लोपली अनंत युगे

ही 'तरी ही?' आहे तरही नाही हे अगोदरच स्पष्ट करते.
'तरी ही ?' म्हणजे लोक म्हणतात ना, लिहितानाच इतकी भिकार लिहिली 'तरी ही' का छापली?
तर या प्रकारची कविता म्हणजे 'तरी ही'

डॉक्टरांवरी उडून फीज भरभकम तरी
लोटला अनंत काळ ओलसर जखम तरी

थंडगार पार्सलास या कसे गिळायचे
मायक्रो करून त्यास कर जरा गरम तरी

वर्ष संपताच पाळणा पुन्हा हलायचा
लेकुरे उदंड मात्र थांबला न क्रम तरी

ही तुझी समीक्षणे कुणा कशी रूचायची
एक चित्र पाहण्यात तीन तास रम तरी

'मी तुझा, तुझाच मी' किती जणींस सांगतो
सोंग हे निभावण्यात लागलाय दम तरी

फोटुशॉपची कृपा विकास हा खरा नसे
काय तू विसंबलास संपलाय भ्रम तरी