समय्या

समय्या मदनय्या गोरा, हे नाव तुम्ही ऐकलंय का? नसेलच. पुढंही ऐकण्याची आता शक्यता नाही. कारण समय्या मरण पावला. गडचिरोलीतल्या सिरोंचासारख्या गावात राहून रोजंदारीवर जेमतेम उदरनिर्वाह करणारा समय्या एक सामान्य माणूस. शेती-भाती काही नाही. हातावर पोट.

अलीकडं समय्या वन विभागात रोजंदारीवर चौकीदार म्हणून काम करत होता. आता त्याला दरमहा जे काही उत्पन्न मिळायचं, त्यात पत्नी मधुनक्का आणि दहावीत असणारी मुलगी अनुषा यांचं जेमतेम भागत होतं.