तरही - तुझ्यासाठीच जगलो आजवर

(तरही मिसरा प्रमोद खराडे ह्यांचा)

स्वतःची का न मी केली कदर, कळले मला
तुझ्यासाठीच जगलो आजवर, कळले मला

न दर्शन वा न बोलाचाल, नुसते हुंदके
शपथ! हे प्रेम आयुष्यात जर कळले मला

तुझ्या स्मरणांसवे उकरून भांडण पाहिले
करावे काय नक्की रात्रभर, कळले मला

बरसल्या पंचक्रोशीवर सुगंधाच्या सरी
तुला आलेत नाही ते बहर, कळले मला

अनवधानात गुणगुणलीस माझी गझल तू
नवे कित्येक अर्थांचे पदर कळले मला

सुचत नाहीत हल्ली शेर पूर्वीसारखे
तुला माझा पडत आहे विसर, कळले मला

पुढे आयुष्यभर निस्तेज डोळे राहिले
किती मी सोसली नजरानजर, कळले मला

पुरे झाली शिकवणी जीवना आता तुझी