शिर्डी

माझा जन्म तसा श्रावणातल्या एका सोमवारचा. ईतके सात्विक रत्न माझ्या आईच्या पदरात टाकायला देवाला हिच तिथी योग्य वाटली असावी. पण वाढदिवस साजरा मात्र आम्ही करतो ईंग्रजी कॅलेंडरनुसार ११ ऑगस्टला. त्यामुळे माझ्या दर तिसर्‍या वाढदिवसाला श्रावणातला एखादा सण येणे माझ्यासाठी नवीन नाही. कधी हंडी, कधी नागपंचमी, तर यंदा रक्षाबंधन, हे चालूच असते. काही नाही तर फिरूनी श्रावणी सोमवार येतोच. मला वगळता घरी सर्वांचेच मांसाहार करायचे वांधे होत असल्याने माझ्या वाढदिवशी तो ओरडाही मलाच खावा लागतो. पण त्यामुळे माझ्या जन्मदिवशी आणखी एखाद्या जीवाचा मृत्युदिन होत नाही हे चांगलेच होते.