प्रजासत्ताक भारत
Submitted by Asu on 26 January, 2020 - 00:15
प्रजासत्ताक भारत
हे कोण म्हणे कुणाला I प्रजासत्ताक भारत झाला !
खरं खरं सांगा बोला, ह्या तिरंग्याची आण तुम्हाला ||धृ||
टिळक सुभाष गांधी लढला
मर्दानी लक्ष्मी ती वीरबाला
भगतसिंग सावरकर बळी गेला
पेटवून बलिदानाच्या ज्वाला
प्रिय भारत स्वतंत्र झाला ! ||१||
छळछळून इंग्रज गेला
इंग्रजी ठेवली छळण्याला
जन मायबोली विसरला
इंग्रजी भली गुलामाला
आत्ता तरी मराठी बोला ||२||
बघा अजब संसार झाला
जन लाथाडती घरवालीला
नांदवती घरी परकीला
मराठीचा निरुपाय झाला
साही नवऱ्याच्या बायकोला ||३||
शब्दखुणा:
