वाद आणि वाद

बहुसंख्य धाग्यांवर जात, धर्म, राजकारण, श्रद्धा / अंधश्रद्धा अश्या विषयांवरून वाद होऊ लागलेले आहेत. चिथावणीखोर प्रतिसाद, उपरोधिक ताशेरे, आक्रमक भाषा, आकसयुक्त विधाने, तीव्र संताप व्यक्त करणारे युक्तिवाद ह्या सर्वांनी युक्त अश्या चर्चा सर्वत्र दिसत आहेत. काही वाहत्या पानांना केवळ वाहती व गप्पांची पाने म्हणणे अशक्य झालेले आहे. तेथे फोरमवर काय वाचावे, त्यावर काय भूमिका घ्यावी, काय लिहावे ह्याच्या जणू योजना आखल्याप्रमाणे चर्चा होत आहेत. स्क्रीन शॉट्स घेणे, तक्रारी करणे हे तर आहेच पण उघड उघड आपल्या नावडत्या नेत्यांबद्दल व समूहांबद्दल अनुचित उल्लेख सहजपणे होत आहेत.