फाटकी

पुन्हा लागली फाटकी माणसे पेटाया

पुन्हा लागली फाटकी माणसे पेटाया
वाजू लागले पडघम निवडणूका आल्या

पुन्हा जयघोष झाला लोकशाहीचा
आला भाव मताला जरा कम‌ऊया

ऋतू पेटवाया असे चांगला हा
तापला तवा भाकरी भाजूया

जळतील अश्राप कुठे आपले ते
ठेकेदार आपणच वाटणी करुया

कशाला भिती नीती अनितिची
चांगभलं मेंढरांच, कळप राखूया

पक्षनिष्ठा,विचारधारा बाजूला ठेवू
संपत्ती साठी सत्ता धोरण राब‌ऊया

सारी तिकिटं देऊनिया घरातच
पिढ्यानपिढ्या अघोषीत सम्राट होऊया

कार्यकर्ता फुटकळ, बाजारबुणगा
त्यास सतरंजी उचलाया ठेवूया