कोरोनाचा फुत्कार

कोरोनाचा फुत्कार

फुत्कार ऐकता कोरोनाचा
मन भयकंपित होते
नको नको त्या शंका
मन भुताचे घर होते
बातम्या ऐकून
इथल्या तिथल्या
मन दु:खी विचलित होते
घरात शिरता कोरोना पण
तारांबळ, घाबरगुंडी उडते
राव रंक वा असो भिकारी
खाजगी वा नोकर सरकारी
नाती गोती माती होती
नाही कुणी दरबारी
मदत कुणी कुणा
करू शकेना
एका हाती लढणे
असो म्हातारे वा तान्हुले
असहाय्यपणे पहाणे
इच्छाशक्ती, जगण्या भक्ती
शस्त्रच आपल्या हाती
शांत राहून घ्यावी काळजी
मनी नसावी भीती