वस्त्र सुखदु:खाचे

वस्त्र सुखदु:खाचे

बिनकष्टाचा पैसा मिळता, कष्टाचे ना मोल कळे
घाम गाळुनी घास कमवा, धरतीवरती स्वर्ग मिळे
पैसा पैसा जमवून दिवसा, रात्री सुखाची भ्रांत पडे
गरीब बिचारा कष्टकरी तो, गोधडीवरही शांत पडे

सपक प्रेमाचे गोड बोलणे, भांडणाने होई खमंग
विरहा नंतर येता भरती, प्रेम होईल अति अभंग
कडू गोडाचे मिश्रण होता, मुखात विडा खूप रंगतो
आयुष्याचे तत्त्वज्ञान हे, ध्यानी घ्यावे तुम्हा सांगतो