चांदोबाची गमाडी - गम्मत !
Submitted by पुरंदरे शशांक on 25 February, 2011 - 11:49
चांदोबाची गमाडी - गम्मत !
चांदोमामा गोलम गोल
गोल गोल ढोल मटोल
केला आईकडे हट्ट खूप
कमी झाले साखरतूप
साखरतूप कमी झाले
चांदोबा बिचारे रडू लागले
रडता रडता मुळुमुळु
चांदोबा वाळले हळुहळु
रुसुन चांदोबा दडून बसले
कोणालाही नाही दिसले
आईने पुन्हा देता खाऊ
चांदोबा हसून लागले डोकाउ
हसतात कसे ओठातून
चंद्रकोर दिसते उठून !
गुलमोहर:
शब्दखुणा:
शेअर करा