निसर्गाच्या गप्पा (भाग ४)

या नवीन धाग्यावर काय लिहावे असा विचार येताक्षणीच पहिली आठवण झाली ती कै. डॉ. शरदिनी डहाणूकरांची. त्यांचे "वृक्षगान" हे पुस्तक बहुतेकांनी वाचले असेलच. झाडे - फुले - पाने याविषयी इतक्या आपुलकीने त्यांनी लिहिले आहे की संवेदनाशील व्यक्तीचे डोळे पाणावतातच.
या अप्रतिम पुस्तकाला प्रस्तावनाही "पु. ल." सारख्या दिग्गजाची - किती वाचनीय असेल हे सांगणे नकोच.
अशीच पुढे ओळख करुन घेऊ आपल्या माहितीतील इतरही अशाच अनेक "जाणकार", "अभ्यासू", "विद्वान" पण मुळात निसर्गप्रेमानी भरुन राहिलेल्या दिग्गजांची. दिनेशदा स्वतः डॉ. डहाणूकरांच्या संपर्कात होते - त्यांच्याकडूनही काही ऐकायला /वाचायला नक्कीच मिळेल.
ज्यांना या मंडळीविषयी अजून काही लिहावयाचे असल्यास कृपया येथे लिहावे अशी नम्र विनंती.
सर्वांचे हार्दिक अभिनंदन.....

सर्व निसर्गप्रेमींचे अभिनंदन!!!!!

या अप्रतिम पुस्तकाला प्रस्तावनीही "पु. ल." सारख्या दिग्गजाची>>>>>शशांकजी, जर शक्य असेल तर ती प्रस्तावना इथे लिहा ना.

सर्व निसर्गप्रेमींचे हा धागा प्रवाही ठेवल्याबद्द्ल अभिनंदन................
जागू,गुलबक्षीच्या फुलांचा फोटो सुंदर,विशेषतः रंग फार सुंदर आहे.
जिप्सी, ती प्रस्तावना खूप मोठी आहे. पण खूपच वाचनीय आहे.

जिप्सी, ती प्रस्तावना खूप मोठी आहे. पण खूपच वाचनीय आहे.>>>>हे हि पुस्तक घ्यावेच लागेल आता. या दिवाळीत हि सगळी पुस्तके घेऊन स्वत:लाच भेट द्यायचे ठरवले आहे.

सर्व निसर्गप्रेमींचे अभिनंदन!!!!!

शशांक, वृक्षगान पुण्यात कोठे मिळेल?

वृक्षगान हे श्रीविद्या प्रकाशनचे पुस्तक असून पुण्यात अप्पा बळवंत चौकात अनेक पुस्तक दुकाने आहेत तिथे मिळेल. हे पुस्तक निसर्गप्रेमींकरता खरंच संग्राह्य आहे.

जागू वाढदिवसाच्या उशीराने शुभेच्छा!

माधव, मस्तंय बुके

जिप्स्या, पुस्तक शोधायला जाणार असशील तर इगळ्हळ्ळीकरांचे 'flowers of sahyadri' (दोन्ही भाग) दिसल्यास मला लगेच कळव.

आज आमच्याकडे केनया ऑर्किड सोसायटीचे प्रदर्शन आहे.
बघतो मला जरा बरे फोटो काढता आले तर.
जिप्स्या, माधव ती दोन्ही पुस्तके दादरच्या मॅजेस्टीक मधे मिळतील.
इंगळहाळीकरांचा फ़ोन नंबर ९१२०२४३५०७६५ असा आहे. त्यांचे इतर
लेखनही संग्रहीत झालेय का ते माहित नाही. (बहर नावाचे एक त्याआधीचे
पुस्तक आहे.)

माधव, नक्कीच

धन्स, दिनेशदा

केशर (जाफरान,Safron) च्या फुलां बाबत कुणाला माहीती आहे का..?

या दिवाळीत हि सगळी पुस्तके घेऊन स्वत:लाच भेट द्यायचे ठरवले आहे.>>>>>>:हाहा:
माधव, बुके मस्तच............ जागुतै बघताय ना?...............

जिप्सी,
एक होता कार्व्हर घेतलं का? वाचलं का?
सगळ्यांच अभिनंदन

वा.. जागु मस्त आहे गं फोटो...

हा धागा खुप छान आहे. मी कितीही घाईत असले तरी इथे डोकावुन जातेच.

जागु, मलाही अ‍ॅड कर वरच्या लिस्टमधे. इथे जास्त लिहित नसले तरी इथली प्रत्येक पोस्ट वाचते गं मी.

अरे व्वा. ४ थ्या, भागाबद्दल सर्व मित्र-मैत्रीणिंचे हार्दिक स्वागत.
जागू, हे हार आपल्या ४ ही भागासाठी.

व्वा शोभा! एकदम मस्त हार आहेत.

