दु:खद घटना

अमेरिकेतल्या दु:खद घटनांबद्दल सांगण्यासाठी.

बसलेले असतो आपण निवांत बिवांत
साजरा करत असतो उदाहरणार्थ कोणाचा तरी वाढदिवस, नवीन वर्ष वगैरे बिगैरे
ठरवत असतो नवीन योजना संकल्प ईत्यादी बित्यादी

अचानक एक फोन येतो मी कसा तू कसा असं बोलण होतंय न होतंय तोवर त्या बातमीचा बॉम्ब पडतोच आपल्यावर
जिवंतपणीच छिन्नविछिन्न करतो आपल्या मना-हृदयाला
काय झालंय हे कळल्यावर आधी तर हे असं काही नसेलच झालं असा विचार
आणि थोडं झिरपलं तर कसं झालं कधी झालं हे विचारण्याचे उपचार
असं होउ शकलं असतं का तसं झालं असत तर
अशा अनेक निरर्थक वांझ शक्यता बोलल्या जातात किंवा एखादवेळी राहतात मनातच
पण सत्य हेच असतं की डाव साधलेला असतो त्याने....

काही दु:खद घटना घडल्या तर त्यासंबंधी एकत्रीत बोलायला हा धागा वापरा.