कवडी

दिवस मावळायला लागला तशी छातीत धड्धड सुरू झाली. आजकाल रोजच असं व्हायला लागलं. मन काही ताळ्यावर राहत नाही. मधेच छातीत कळ मारल्यासारखं व्हायचं. सगळ्या अंगातून एक शिरशिरी उठून जायची. बाहेर अंधार वाढू लागला तसं मन उदास होऊ लागलं. ठकीचं आई , भूक लागली, भूक लागली असं गाणं सुरु झालं. स्वयंपाक होत आला होता.

तसं म्हटलं तर आमचा राजा राणीचा संसार. ठकी, मी आणि हे. ठकीनंतर आमच्या घरात पाळणा हलला नव्हता.