डिके

"डिकेला वेड लागलंय"

एक मित्र म्हणाला आणि मला हसूच आले. मित्राचा चेहरा गंभीर राहिलेला पाहून मी क्षणात गंभीर झालो.

"म्हणजे?"

"म्हणजे वेडा झाला अरे तो"

"म्हणजे काय?"

"म्हणजे कोनाड्यात बसून राहतो, बाहेर येत नाही, तिथेच जेवतो, झोपतो, कोणाला ओळख देत नाही"

"कोनाड्यात?"

"त्याच्या घरात एक खूप मोठा कोनाडा आहे. त्या कोनाड्याला त्याने स्वतःची रूम बनवले आहे. त्यातच बसून राहतो. स्वतःशीच बडबडतो. म्हणतो आता मी स्वतंत्र आहे."

"हे, हे कधी झाले?"