एका फुलपाखराचा जन्म
Submitted by Dr Raju Kasambe on 30 July, 2019 - 06:55
एका फुलपाखराचा जन्म
‘बाबा, फुलपाखरू निघत आहे! पटकन चला!’
माझी पाच वर्षाची मुलगी प्रांजली व दोन वर्षांचा मुलगा वेदांत अतिउत्साहाने धावत येऊन मला सांगायला लागले. माझ्या घरी आणखी एका फुलपाखराचा जन्म होत होता. कोषातून फुलपाखरू बाहेर येण्यास केवळ काही सेकंद लागतात आणि अनेक वेळा प्रयत्न करूनही ही घटना मला कॅमेराबद्ध करता आली नव्हती. कोषातून बाहेर आल्यावर फुलपाखरू एखाद्या फांदीला किंवा कोशालाच उलटे लटकते आणि एक रंगीत मांसाची पुंगळी वाटणारे फुलपाखरू हळूहळू आपल्या पंखांची पुंगळी सोडून ते पूर्ण उघडते, एखाद्या मलमली रुमालाची घडी उघडावी तसेच.
