भास की सत्य किंवा काहीतरी दुसरेच?
Submitted by डॉ. रोहिणी चंद्... on 28 November, 2024 - 04:07
रस: भयानक
वृत्त: देवराज
काळ रात्र थंडगार शांत गूढ दाटते
चांदणे सभोवती निळे धुके लपेटते
पेटवू किती पुन्हा विझे मशाल का बरे?
सापडे न मार्ग रानभूल भास बावरे
उंच चौकटीत काळतोंड कोण राहते?
मान काढुनी उगा इथे कशास पाहते?
लांब नाग झेप घेत पायवाट रोखतो
दात दावुनी खुशीत तो अभद्र हासतो
ऐकते शिटी कधी हळूच आत वाजते
जोरदार थाप धप्प बंद दारि मारते
कोण येत-जात रोज पावलांस वाजवी
का कुणास ताल देत घुंगरास नाचवी?
विषय:
शब्दखुणा:
