चारोळी स्पर्धा...मसाला मार के...

कोल्हापुरी मिसळ, तिला झणझणीत तडका
आणा रे खुर्ची, ए, चटकन मार की फडका
लालभडक तर्री, लिंबु, कोथिंबिर वर दोन पाव
दोन चमचे खातांनाच घाम फुटला की राव

सिनेमा मराठी अन चारोळ्या मराठी ,
स्पर्धेचे मात्र येथे हिंदितून नाव,
मिसळ धावून आली मसाल्यासाठी,
छायाचित्रातून झाला तडिपार पाव !

<<संपादित>>

आर्या, किती गोड. एक लाव. जल्दी से.

.

कालचा उरल्याला रस्सा उकळवला खदखदा
बंड्याला पिटाळले आणायला कोतमीर, लिंब नी कांदा,
शेजीबाईनं दिल्यालं मऊ फरसान घातलं वर
यान्ला दिली अशी मिसळ न आता मी खातुय ताजा करी-बैदा

म्हणायला काय सगळेच म्हणतात
घरच्या बायको पेक्षा शेजारीण बर्री...
खरच सांगतो माझ्यासाठी मात्र तू
झणझणीत मिसळीवरची रसदार तर्री...!

मसाल्याच्या घमघमाट
पसरला दिशा चारही
रस्सेदार मिसळची
करु चला न्याहारी

तिख्खटजाळ भुरका अन कानातून वाफा
पहिल्याच घासाला पाय झाडती लाफा
झणझणीत मसाला मग हा खावाच कशाला ?
एवढं नाय कळत, अहो डोकं थंड करायला !

मामे, मामांचं काही खरं दिसत नाही!

कोल्हापूरी मिसळीचा,
नाद नाही करायचा,
गूळ खोबरं वांगं घालून
'इस्कॉट' नाही करायचा!

आंघोळ करून लवकर लवकर,
गाठा आधी 'उद्यम नगर',
झाला जरका जराबी उशर,
बंदच बघताल दुकानाचं शटर

तिखटा मसाल्याची आशी झंझनीत तर्री,
मिसळीचा विषय कट, तर्री लै भार्री!
सोडाच राव आता ती 'पोह्यांची' 'न्याहरी' ,
'कोल्हापूरी मिसळीची' बात हाय न्यारी!

नादखुळा रे नादखुळा

ऋयामा.....
तरी पूणेरी मिसळ्ळच खरी

ओ मिसळ्ळ नाही हो. मिस्सळ.
मि-ही-स-स-ह-ळ मिस्सळ!
ही पुन्यामुम्बईआस्ट्रोलियाची लोकं म्हंजे.... चला! धा वेळा लिवा

उसळीवर शेव, शेवेवर चटणी
चटणी सोबत कोथिंबीर आणि लिंबाची फोड.....
चविष्ट मिसळ बनवणे एकदमच झाले सोप्पे
फक्त सोबत हवी प्रवीण मसाल्याचीच जोड.....
--------------------------------------------------
उसळ, शेव, लिंबू, कोथिंबीर अन चटणी
एवढे जिन्नस घातले पण काहीतरी आहे कमी
मसाला घाला टीचभर येईल बघा लज्जत
प्रवीण मसालेवाले देतात हमी.....
--------------------------------------------------
उसळीवर शेव, शेवेवर चटणी
चटणीवर कोथिंबीर आणि लिंबाची संगत
मिसळ झाली तयार पण ... धीर धरा थोडा
चटकदार मसाला घातल्याशिवाय येणार नाही रंगत

मामे, मामांचं काही खरं दिसत नाही!
>>>>> वत्सला ... नाय नाय गो. मी तेंची लै काळजी घेते. ह्ये आपलं असंच रटफट जुळवायला.

या स्पर्धेच्या विजेत्यास मिळतील 'मसाला चित्रपटाच्या मुंबईतल्या किंवा पुण्यातल्या खेळाची दोन तिकिटं.. >>> माध्यम प्रायोजक , ह्या स्पर्धेत अख्ख्या महाराष्ट्रातील मायबोलीकर भाग घेणार असतील तर तिकिटं फक्त मुंबई किंवा पुण्यापुरतेच मर्यादीत का ?

मिसळ पुणेरी, रेट वाजवी
त्यात मसाले, मोफ़त मिळतील
लिंबू आणि कोथोंबिरचे
पैसे;सुट्टे, जादा पडतील

मराठी माणसाची आवडती न्याहारी
प्रवीण मसाला वाढवी मिसळिची खुमारी
चवदार मिसळिला नाही गावाचे बंधन
कोल्हापुरी,पुणेरी आणा आता पटकन.

मिसळ मिसळ मी लय भारी, लाल तर्री, कट त्यावर
कांदा लसूण चटणी माह्यात, व्हते बघा मी चटकदार
पिवळं लिंबू फरसाण सोबत, कोथिंबीर कश्शी हिरवीगार
बगता काय हिकडं तिकडं, मारा आडवा हात मिसळीवर

आहा !! मामी,ऋयाम्,लाजो,कौतुक,... मस्त चटपटीत चारोळ्या..
लाजो मला आजच कळ्ळं तुझ्यात एक चारोळीत्री(कवियत्री सार्खच गं ) लप्लीये ती!!!!
नलिनी,प्राजक्ता,उमेश ..सह्हीये

झण्झणीत कांदालसूण मसाल्याचा तवंग लय भारी
ते 'बेडेकर'च्या मिसळीची चव नाही बरं का बरी
'चोरगे' 'खासबाग' नि 'फडतरे' ची तर्रीच हो खरी
कोल्हापूरचा नाद करायचा नाही या बाबतीत तरी!

बशीमध्ये दिसावा मस्त लालभडक तर्रीचा रंग
मटकीच्या उसळीत हवाच कोथिंबिरीचा तरंग
पहिल्याच घासात आठवावा मसाल्याचा फणका
उडवू एखाद्या रविवारी 'मिसळ गटग' चा दणका

मिसळीची प्लेट पाहिली की
आठवते कॉलेजचे कँटीन
डोळ्याच्या कडा पाणावल्या,
कांद्यामुळे की तुझ्या आठवणीने ?

प्लेटमध्ये ठेवलिय लालजर्द मिसळ भरुन!
पेरलीय त्यावर हिरवीगार कोथींबीर वरुन!
शेजारी रसदार पिवळेधमक लिंबु !
नुसते बघत बसत आता कसे थांबु ?

कांदापोहे, शिरा, बटाटावडा!
ईडली, डोसा, मेदुवडा!
चि़जब्रेड, कटलेट, ब्रेड उसळ!
कुठे हे आणी कुठे......मिसळ!

चमचमीत कर म्हणून रावांचा आग्रह भारी,
इतक्या लवकर कशी होईल मिसळीची तयारी?
...मसाल्याने केला कट ,
तयार झाली कोल्हापुरी मिसळ झटपट.

(इदर्भातल्या) लोकांयले मालुम नाही मिसळीची भाजी,
फोटू पाहून इच्यारते, 'साजरं दिस्ते नं जी?'
'अबे, याच्यामंदी हाए मटक्या आनं करी'
'र्‍हाऊ दे बापा, सावजीची मटणतर्री बरी'

पुणेरी मिसळीची तर्‍हाच न्यारी!
दिसते लालभडक, पण गोडिला भारी!!
त्यावर सजवली कोथींबीर दोन पाने, लिंबु चतकर!
पाव फुकट कसे विचारता राव, आम्हि तर पुणेकर!!

फरसाण आली तळून, मटकी नटून शिजून
लाल काटाआडून बघतेय , डाळ डोळे भरून
ओवाळायला सर्वस्व, लिंबु बसलंय टपून
जराही न चिडून , कोथींबिर घेतेय चिरून .