उंच माझा झोका

श्रीजंची कादंबरी अतिरंजित काहीशी असे नाही वाटत?>>>

आहेना!! म्हणुन तर मी अंजली किर्तन्यांच्या पुस्तकाचा उल्लेख केला. ते अगदी वाचलच पाहिजे कॅटेगरीत आहे. श्रीजंची शेवटी कादंबरी आहे. किर्तनेंचा हा प्रबंध कम चरित्र आहे.

रैना, स्मृतिचित्रेत वृद्ध लक्ष्मीबाईंची भूमिका स्वतः विजयाबाईंनीच केली होती.

नीरजाला अनुमोदन. डेली सोपच्या सेटवर दिवसाला वीस वीस सीन सलग शूट केले आहेत आम्ही.

धाग्यावरिल विषयापेक्षा अवांतर-

रैना,
शाळा कॉलेजटाइम्स मध्ये जितके वेळेस वाचली छानच वाटली- शाळेत असताना वाचली तेव्हा लहानग्या यमूवर जीव जडला, कॉलेजात वाचताना- आनंदीचे जगणे, गोपाळांचे वागणे आणि तिचा मृत्यू डोक्यात घोळत असे.

खरं-तर गेल्या काही वर्षांत वाचली नाही आहे ती, वयानुसार ह्या सगळ्या साहित्यकृतीचे संदर्भही बदलत असावेत बहुधा, एकदा वाचून मग कमेंट करेन

आता सिरिअल बद्दल-
सध्या जी लहानगी दाखवत आहेत, ती ही बदलेलच की लवकर ना? संपूर्ण जीवनपट दाखवणार असतील म्हणून म्हणातीये

डेलि सोपवाले त्याच्या आठपट काम एका दिवसात उडवतात >> पण सेट, कपडे एकदा डिझाईन केले की परत परत वापरता येत असतील ना? मग एकदा थोडे कष्ट घ्यायला काय हरकत आहे? तपशीलांसाठी लागणारे डोके वापरणारे लोक इतके प्रचंड महाग असतात का?

कारणे क्रमांक २ आणि ४ जास्त पटताहेत.

तपशीलांसाठी लागणारे डोके वापरणारे लोक इतके प्रचंड महाग असतात का? <<<

बाप रे

नको तितके भारी कपडे, चकाचक सेट अशा अनावश्यक बाबींवरचा खर्च निर्मात्याने / दिग्दर्शकाने कमी करून या कलाकारांना ते पैसे दिले तर खूप चांगले काम होइल त्यांच्याकडून आणि मालिकाही बर्‍याचशा वास्तव दिसतील - त्यातल्या वातावरण निर्मिती बाबत तरी.

नी मला पडलेला एक प्रश्ण आहे. एवढे सगळे कपडे टिव्ही सिरीयल / फिल्म मध्ये वापरतात. वापरल्या नंतर करतात तरी त्याच करतात तरी काय?

माधव, बरंच काय काय केलं तर बरंच काही होऊ शकेल. पण अ‍ॅटिट्यूडचं काय करायचं हो? असो..
फारच विषयांतर झालं.
रिमा मी कुठेतरी तपशीलात लिहिलंय हे. लिंक देईन सापडली की विपुमधे.

एवढे सगळे कपडे टिव्ही सिरीयल / फिल्म मध्ये वापरतात. वापरल्या नंतर करतात तरी त्याच करतात तरी काय?>>>>>

साड्या फॉल बीडींग न करता वापरतात. त्या मुळे परत त्या विकता येतात, किंवा इतर कुठल्या सीरीयल साठी वापरता येतात. माझ्या कलीग च्या बहिणी कडे एका हिंदी सीरीयल चे ब्लाउज शिवायला येतात. आत मध्ये खुप मार्जीन ठेवुन शीवतात. म्हणजे नंतर वापरताना कोणालाही फिट होवु शकतात. अगदी अम्रुता सुभाष ते रोहिणी हट्टंगडी.....

मराठीत पाहिलत तर तीन चार रंगाचे ब्लाउज शीवुन मग त्याला मॅचींग मिक्स अ‍ॅन्ड मॅच करायचं.....आहे काय नी नाही काय.....

आजकाल हे स्टेज शो पण खुप होतात. बहुतेक वेळा चमक दमक चे कपडे असतात, शीवाय डांस चे अगणित कार्येक्रम्.....किती हा अपव्यय!!!

परवाच एका शाळेच्या वार्षिक कार्येक्रमाला गेले होते. नीदान ६०० मुलांना घेवुन ३-४ नाटके-म्युझीकल्स बसवली होती. सगळे राजा,राणी, चीनी कपडे, अरेबीयन नाईट्स सारखे कपडे.... ज्यांचा नंतर काहीही उपयोग नाही. एक ड्रेस नीदान १५०० रुपयाचा कारण चांगलं सॅटीन, व्हेलवेट वापरलेलं... म्हणजेच ९ लाख रुपये फुकट गेले एका क्षणा साठी. कारण प्रत्येक मुल फक्त २ किंवा ३ मिनीटे स्टेजवर दिसत होत. शाळा श्रीमंत होती. म्हणुन काय झालं. पण तरी देखील हा जो टीव्ही च्या चमक दमक चा अट्टाहास आहे तो आता सर्व सामान्यां पर्यंत झीरपला आहे.

आजकाल लग्नातही त्याच चमक दमक साड्या दिसतात. झीरझीरीत पदर त्याला मोठ्ठे मोठ्ठे ब्रोकेड, नाहीतर हे येवढे अ‍ॅप्लिक लावलेले. तेच सगळी कडे..... डोळ्यांना त्रास होतो.

