खान्देशातील पाककृती

खान्देशातील पाककृती टाकण्याचा आग्रह झाला म्हणुन हा वेगळा धागा सुरु केला.
कृती सुरु करण्यापुर्वी सांगते की खान्देश हा महाराष्ट्राच्या उत्तरेला स्थित असुन, इतर जिल्ह्यांपेक्षा नक्कीच तिथले तापमान जास्त असते, त्यामुळे तिथल्या मिळणा-या भाज्यांमधेही थोडाफार फरक आहे. जसे वांगे काटेरी आणी हिरवेच चवदार असतात. जांभळे वांगे तिकडे कोणी खाणार नाहीत. पोकळा नावाची पालेभाजी मिळते, तसेच कटरले हे ही टेस्टी असतात.
खान्देशात कडधान्ये जास्त पिकतात. तिकडची तुरीच्या दाळ ही फुटरी लागते. खान्देशी माणुस मुगाची खिचडी क्वचित प्रसंगीच खाईल. मुगाच्या दाळीची साधी खिचडी म्हणजे फक्त पेशंटलाच असा (गैर) समज आहे.