आठवण

Posted
13 वर्ष ago
शेवटचा प्रतिसाद
13 वर्ष ago
22

एका आळसटलेल्या दुपारी..
माळ्यावरून आठवणींचं एक बोचकं खाली काढताना,
ठसक्यांवर ठसके यायला लागलेत.
आणि डोळ्यातलं पाणी आवरता आवरत नाहीये.
तो खाली उभा राहून माझ्याकडे पाहतोय..
अनिमिष नजरेनं..
मी शिडीच्या वरच्या पायरीवर.
आणि " अरे मला धुळीची अ‍ॅलर्जी आहे." मी त्याला सांगायचा प्रयत्न करतेय.
ही एक आठवण..
तिला त्या बोचक्यात कोंबून मी ते पुन्हा माळ्यावर ढकलते.
इतकंच..

विषय: 
अवांतर
प्रकार: 
कविता
शब्दखुणा: 
संघमित्रा
शेअर करा

नेहमीप्रमाणे काहीतरी सुचलं की मी पळत मायबोली गाठते. मग थोडं फार कॅचप.
तुम्ही वाचलंत आणि आवडलं किंवा नाही हे सांगितलंत की फार छान वाटतं.
वाचल्याबद्दल धन्यवाद.
किरण्यके, साती, तुम्हाला स्पष्ट नाही झालं म्हणजे गंडलं काहीतरी. Sad
साजिर्‍या, हसण्याचा अर्थ.. वा च ली. असा घेऊ का? असं नुसतं हसून साजिरं करायचं म्हणजे काय.. Happy

Submitted by संघमित्रा on 30 May, 2011 - 23:18

संघमित्रा...
मला आवडली कविता...
आठवणींमुळे डोळ्यात आलेलं पाणी अ‍ॅलर्जीच्या नावाखाली लपवायचा प्रयत्न... छान वाटला.... Happy

Submitted by दक्षिणा on 31 May, 2011 - 00:04

वा वा!! Happy
बर्‍याच दिवसांनी वाचलं तुमचं लेखन!!

btw,
किती चंद्रस्नाने तुझ्या सोबतीने
फुकाचे बहाणे उजेडात होते
हा तुमचा शेर आठवला! आणि 'मजा कोहरे के पर्दे मे है' तर काय भारीच होतं!! Happy

Submitted by आनंदयात्री on 1 June, 2011 - 00:32

>> पराग, हो रे. लिहायला हवं.
<< मग कशात अडतयं? लिही ना प्लीज.

आणि डोळ्यातलं पाणी आवरता आवरत नाहीये.
तो खाली उभा राहून माझ्याकडे पाहतोय..
अनिमिष नजरेनं..
Happy

Submitted by जाईजुई on 20 August, 2011 - 06:51