घन भरुन येती....

Submitted by पल्ली on 20 December, 2011 - 00:12

Ghan bharun yeti....jpg

देवकी पंडीत ह्यांच्या सुरेल आवाजात माझ्या आठ गाण्यांचे रेकॉर्डींग मुंबईला 'स्वरलता' स्टुडीओ मध्ये झाले. गाण्यांना संगित दिले आहे नरेंद्र देशपांडे ह्यांनी. आणि संगित संयोजन आहे शैलेश दाणी ह्यांचे. फाऊंटन म्युझिक कंपनीने मार्केटिंगसाठी कौल दिला आणि आता योग्य वेळ पाहून ते सि.डी. प्रकाशित करतील.
तसं माझ्या गाण्यांबद्दल किंवा सिडीबद्दल सांगण्यासारखं माझ्याकडे फारसं काहीच नाही. बहारीनला असताना पाऊस खूप मिसला होता, तेव्हा जे काही खरडलं त्याला नरेंद्रनं सुंदर चाली लावल्या आणि देवकी ताईनी अक्षरशः त्या गाण्यांचं सोनं केलं. प्रत्येक कविता लिहिल्यावर अर्थातच माझा प्रथम श्रोता म्हणजे माझा नवरा. तो प्रत्येक वेळी काही सुधारणा, टीका किंवा कौतुक असं काही ना काही प्रांजळपणे द्यायचा. (न देऊन सांगतो कुणाला! Proud ) गाणी झाल्यानंतर त्याची आणि देवकी ताईंची प्रतिक्रिया अशीच होती कि व्याकरणात घट्ट न बसता ही गाणी - हे शब्द सहज आहेत. जी अगदी साध्या माणसालाही भावतील. हेच ह्या शब्दांचं वैशिष्ठ्य आहे. ठरवून काहीच केलं नाही. बस्स. घडत गेलं. आतापर्यंत स्वामींनी साथ दिलीय. पुढेही त्यांची कृपा राहो आणि तुम्हा सर्वांना ही सिडी आवडो ही श्रीचरणी प्रार्थना. शुभम भवतु |

--------
--------
DSC00626.JPG
--------
--------
DSC00625.JPG

विषय: 
काव्यलेखन
संगीत
Groups audience: 
कलाकार मायबोलीकर
Group content visibility: 
Public - accessible to all site users
शेअर करा

हार्दिक अभिनंदन....... - नक्कीच ऐकणार ही गाणी.
भविष्यात तुझ्या गाण्यांचे असेच उत्तमोत्तम अल्बम येवोत ही सदिच्छा.

Submitted by पुरंदरे शशांक on 20 December, 2011 - 01:16

पल्लीजी, फार पुढचा पल्ला गांठायची ताकद आहेच तुमच्या शब्दसंपदेत !!! मनःपूर्वक अभिनंदन व शुभेच्छा.

Submitted by भाऊ नमसकर on 31 December, 2011 - 09:08

पल्ली, मनःपुर्वक अभिनंदन आणि शुभेच्छा!

रच्याकने, कालच तुझी आठवण झाली होती. खुप दिवसांत माबोवर दिसली नाहीस म्हणुन आणि आज तुझा हा बाफ आला! खुपच छान वाटलं वाचुन!

Submitted by वत्सला on 4 January, 2012 - 07:20

पल्ले..........खूप छान वाटलं गं......... !! हार्दिक शुभेच्छा !!
भारतात आले की नक्की घेईन तुझा हा अल्बम Happy

Submitted by जयवी -जयश्री अंबासकर on 4 January, 2012 - 12:00

Pages