दु:ख आता फार झाले-तरही

Submitted by रामकुमार on 4 February, 2011 - 15:13

कालच पहिल्यांदा मायबोली संकेतस्थळाला भेट दिली तेंव्हा-
'दु:ख आता फार झाले-तरही' बद्द्ल वाचण्यात आले.
आज सकाळी तरही गझल लिहिली,
आणि आत्ता पोस्ट करीत आहे,
उशीर तर झालाच आहे.
क्षमस्व!
------------------------------------------------------------------------------------

श्वासही दुश्वार झाले
दु:ख आता फार झाले!----१

वादळे बंदिस्त चित्ती
सांगणे अनिवार झाले!----२

वाहिल्या इच्छा विषारी
डोह उरिचे गार झाले!----३

दग्ध चिंतांनी गुलाबी
रक्त काळेशार झाले!----४

सूर्य ग्रहणाने बुडाला
प्राक्तनाचे वार झाले!----५

उमजलो अस्तित्वदंशा
हृदय हे हळुवार झाले!----६

आवरी तृष्णा जराशा
अपूर्णांचे भार झाले!----७

मित्र पण पूर्वाश्रमीचे
का बहीरे ठार झाले?----८

-रामकुमार.

गुलमोहर: 
मराठी गझल
शब्दखुणा: 
तरही गझल
दु:ख आता फार झाले
सारंग_रामकुमार
शेअर करा

राजकुमारजी,
स्वागत तुमचं या संकेत स्थळावर. गजल फार छान जमलिय. सर्वच शेर मस्त. अभिनंदन. असाच प्रवाह वाहो.

Submitted by निशिकांत on 4 February, 2011 - 20:49

स्वागत रामकुमारजी आपले.

छान जमलीय गझल..

तिसर्‍या शेरात थोडा बदल केल्यास वाचणे सुलभ होईल. Happy

आपल्या शेरात नवीन संकल्पना आहेत.

पुलेशु.

Submitted by डॉ.कैलास गायकवाड on 4 February, 2011 - 22:32

सूर्य ग्रहणाने बुडाला
प्राक्तनाचे वार झाले!
वा!!!

Submitted by आनंदयात्री on 4 February, 2011 - 22:49

सर्वांचे आभार!
मुकु,दुश्वारच म्हणायचे होते.
हिन्दी-जिंदगी दुश्वार हो गई/कठीण,मुश्कील.
निशिकांतजी, धन्यवाद! संकेतस्थळ सुचवल्याबद्दल.
रामपुत्र म्हणून रामकुमार.(राजकुमार नाही.)
कैलासजी, बेफिकिर(जी लिहिणे मुद्दाम टाळतोय),
सहमत.मात्रावृत्तात होऊन चाललीय त्यामुळे.
धन्यवाद!
रामकुमार.

Submitted by रामकुमार on 5 February, 2011 - 11:43

छानच!!

Submitted by विजय दिनकर पाटील on 5 February, 2011 - 22:39