चातक,
केशराची फुले जांभळी असतात आत तीन पूकेसर असतात तेच केशर.
स्पेन,ईरान, काश्मिर आदी काही भागातच होते ते. न्यू झीलंडमधे मी
झाड बघितले पण त्याला फुले नव्हती.
आपल्याकडे ते याच महिन्यात फुलते. पण त्याची लागवड जिकिरीची
असते, कारण लागवडीपुर्वी जमीन काही वर्षे पडीक ठेवावी लागते.
केशरात हल्ली फार भेसळ असते. (प्राजक्ताच्या फुलांचे देठही असतात
पण ते तितकेसे धोकादायक नाहीत कारण दोन्हीतले रंगद्रव्य एकाच
जातीचे असते. फक्त सुगंध नसतो.)
खरे केशर फार चिवट असते. ते सहसा ओढून तूटत नाही. ते पाण्यात,
दूधात किंवा लिंबाच्या रसात घालून खलावेच लागते.

शोभा१२३ - ४थ्या भागाकरताचे हार मस्तच....
निसर्गप्रेमींकरता पुस्तके - बहुतेकांना माहिती असतीलच अर्थात....
१] आपले वृक्ष - श्री. श्री. द. महाजन
२] निसर्गपूर्ण - ऊर्जा प्रकाशन
३] पुण्याचे पक्षीवैभव - श्री. प्रभाकर कुकडोलकर
४] आसमंत - श्री. श्रीकांत इंगळहळीकर
५] फ्लॉवर्स ऑफ सह्याद्री - श्री. श्रीकांत इंगळहळीकर
६] फर्दर फ्लॉवर्स ऑफ सह्याद्री - श्री. श्रीकांत इंगळहळीकर
७] ट्रीज ऑफ पुणे - श्री. श्रीकांत इंगळहळीकर
८] हिरवाई - डॉ. श. डहाणूकर
९] फुलवा - डॉ. श. डहाणूकर
१०] श्री. मारुती चितमपल्लींची सर्व पुस्तके
११] पुष्पपठार कास - डॉ. संदीप श्रोत्री
१२] देशी वृक्ष - श्री. श्री. द. महाजन
अजून कोणाला काही माहिती असल्यास एकमेकांना जरुर देत राहू.

शोभा,
माझ्याकडे पण हि ओरिजीनल फुले आहेत बरं का.

शशांक, डॉ. राणी बंग यांचे गोईण आणि दुर्गा भागवत यांचे कदंब पण.
वनस्पतीबाड नावाचे एक पुस्तक माझ्याकडे आहे. त्याचे लेखक पालघर
भागातले एक वैद्य आहेत. छान आहे तेही.
महाराष्ट्र सरकारचा पण एक ग्रंथ आहे, पण तो आता मिळत नाही.
चितमपल्लींची तर आहेतच.

शशांक पुरंदरे,
इथे वन्यजीवांवरील पुस्तके आहेत. असाच निसर्गावरील पुस्तके धागा काढायचा का? तीथे ही लिस्ट द्याल का? पुढे मागे शोधायला सोपे पडेल.
http://www.maayboli.com/node/14167

या दिवाळीत हि सगळी पुस्तके घेऊन स्वत:लाच भेट द्यायचे ठरवले आहे. >>>जिप्स्या, मला दिली तरी चालतील रे
माझ्याकडे पण हि ओरिजीनल फुले आहेत बरं का.>>>>काय म्हणता? खरंच?

आईने त्याचे तोरण केले होते.>>>जागू फोटो देतेस का?

साधनासाठी खास औषधे..आजच्या वेबदुनिया.कॉम मधून..

अगस्त्यच्या बियांची पूड तीन ग्रॅम ते दहा ग्रॅमपर्यंत गायीच्या धरोष्ण २५० ग्रॅम दुधसोबत सकाळ-संध्याकाळ काही दिवसांपर्यंत घेतल्याने स्मरण शक्तीत वाढ होते.

अशोकचे साल, ब्राह्मी पूड समप्रमाणात एकत्रा करून एक-एक चमचा सकाळ-संध्याकाळ एक कप दुधबरोबर नियमितपणे काही महिने घेतल्याने बुद्धीत वाढ होते.

शंखपुष्पीची ३-६ ग्रॅम पूड मधात घालून चाटावी आणि वरून दूध प्यावे. याच्या सेवनाने बुद्धीचे योग्य विकास होते.

३-६ ग्रॅम शंखपुष्पी पूड साखर आणि दुधबरोबर नेहमी सकाळी घेतल्याने स्मरण शक्ती वाढते.

शंखपुष्पी २-४ ग्रॅम आणि वचा १ ग्रॅम पूड मुलांना दिल्याने खूपच बुद्धिमान आणि शहाणे होतात.

सकाळी शंखपुष्पीचे थोडे पाणी घालून रस काढता येते शुद्ध रस १०-२० मिलीग्रॅम किंवा २-४ ग्रॅम पूड मध, तूप आणि साखरेबरोबर सहा महिन्यांपर्यंत सेवन करीत राहिल्याने स्मरणशक्ती आणि बुद्धीत वाढ होते.

दूध,तूप किंवा पाण्यासोबत वचाच्या खोडीची पूड २५० मिलीग्रॅमच्या प्रमाणात दिवसातून दोन-तीन वेळा एका वर्षापर्यंत किंवा किमान एक महिन्यापर्यंत घेतल्याने स्मरणशक्तीत वाढ होते.

१० ग्रॅम वचा पूड २५० ग्रॅम खांडसरीसोबत पाक करून रोज १० ग्रॅम सकाळ-संध्याकाळ खाण्याने विसरण्याची सवय दूर होते