Submitted by तुष्कीनागपुरी on 31 January, 2011 - 10:14
तुझे डोळे
वेडावुन जाती तुझे डोळे
तुझे डोळे
मन जड झाले
भांबावुन गेले
विरहात माझे
रंग हरवले
सप्तरंगी तेव्हा
स्मरणांच्या भेटी
रंगवुनी देती तुझे डोळे
सुगंधात न्हाते
मोहरून येते
पाहताना माझे
भान हरपते
पापणीच्या आड
प्रेम साठवती
सखे माझ्या साठी तुझे डोळे
स्वप्न जगण्याचे
उंच उडण्याचे
तुझ्यामुळे सारे
क्षण स्वर्ग माझे
आशेची किनार
समृद्धिची ओटी
चैतन्याच्या ज्योती तुझे डोळे
तुषार जोशी, नागपूर
गुलमोहर:
शेअर करा
आशेची किनार समृद्धिची
आशेची किनार
समृद्धिची ओटी
चैतन्याच्या ज्योती तुझे डोळे
- छान.
आशेची किनार समृद्धिची
आशेची किनार
समृद्धिची ओटी
चैतन्याच्या ज्योती तुझे डोळे>>हे आवडलं