फुले

गणेशोत्सवाच्या निमित्ताने इथे अनेकजण आपल्या कलाकृति सादर करत आहेत त्या बघुन मला स्फुर्ती आली. मी आज कागदाची फुले केली. मी ऑफिसमधे रिकामा वेळ मिळाला कि हि करतच असतो.
आपण जी क्रेप कागदाची फुले करत असू, तशीच हि करतो. पण यासाठी मी कॉम्प्यूटरच्या कंटिन्यूअस स्टेशनरीचा कागद वापरतो. मला यासाठी कात्री, गोंद वगैरे काहीच लागत नाही. या पाकळ्या मी हातानेच कागद फाडून बनवतो. आधी मधे एक कपटा चुरगाळून कळीसारखा आकार करुन घेतो, आणि त्याभोवती पाकळ्या रचत जातो. या पाकळ्यांच्या कडा किंचीत गुंडाळून घेतो. तळाशी हातानेच पिळ देत पाकळ्या घट्ट बसवत जातो. शेवटी देठाला, याच कागदाची कडेची पट्टी, गुंडाळून घेतो.

हा आहे सोनटक्का. सोनटक्क्याचे आल्यासारखे मुळ असते. ह्याचे एक मुळ किंवा रोप लावले म्हणजे ते अळुसारखे बाजुला पसरते. आपल्या मंद वासाने हे फुल स्वतःकडे आकर्षीत करुन घेते. सोनटक्क्यामध्ये पिवळा रंगही असतो. पिवळ्यारंगाची फुले थोडी आकाराने लहान असतात पांढर्‍याफुला पेक्षा. बाजारात जुडीने ह्याच्या कळ्या विकायला येतात.

हा आत्ताच आणलेला डेलिया आहे. ह्यामध्येही मला पिवळा, किरमिजी रंग दिसला. ह्या झुडूपाला एकदाच ५-६ कळ्या आल्या होत्या.