजिबातच चवदार लागला नाही.

मुंबईत माझ्या बघण्यातले एकमेव ओकचे झाड, कमला नेहरु पार्काच्या रस्त्याच्या विरुद्ध दिशेचे जे कंपाऊम्ड
आहे, त्याच्या खाली आहे. अजून लहान आहे ते, फळे धरत नसावीत.

हा आणखी एक फोटो. हरिद्वार.
ही फळे कसली आहेत?

From June 2, 2012

आता मी हेच लिहिणार होतो सिल्हर ओक का गोल्डन ओक हवे होते पिवळी फुले आहेत ना पण चंदेरी पाणांनी हा प्रश्न संपवला.

मुंबईत माझ्या बघण्यातले एकमेव ओकचे झाड, कमला नेहरु पार्काच्या रस्त्याच्या विरुद्ध दिशेचे जे कंपाऊम्ड
आहे, त्याच्या खाली आहे. अजून लहान आहे ते, फळे धरत नसावीत. >>

दा तुमच्या स्मरणशक्तीची कमाल आहे दाद द्यावीशी वाटते माझा तर सलामच _/

दिनेशदा,
नैनितालला बाँझ म्हणून ओळखला जाणारा ओकच हा आहे काय?

कॉफीची लागवड बहुतांशी या सिल्व्हर ओकच्या छायेखाली केलेली आढळते. याला काही कारण आहे कां?

रुद्राक्षाचे झाड आहे हे.

साधना, नक्की का ? झाडावर राहिलीत, म्हणजे नवलच आहे.
सिल्ह्वर ओकची सावली तेवढी दाट नसते आणि त्याचा विस्तार ऊभा असतो म्हणून असेल. कॉफी प्रमाणेच, चहाला पण सावली लागते.

-------------------------
झाली फुले कळ्यांची, झाडे भरास आली..

सकाळच्या अपुर्‍या उजेडात फोटो नीट नाही काढता आलेत.

आमच्याकडच्या गुलबक्षीचे अनोखे रंग, आज अगदी सक्काळी बाहेर पडलो होतो. कोमेजायच्या आत
फोटो काढायचे होते ना !

मला एक मदत हवी आहे..

मी मेथी लावते आहे गेले दोन आठवडे. एकदा वाळुत आणि एकदा मातीत लावली..

दोन्ही वेळी उगवली नाही..

बुरशी आली..काय कारण असेल्....छोट्या आइसक्रीमच्या डब्यात लावते..

मेथीदाणे जूने असतील किंवा ऊन कमी मिळाले असेल. (सध्या ढगाळ हवामान आहे का ?)
बाहेर दाणे पाण्यात भिजत घालून, मग पेरले तर उगवतील.

ढगाळ नाही अजुन तरी....मध्ये मध्ये ढग असतात.पाण्यात भिजत घालुन बघते...

देवा थोडे दिवस ढग नको.. माझा छुंदा उन खातोय :-)..
दिनेशदा..इथेच विचारते..जर उन नाही मिळालं तर नंतर छुंदा शिजवला तर चालतो का?

सध्या मोगर्‍याचा हंगाम (सुगंधाची लयलूट) चालू आहे - यावरुन एक गोष्ट आठवली की स्त्रिया जी सुगंधी फुले केसात माळतात त्यामुळे केसांचे एक प्रकारचे "पोषण" होते असे कुठेतरी वाचल्याचे आठवतंय..... कृपया जाणकारांनी प्रकाश टाकावा......

हो निकिता, अगदी मंद गॅसवर शिजवायचा.

शशांक, केसांना सुगंध लागतो एवढेच. पोषण नसेल होत !

सध्या मोगर्‍याचा हंगाम (सुगंधाची लयलूट) चालू आहे>>>>>येस्स शशांक अगदी हेच लिहायला आलो होतो. आमच्या घरातही (पुन्हा एकदा) मोगरा बहरला. गेल्या महिन्यातला बहर येऊन गेल्यावर मी फांद्या कापल्या होत्या त्या सगळ्या फांद्या आत्ता कळ्याफुलांनी पुन्हा बहरल्यात. त्याचप्रमाणे एका कुंडीत लावलेल्या लाल सदाफुलीच्या बिया दुसर्‍या कुंडीत पडुन तेथे आता ४-५ झाडे आली आहेत ती सगळी लाल फुलांनी डवरली आहेत. लाल-सफेद फुलांन मस्त वाटतंतय. मात्र जास्वंदीची किड अजुन पूर्णपणे गेली नाहीये.

नमस्कार मंडळी
इकडे नजर टाकणार का? धन्यवाद!
http://www.maayboli.com/node/35417

मोगर्‍याबद्दल जिप्सी आणि शशांक ला +१००
माझ्याही मोगर्‍याला बहार आला आहे. पण मला तो मदनबाण आहे की मोगरा याबद्दल शंका आहे.
कॅमेरा दुरुस्तीला गेलाय व नवीन सेलफोनातले फोटो कॉम्पवर कसे अपलोड करायचे अजून समजलेले नाही. (घोर अज्ञान!!!!!!!!!!!)
त्यामुळे खूप फोटो थटलेले आहेत.

दिनेश, किती सुंदर फोटो आहेत.

रुद्राक्षाची माहिती इथेही आहे - http://www.maayboli.com/node/2402

अगं निकिता
छुंद्याला एकदा मावेत उकळी काढ ना! मग लागलं तर ठेव परत उन्हात. हाकानाका!

माझ्याकडेही कतरी जास्वंद, लाल जास्वंद, मोगरा व्यवस्थित फुललाय.. एखाद्या दिवशी पाणी घातलं नाही तर दुसर्‍या सकाळी रुसुन कमी फुलतात...

maanuShI sadhyaatari un aahe. maave naahI. un nasalach tar shijavayachaa kat aahe ;-). kitI divas un dakhavaav laagata?

निकिता कडक उन्हात काचेच्या बरणीत तोंडाला दादरा(अर्थातच बरणीच्या!) बांधून ८/१० दिवसात व्हायला हवा छुंदा. चमचा फिरवून बघ. अगदी शिजवल्यासारखा घट्ट लागेल.

दिनेशदा मस्त छटा आहेत गुलबक्षीच्या!

दा -गुलबक्षीचे अनोखे रंग सुंदर तो फिकट गुलाबी खासच

साधनाताई - रुद्राक्षाच्या लिंक बद्द्ल धन्यवाद , मस्त माहीती.
जिप्सि - लाल सदाफुलीच्या बिया थोड्या माझ्यासाठी पण.
जास्वंदीची किड अजुन पूर्णपणे गेली नाहीये त्यावर काय उपचार केलेस ?

दिनेशदा या वरील गुलबक्षीच्या बीया आणाल का येताना? काय मस्त आहेत त्या शेडस.

जास्वंदीची किड अजुन पूर्णपणे गेली नाहीये >> तंबाखुचे पाणी मारलेस का?

त्या बीया मला पण. आमच्याकडच्या गुलाबी सोडल्या तर सदाफुलीच्या सगळ्या छटांच्या झाडांनी मान टाकली.

हो बघतो मोनाली,

खरं तर ती झाडे, रस्त्याच्या कडेला गटारात आहेत. खास करुन बागेत लावण्याइतके महत्व नाही तिला इथे.

म्हणून फुले हातात घेऊन फोटो काढले आहेत

ओहो. बघा जमले तरच आणा.