आर या पार

सोनाली आज ऑफिसच्या कामाकडे लक्ष देण्यासाठी स्वतःशीच झगडत होती. कालच्या सुबिरशी झालेल्या भांडणाचे विचार काही केल्या तिच्या डोक्यातून जाताच नव्हते. तसं म्हटलं तर त्या दोघांमध्ये भांडण असं नव्हतच मूळी. कालच‍ं भांडणही तसं मूकंच होतं. जो काही झगडा होता तो तिच्या मनातच होता. नेहमीप्रमाणे तिने कालही मोकळेपणाने बोलायचा विचार केला होता पण वादविवाद टाळणारा सुबीर नेहमीप्रमाणे मौन धरून बसेल आणि ती एकटीच तिचा मुद्दा मांडण्याचा प्रयत्न करेल असं वाटून तिनेही गप्पच रहायचं ठरवलं. सुबीर मुद्दाम गप्प राहिला कि कालच्या घटनेचं त्याच्या लेखी काही महत्वाच नव्हतं? सोनालीच्या मनाला शांत करणारं उत्तरच सापडत नव्हतं.