उपेक्षित समाज

एखाद्या सिग्नल वा पेट्रोल पंपावर थांबल्यावर एखादा हिजडा येताना दिसला की, आपण पळ काढण्याचा प्रयत्न करतो.माञ तो आपल्याकडे येतो ते फक्त भिक मागण्यासाठी.हिजड्यांना समाजाने मुख्य प्रवाहात कधीचं राहु दिलं नाही.त्यामुळे भिक मागुण आपल्या पोटाची खळगी भरण्याशीवाय त्यांच्याकडे दुसरा पर्याय नसतो.
हिजड्यांना बघुन काहींना आनंद होतो तर काहींना राग येतो.माञ याचं समाजातील काही लोक या हिजड्यांचं लैंगीक शोषण करतात...त्यांना अश्लिल भाषा आणी वाईट नजरांनी त्यांच जगणं मुश्कील करुन टाकतात.

लाल दिवा बघुनी
थांबलो सिग्नलला
काचेवरती नाजूक
काळा हात फिरला ॥१॥

बघुनी मी अस्वस्थ
थोडा मनांत झालो
हलकेच काच गाडीची
खाली करता झालो ॥२॥

उघडणारी काच बघुनी
डोळे तिचे चमकले
उदास मलूल चेहर्यावरी
हास्य खिन्न विलसले ॥३॥

हातांत मिळताच काही
मनोमन ती हरखली
बघुनी माझ्याकडे ती
खळखळून किती हसली ॥४॥

कृतज्ञतेने हात तिने
माझ्यासमोर जोडले
बघुनी मला मनांत
खजील अपार वाटले ॥५॥

हळूहळू ती पाठीमागे
मागे सरकत राहीली
मनपटलावर माझ्या
माझीच ईशू झळकली ॥६॥