एवढ्यासाठीच...
Submitted by अ. अ. जोशी on 14 January, 2012 - 21:29
एवढ्यासाठीच तुझे मी गंठण नाही
की तुझा आहे पण कुठले आंदण नाही
चार कोसांवरती आहे घरटे अपुले
एवढेही जवळ आपल्या आपण नाही
वेगळी झालीस कशाला कळले नाही
हे खरे की, प्रगतीला मी कारण नाही
सोडले, धरलेस कधी, मी निघून गेलो
खेळण्यासाठी मी कुठली गोफण नाही
तू कुणाला वगळावे हा तुझाच निर्णय
ए! तुझ्या यादीत कुठेही मीपण नाही
मी कशाला दरवाज्यावर गुंतुन राहू
मी तुझा गुरखा नाही की तोरण नाही
गुलमोहर:
शब्दखुणा:
शेअर करा
