समृद्ध आयुष्य

समृद्ध आयुष्य

शैशव सरले तारुण्य आले
मुग्ध कळीचे फूल झाले
छेडछाड वाऱ्यासंगे
अवखळ अल्लड प्रणय रंगे
सोन-हळदी रविकिरणे
स्पर्शित होती मुक्तपणे
गंध पसरता चोहीकडे
भुंगे किती घायाळ झाले
ऋतु मागुनि ऋतु गेले
पाने गळून प्रौढत्व आले
लालगुलाबी नाजूक मऊसर
तान्हुल्याच्या तळहातासम
नवीन पालवी नव क्षितिजावर
मातृत्व डोले अंगाखांद्यावर
वाऱ्यासंगे वृक्ष बोले
आयुष्य माझे समृद्ध झाले
आयुष्य माझे समृद्ध झाले