हो हो आज रानडेंची एंट्री झाली. हा बघ नवरामुलगा असे मुलीस सांगितल्यावर ती ( लॅप्टॉप वर आणि हेडफोन्स लावून ९०२१० चा दुसरा सीझन बघत होती) म्हणे, " सर्व कोकणस्थ लोकांचे डोळे लाइट असतात का माझ्यासारखेच? " मेजॉरिटी लोकांचे असतात. असे उत्तर देण्या पलिकडे पर्याय नव्हता.
यमू ची मावशी पण फार गोड दिसते. ती तारका पण ओळखीची वाटते. रानडे गोड दिसले पण इतका
कडक इस्त्रीचे उपरणे? मी एकदा ओढणी तशी घेउन बघणार आहे.

यमू " माझी आई म्हण्ते... अशी सुरुवात करून काहीतरी सुभाषित टाइप बोलते. ह्या बाळाला त्या वाक्याचा अर्थ कळत तरी असेल का अशीच शंका येते. ही मालिका बघून बालविवाह अतिशय टू़कार पद्धत आहे असे मत घरी तयार झाले आहे.

यमूच्या माहेरी एक थोरला भाऊ आहे का? आज त्याला तुम्ही तुमचे बघितलेत तर बरे अशी तंबी मिळाली तो? कोण आहे तो कथानकात?

कविता लाड परवा ब्लू साडी व हलका ब्लू आयलायनर.( हे उगीच खुसपट काढायचे म्हणून. )

अमा, यमूची मावशी शिल्पा तुळसकर.
यमूच्या वडिलांच्या भूमिकेतील शैलेश दातार आमच्या कॉलेजात (४ वर्षे सिनियर) होता.

आजच्या लोकसत्ता चतुरंगमधून, रमाबाई रानडे यांच्यावरील लेख

मालिकेची जाहिरात असली, तरी रमाबाईंवरील माहिती मिळते.

सुंदर आहे मालिका
सध्या आवड्त्या मालिकांपैकी एक. रमाबाई उद्धट वा आगाऊ का वाटावी कुणाला?? मालिकेच्या जाहिरातीमध्येच तिची निरागसता दिसून येते, ती जे काही वागते/बोलते ते तिच्या वयास अनुरूप आहे असे वाटते. मिळालेला प्रसाद एकटीने न खाता सर्वांना वाटून खावा, आईने सांगितल्याप्रमाणे संस्कारांची जाण ठेवून वागणारी यमी मलातरी आगाऊ वाटत नै .या मालिकेत वापरलेली भाषा, हे मराठी भाषेचे शुद्ध स्वरूप असल्याचे दिसून येते.

यमूच्या माहेरी एक थोरला भाऊ आहे का? आज त्याला तुम्ही तुमचे बघितलेत तर बरे अशी तंबी मिळाली तो? कोण आहे तो कथानकात?>>>>

यमुला एक मोठा सावत्र भाऊ दाखवला आहे. त्याची बायको तिचा राग राग करताना दाखवली आहे.

मयेकर, सुरेख आहे तो लेख. दुवा दिल्याबद्दल धन्यवाद.

सानी सर्वप्रथम मी तुझे शतशः आभार मानते, कारण तू जर ह्या मालिकेविषयी लिहिले नसतेस, तर मी एका चांगल्या मालिकेला मुकले असते. कारण सध्या मी एकही सिरियल पाहात नाही. (सा.बा. ना दुसरा टी.व्ही. घेऊन दिलाय. त्यामुळे त्यांचा अखंड चालू असतो. जाता- येता ते रटाळ डायलॉग कानावर पडून कंटाळा येतो. ) . परवा तुझा हा लेख वाचून तुला प्रतिसाद देण्याआधि मी सर्व भाग यु.ट्युब. वर पाहून घेतले, आणि आता रोज टि.व्ही. वर बघते.
खूप छान मालिका आहे. वातावरण निर्मिती सुंदर आहे. पण ........... भिती एकच वाटते, काही भाग झाल्यानंतर ह्या चांगल्या मालिकासुद्धा परत मुळपदावर येतात, तसे होउ नये.

सुरेख लेख आहे अगदी... भरत मयेकर, लिंक दिल्याबद्दल खूप खूप आभार

मयेकर, आत्ताच लेख वाचून काढला. छान आहे लेख, लिंक दिल्याबद्द्ल धन्यवाद.

मयेकर, सुरेख आहे लेख
मलापण आवडते ही मालिका ..
यमु चं काम करणारी ती छोटी मुलगी तेजश्री वालावलकर सध्या पुण्याच्या हुजुरपागेत पाचवी मध्ये शिकत आहे .

झी मराठीवर एका वेळी एकच दर्जेदार मालिका का येते? >>>

सध्या २ आहेत. उं.मा.झो. आणि ए.ल.दु.गो.

गोड आहेत रानडे.

हिंदी मालिकांच्या मानाने आपल्या मराठी मालिकातले प्रसंग खरेच हृदयस्पर्शी असतात. त्यामानाने उत्तरेकडील मालिकांमध्ये फार बट्बटीत पणा असतो. मराठी आहोत ते किती छान असेच वाट्ते मजला.

मयेकर, लेखाच्या दुव्याबद्दल धन्यवाद!

मयेकरजी,
लोकसत्तातील एका माहितीपूर्ण लेखाची लिंक दिल्याबद्दल धन्यवाद!

मयेकर, धन्यवाद लिंकबद्दल!!!

>> त्यामानाने उत्तरेकडील मालिकांमध्ये फार बट्बटीत पणा असतो. मराठी आहोत ते किती छान असेच वाट्ते मजला.
खरंच आहे