आसवे : शब्दखूण

आसवे

Submitted by विनायक उजळंबे on 10 November, 2012 - 05:29

जाळते हुंकार झाली आसवे ..
जाळण्या तैयार झाली आसवे ..

हासण्या सोकावली कैफात ती ..
पापण्यांना भार झाली आसवे..

वाटले राहीन शृंगारा विना ..
मोजका शृंगार झाली आसवे ..

राहता ती याद थोडी वेदना ..
मोजताना फार झाली आसवे ..

लाजता काव्यास माझ्या हासता ..
गाजता चीत्कार झाली आसवे ..

योजनेला अंत येऊ पाहता ..
शेवटी आभार झाली आसवे ..

विषय:

शब्दखुणा:

Submitted by तुष्कीनागपुरी on 24 January, 2011 - 12:26

फार झाली फार झाली आसवे
पापण्यांना भार झाली आसवे

गाव हा ओसाड का झाला असा?
याच जागी ठार झाली आसवे

राख केले वेदनेला जाळुनी
पेटता अंगार झाली आसवे

भोग होते आर्जवी पाशातले
भोगता गर्भार झाली आसवे

दुःख त्यांचे पाहताना लाजली
गोठली, बेकार झाली आसवे

तुषार जोशी, नागपूर
१० नोव्हेंबर २०१०, २२:३०

गुलमोहर:

शब्दखुणा:

शेअर करा